ചന്ദ്രന്‍റെ കൊലപാതകം: നടുങ്ങി കുന്നത്തുകാട്

കല്ലടിക്കോട്: ചന്ദ്രന്‍റെ കൊലപാതകത്തിൽ നടുങ്ങി കരിമ്പ കുന്നത്തുകാട് ഗ്രാമം. ഞായറാഴ്ച രാവിലെ ആറോടെ വീടിനടുത്തുനിന്ന് ഒന്നര കി.മീ. ദൂരത്തെ കല്ലടിക്കോട് ചുങ്കത്ത് ചായക്കടയിൽ അയൽക്കാരും നാട്ടുകാരുമൊത്ത് ചായ കുടിച്ച് വീട്ടിലേക്കുവന്ന ചന്ദ്രൻ കൊല്ലപ്പെട്ടെന്ന വാർത്ത ഞെട്ടലോടെയാണ് നാട്ടുകാർ പങ്കുവെച്ചത്.

ടാപ്പിങ് തൊഴിലാളിയായും ഓട്ടോ ഡ്രൈവറായും ജോലി ചെയ്തിരുന്ന ആളാണ് ചന്ദ്രൻ. മദ്യലഹരിയിൽ പലപ്പോഴും വീട്ടിൽനിന്ന് വഴക്ക് കേൾക്കാറുണ്ടെന്ന് പരിസരവാസികൾ പറയുന്നു. ഭാര്യാഭർത്താക്കന്മാർ തമ്മിലെ പിണക്കമായി മാത്രമേ അത് നാട്ടുകാർ ഗൗനിച്ചുള്ളൂ. ഞായറാഴ്ച രാവിലെ ഏഴരയോടെ ഭർത്താവ് ചന്ദ്രൻ വീണ് പരിക്കേറ്റെന്ന് ഭാര്യ ശാന്തയാണ് അയൽവാസികളോട് പറഞ്ഞത്. നാട്ടുകാർ ഉടൻ കല്ലടിക്കോട് പൊലീസിൽ വിവരമറിയിച്ചു. മകൾ ഒരാഴ്ച മുമ്പാണ് കുന്നത്ത്കാട് വീട്ടിൽ വന്ന് പോയത്. ചന്ദ്രനും ശാന്തയും കൂലിപ്പണിക്ക് പോവാറുണ്ട്. ഇരുവരും തമ്മിൽ കാര്യമായ പ്രശ്നമുള്ളതായി നാട്ടുകാർക്ക് അറിയില്ല. ഞായറാഴ്ച രാവിലെ പത്തരയോടെ ഡിവൈ.എസ്.പി മുരളീധരൻ, സി.ഐ ടി. ശശികുമാർ എന്നിവരുടെ നേതൃത്വത്തിലെ പൊലീസ് സംഘം സ്ഥലത്ത് എത്തിയിരുന്നു. ഫോറൻസിക് വിദഗ്ധരും സ്ഥലത്തെത്തി.

ക​ല്ല​ടി​ക്കോ​ട് ചു​ങ്ക​ത്തി​ന​ടു​ത്ത് മ​ധ്യ​വ​യ​സ്ക​ൻ മ​ർ​ദ​ന​മേ​റ്റ്​ മ​രി​ച്ചു

ക​ല്ല​ടി​ക്കോ​ട്: ക​ല്ല​ടി​ക്കോ​ട് ചു​ങ്ക​ത്തി​ന​ടു​ത്ത് മ​ധ്യ​വ​യ​സ്ക​ൻ മ​ർ​ദ​ന​മേ​റ്റ്​ മ​രി​ച്ചു. കു​ന്ന​ത്തു​കാ​ട് കു​ണ്ട​ൻ ത​രി​ശി​ൽ കോ​ലോ​ത്തും പ​ള്ളി​യാ​ൽ ച​ന്ദ്ര​നെ (58) ആ​ണ് വീ​ടി​ന്‍റെ അ​ടു​ക്ക​ള​യി​ൽ മ​രി​ച്ച​നി​ല​യി​ൽ ക​ണ്ട​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ച​ന്ദ്ര​ന്‍റെ ഭാ​ര്യ ശാ​ന്ത​യെ (50) ക​ല്ല​ടി​ക്കോ​ട് പൊ​ലീ​സ് അ​റ​സ്റ്റ് ചെ​യ്തു.

ഞാ​യ​റാ​ഴ്ച രാ​വി​ലെ 7.30ഓ​ടെ​യാ​ണ് സം​ഭ​വം. കു​ടും​ബ വ​ഴ​ക്കി​നി​ടെ ശാ​ന്ത വി​റ​കു​കൊ​ള്ളി ഉ​പ​യോ​ഗി​ച്ച് ഭ​ർ​ത്താ​വി​ന്‍റെ ത​ല​ക്ക​ടി​ക്കു​ക​യാ​യി​രു​ന്നു​വെ​ന്ന്​ പൊ​ലീ​സ്​ പ​റ​ഞ്ഞു. അ​ടി​യു​ടെ ആ​ഘാ​ത​ത്തി​ൽ നി​ല​ത്തു​വീ​ണ ച​ന്ദ്ര​ന്‍റെ ത​ല​ക്ക് പി​റ​കി​ലും ക​ഴു​ത്തി​ലും സാ​ര​മാ​യ പ​രി​ക്കു​ണ്ട്. ര​ക്തം വാ​ർ​ന്നാ​ണ് മ​രി​ച്ച​തെ​ന്നാ​ണ് സൂ​ച​ന. മ​ദ്യ​പി​ച്ച് വ​രു​ന്ന ച​ന്ദ്ര​ൻ പ​തി​വാ​യി മ​ർ​ദി​ച്ചി​രു​ന്നു​വെ​ന്നും പീ​ഡ​നം സ​ഹി​ക്കാ​ൻ വ​യ്യാ​തെ​യാ​ണ് വി​റ​കു​കൊ​ള്ളി​കൊ​ണ്ട് ത​ല്ലി​യ​തെ​ന്നും ശാ​ന്ത പൊ​ലീ​സി​ന് മൊ​ഴി ന​ൽ​കി. സം​ഭ​വം ന​ട​ന്ന​യു​ട​നെ, ശാ​ന്ത അ​യ​ൽ​വാ​സി​ക​ളെ വി​വ​ര​മ​റി​യി​ച്ചി​രു​ന്നു. ഭ​ർ​ത്താ​വി​ന് വീ​ണ് പ​രി​ക്ക് പ​റ്റി​യെ​ന്നാ​ണ് ഇ​വ​ർ പ​റ​ഞ്ഞ​ത്.

അ​ഗ​ളി ഡി​വൈ.​എ​സ്.​പി എം. ​മു​ര​ളീ​ധ​ര​ന്‍റെ നേ​തൃ​ത്വ​ത്തി​ൽ പൊ​ലീ​സ് സ്ഥ​ല​ത്തെ​ത്തി. പാ​ല​ക്കാ​ട്ടു​നി​ന്നു​ള്ള വി​ര​ല​ട​യാ​ള വി​ദ​ഗ്​​ധ​രും ഡോ​ഗ് സ്ക്വാ​ഡും തെ​ളി​വ് ശേ​ഖ​രി​ച്ചു. മൃ​ത​ദേ​ഹം ജി​ല്ല ആ​ശു​പ​ത്രി​യി​ലെ പോ​സ്റ്റ്മോ​ർ​ട്ട​ത്തി​നു ശേ​ഷം ബ​ന്ധു​ക്ക​ൾ​ക്ക് കൈ​മാ​റി.