മോ​പ്പ​ഡ് യാ​ത്രി​ക‍ന്‍റെ അ​പ​ക​ട മ​ര​ണം; നി​ർ​ത്താ​തെ പോ​യ വാ​ഹ​നം പി​ടി​കൂ​ടി

ഒ​റ്റ​പ്പാ​ലം: ഉ​ത്രാ​ട പു​ല​ർ​ച്ച ക​ണ്ണി​യം​പു​റ​ത്ത് മോ​പ്പ​ഡ് യാ​ത്ര​ക്കാ​നെ ഇ​ടി​ച്ചു​തെ​റി​പ്പി​ച്ച് ക​ട​ന്നു​ക​ള​ഞ്ഞ അ​ജ്ഞാ​ത വാ​ഹ​നം ഒ​ന്ന​ര മാ​സ​ത്തെ പ​രി​ശ്ര​മ​ങ്ങ​ൾ​ക്കൊ​ടു​വി​ൽ പൊ​ലീ​സ് പി​ടി​കൂ​ടി. ക​ർ​ണാ​ട​ക ര​ജി​സ്ട്രേ​ഷ​നി​ലു​ള്ള ലോ​റി കോ​യ​മ്പ​ത്തൂ​രി​ൽ​നി​ന്നാ​ണ് പൊ​ലീ​സ് ക​സ്​​റ്റ​ഡി​യി​ലെ​ടു​ത്ത​ത്. ലോ​റി​യു​ടെ ഡ്രൈ​വ​ർ ത​മി​ഴ്നാ​ട് വെ​ല്ലൂ​ർ തി​രു​മം​ഗ​ലം കാ​ളി​യ​മ്മ​ൻ തെ​രു​വി​ൽ മ​ഹാ​ലിം​ഗ​ത്തെ (33) അ​റ​സ്​​റ്റ്​ ചെ​യ്തു.

ആ​ഗ​സ്​​റ്റ് 20ന് ​പു​ല​ർ​ച്ച 5.20ഓ​ടെ പാ​ല​ക്കാ​ട്-​കു​ള​പ്പു​ള്ളി പാ​ത​യി​ൽ ക​ണ്ണി​യം​പു​റ​ത്താ​ണ് അ​പ​ക​ടം. പൊ​ന്നാ​നി​യി​ലേ​ക്ക് മ​ത്സ‍്യ​മെ​ടു​ക്കാ​ൻ പോ​വു​ക​യാ​യി​രു​ന്ന പാ​ല​ക്കാ​ട് കി​ഴ​ക്ക​ഞ്ചേ​രി ഇ​ള​വം​പാ​ടം പു​ന്ന​പ്പാ​ടം വീ​ട്ടി​ൽ കാ​സി​മിെൻറ മ​ക​ൻ ജ​ബ്ബാ​ർ (52) സ​ഞ്ച​രി​ച്ച മോ​പ്പ​ഡാ​ണ് ഇ​ടി​ച്ചി​ട്ട​ത്. റോ​ഡി​ൽ വീ​ണു​കി​ട​ന്നി​രു​ന്ന ജ​ബ്ബാ​റി​നെ ഹൈ​വേ പൊ​ലീ​സാ​ണ് ആ​ശു​പ​ത്രി​യി​ൽ എ​ത്തി​ച്ച​ത്. എ​ന്നാ​ൽ, ഇ​ദ്ദേ​ഹം മ​രി​ച്ചി​രു​ന്നു. ഇ​ടി​ച്ച വാ​ഹ​നം ക​ട​ന്നു​ക​ള​ഞ്ഞ​തി​നാ​ൽ അ​ന്വേ​ഷ​ണ​വും വ​ഴി​മു​ട്ടി.

മോ​പ്പ​ഡി​ൽ മ​റ്റൊ​രു വാ​ഹ​നം ഇ​ടി​ച്ച​തി​നാ​ലാ​ണ് അ​പ​ക​ടം സം​ഭ​വി​ച്ച​തെ​ന്ന നി​ഗ​മ​ത്തി​ലെ​ത്തി​യ പൊ​ലീ​സി​ന് വാ​ഹ​നം ക​ണ്ടെ​ത്ത​ൽ വെ​ല്ലു​വി​ളി​യാ​യി. ഒ​ന്ന​ര മാ​സം നീ​ണ്ട പ​രി​ശോ​ധ​ന​യി​ൽ നൂ​റു​ക​ണ​ക്കി​ന് സി.​സി.​ടി.​വി​ക​ൾ പൊ​ലീ​സ് പ​രി​ശോ​ധ​ന​ക്ക് വി​ധേ​യ​മാ​ക്കി. ഇ​തി​ൽ നി​ന്നാ​ണ് ഇ​ടി​ച്ച വാ​ഹ​ന​ത്തെ കു​റി​ച്ച് സ്ഥി​രീ​ക​ര​ണം ല​ഭി​ച്ച​ത്. വാ​ഹ​നം ഇ​ടി​ച്ച​ത് അ​റി​ഞ്ഞി​രു​ന്നി​ല്ലെ​ന്നാ​ണ് ഡ്രൈ​വ​ർ മൊ​ഴി ന​ൽ​കി​യ​തെ​ന്ന് പൊ​ലീ​സ് പ​റ​ഞ്ഞു. ഓ​ൺ​ലൈ​ൻ വി​ൽ​പ​ന​യു​മാ​യി ബ​ന്ധ​പ്പെ​ട്ട ഓ​ട്ട​ത്തി​നി​ട​യി​ലാ​ണ് ലോ​റി മോ​പ്പ​ഡു​മാ​യി ഇ​ടി​ച്ച​ത്.

മ​ന​പ്പൂ​ർ​വ​മ​ല്ലാ​ത്ത ന​ര​ഹ​ത്യ​ക്കും അ​പ​ക​ടം ന​ട​ന്നി​ട്ടും നി​ർ​ത്താ​തെ പോ​യ​തി​നും മ​ഹാ​ലിം​ഗ​ത്തി​നെ​തി​രെ പൊ​ലീ​സ് കേ​സെ​ടു​ത്തു. ഷൊ​ർ​ണൂ​ർ ഡി​വൈ.​എ​സ്.​പി വി. ​സു​രേ​ഷ്, ഒ​റ്റ​പ്പാ​ലം സി.​ഐ ബാ​ബു​രാ​ജ്, ട്രാ​ഫി​ക് പൊ​ലീ​സ് എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ന്ന അ​ന്വേ​ഷ​ണ​മാ​ണ് വാ​ഹ​നം ക​ണ്ടെ​ത്താ​ൻ സ​ഹാ​യ​ക​മാ​യ​ത്.