Posted On
date_range Updated On
date_range മോദിയുടെ സന്ദർശനത്തിനിടെ ഡ്രോൺ പറത്തിയ മൂന്നുപേർ അറസ്റ്റിൽ
അഹ്മദാബാദ്: ഗുജറാത്തിലെ ബാവ്‍ലയിൽ പ്രധാനമന്ത്രി നരേന്ദ്ര മോദിയുടെ സന്ദർശനത്തിനിടെ നിരോധിത മേഖലയിൽ ഡ്രോൺ പറത്തിയതിന് മൂന്നുപേർ അറസ്റ്റിൽ. മൂന്നു പേരെ അറസ്റ്റ് ചെയ്യുകയും കേസെടുക്കുകയും ചെയ്തതായി അഹ്മദാബാദ് പൊലീസ് അറിയിച്ചു.
ഡ്രോൺ ഉപയോഗിച്ച് വിഡിയോ റെക്കോഡ് ചെയ്യുകയും നിരോധിത മേഖല ലംഘിക്കുകയും ചെയ്തതിനാണ് അറസ്റ്റ്. നികുൽ രമേഷ്ഭായ് പാർമർ, രാകേഷ് കലുഭായ് ഭർവാദ്, രാജേഷ് കുമാർ മംഗിലാൽ പ്രജാപതി എന്നിവരാണ് അറസ്റ്റിലായത്.
അതേസമയം, ഡ്രോണിൽ സംശയകരമായ ഒന്നും കണ്ടെത്തിയിട്ടില്ലെന്ന് പൊലീസ് അറിയിച്ചു. ഡിസംബർ ഒന്നിനും അഞ്ചിനുമായി നടക്കുന്ന തെരഞ്ഞെടുപ്പിനു മുന്നോടിയായുള്ള പ്രചാരണത്തിൽ പങ്കെടുക്കാൻ ഗുജറാത്തിൽ എത്തിയതായിരുന്നു മോദി. വ്യാഴാഴ്ച ഗുജറാത്തിൽ നാലു റാലികളിലാണ് മോദി പങ്കെടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.