അ​മി​ത​വേ​ഗം; 18കാ​ര​നെ​തി​രെ കേ​സ്

കാ​ഞ്ഞ​ങ്ങാ​ട്: പൊ​ലീ​സ് വാ​ഹ​ന​ത്തി​ലു​ര​സി അ​മി​ത​വേ​ഗ​ത്തി​ൽ ഓ​ടി​യ കാ​ർ ര​ണ്ടു വാ​ഹ​ന​ങ്ങ​ളി​ലി​ടി​ച്ചു. അ​പ​ക​ട​ത്തി​ൽ ഓ​ട്ടോ ഡ്രൈ​വ​ർ​ക്ക് ഗു​രു​ത​ര​മാ​യി പ​രി​ക്കേ​റ്റു. ക​ഴി​ഞ്ഞ​ദി​വ​സം രാ​വി​ലെ​യു​ണ്ടാ​യ അ​പ​ക​ട​വു​മാ​യി ബ​ന്ധ​പ്പെ​ട്ട് 18കാ​ര​നെ​തി​രെ പൊ​ലീ​സ് കേ​സെ​ടു​ത്തു. ച​ട്ട​ഞ്ചാ​ൽ മു​ണ്ടോ​ളി​ലെ എ.​ആ​ർ. ഫ​ർ​ഹാ​നെ​തി​രെ​യാ​ണ് ബേ​ക്ക​ൽ പൊ​ലീ​സ് കേ​സെ​ടു​ത്ത​ത്. പാ​ല​ക്കു​ന്ന് സ്റ്റാ​ൻ​ഡി​ലെ ഓ​ട്ടോ ഡ്രൈ​വ​ർ പാ​കൃ​ര​യി​ലെ ഷാ​ഫി​ക്കാ​ണ് (44) പ​രി​ക്കേ​റ്റ​ത്. ഷാ​ഫി​യെ മം​ഗ​ളൂ​രു ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ബേ​ക്ക​ൽ ബീ​ച്ചി​ൽ പൊ​ലീ​സ് പ​രി​ശോ​ധ​ന​ക്കി​ടെ കാ​ർ പൊ​ലീ​സ് വാ​ഹ​ന​ത്തി​ലു​ര​സി അ​മി​ത​വേ​ഗ​ത്തി​ൽ ഓ​ടി​ച്ചു​പോ​വു​ക​യാ​യി​രു​ന്നു. കാ​റി​നെ പൊ​ലീ​സ് പി​ന്തു​ട​ർ​ന്നു. പാ​ല​ക്കു​ന്നി​ൽ​വെ​ച്ച് കാ​ർ എ​തി​രെ​വ​ന്ന കാ​റി​ലും ഓ​ട്ടോ​യി​ലും ഇ​ടി​ക്കു​ക​യാ​യി​രു​ന്നു. അ​ജാ​നൂ​ർ കൊ​ള​വ​യ​ലി​ലെ അ​ബ്ദു​ല്ല​ക്കു​ഞ്ഞി​യു​ടെ കാ​റി​നാ​ണ് ഇ​ടി​ച്ച​ത്.

പി​ന്നാ​ലെ​യെ​ത്തി​യ പൊ​ലീ​സും നാ​ട്ടു​കാ​രു​മാ​യി ഏ​റെ​നേ​രം സം​ഘ​ർ​ഷ​വും ത​ർ​ക്ക​വുമു​ണ്ടാ​യി. പൊ​ലീ​സ് പി​ന്തു​ട​ർ​ന്ന​താ​ണ് അ​പ​ക​ട​കാ​ര​ണ​മെ​ന്ന് പ​റ​ഞ്ഞാ​യി​രു​ന്നു സം​ഘ​ർ​ഷം.

ഏ​റെ​നേ​രം ഗ​താ​ഗ​തം സ്തം​ഭി​ക്കു​ക​യും ചെ​യ്തു. പി​ന്നീ​ട് കാ​ർ ക​സ്റ്റ​ഡി​യി​ലെ​ടു​ത്ത് കേ​സെ​ടു​ക്കു​ക​യാ​യി​രു​ന്നു. ക്രെ​യി​നു​പ​യോ​ഗി​ച്ചാ​ണ് കാ​ർ ബേ​ക്ക​ൽ പൊ​ലീ​സ് സ്റ്റേ​ഷ​നി​ലെ​ത്തി​ച്ച​ത്.