നാടുവിട്ട ഗുണ്ടയെ മുംബൈയിൽനിന്ന് പിടികൂടി

ഇരിങ്ങാലക്കുട: 38 ക്രിമിനൽ കേസുകളിലെ പ്രതിയായ, നാടുവിട്ട ഗുണ്ടയെ മുംബൈയിലെ ഒളിസങ്കേതത്തിൽനിന്ന് റൂറൽ ജില്ല പൊലീസ് പിടികൂടി. കാട്ടൂർ നന്ദനത്തുപറമ്പിൽ ഹരീഷ് (47) ആണ് പിടിയിലായത്. റൂറൽ എസ്.പി ഐശ്വര്യ ഡോങ്ങ്‌ഗ്രേയുടെ നേതൃത്വത്തിൽ ഇരിങ്ങാലക്കുട ഡിവൈ.എസ്.പി ബാബു കെ. തോമസ് ഉൾപ്പെടുന്ന ടീമാണ് തിങ്കളാഴ്ച പുലർച്ചെ ഇയാൾ ഒളിവിൽ കഴിഞ്ഞിരുന്ന ഫ്ലാറ്റിലെത്തി പിടികൂടിയത്.

കഴിഞ്ഞ വർഷം പഴുവിൽ സ്വദേശിയെ തല്ലിയ കേസിലും പൊലീസിനു നേരേ വാൾ വീശിയ കേസിലും ഒളിവിൽ പോയിരുന്നു. അന്ന് കര്‍ണാടകയിലെ കോലാറിൽനിന്ന് ഏറെ ശ്രമകരമായാണ് ഇയാളെ പിടികൂടിയത്. ജാമ്യത്തിൽ ഇറങ്ങിയ ശേഷം പാലാരിവട്ടം സ്വദേശിയെ ദേഹോപദ്രവം ഏൽപ്പിച്ച കേസിൽ ഉൾപ്പെട്ടെങ്കിലും പിടികിട്ടാപ്പുള്ളിയായി. അതിനു ശേഷം ജൂണിൽ രഹസ്യമായി അന്തിക്കാട് എത്തിയ ഹരീഷ് വഴിയരികിൽ നിൽക്കുകയായിരുന്ന താന്ന്യം സ്വദേശിയെ പ്രകോപനമില്ലാതെ വടിവാൾ കൊണ്ട് ആക്രമിക്കാൻ ശ്രമിച്ചു. നാടിന് ഭീഷണിയായ ഇയാൾ പൊലീസിനും നിരന്തരം തലവേദനയാണെന്നും കാപ്പ ചുമത്തിയാണ് അറസ്റ്റ് ചെയ്തതെന്നും പൊലീസ് അറിയിച്ചു.

കാട്ടൂർ സ്റ്റേഷനിൽ 24, വലപ്പാട് ആറ്, ചേർപ്പ് രണ്ട് എന്നിങ്ങനെ കേസുകളിൽ പ്രതിയാണ്. അന്തിക്കാട്, കളമശ്ശേരി, കൊടകര, വാടാനപ്പള്ളി, ഒല്ലൂർ, മതിലകം, പാലാരിവട്ടം സ്റ്റേഷനുകളിലും കേസുകളിൽ ഉൾപ്പെട്ടിട്ടുണ്ട്. അന്തിക്കാട് ഇൻസ്പെക്ടർ പി.കെ. ദാസ്, കാട്ടൂർ ഇൻസ്പെക്ടർ മഹേഷ് കുമാർ, എസ്.ഐ അരിസ്റ്റോട്ടിൽ, സ്റ്റീഫൻ, എ.എസ്.ഐമാരായ പി. ജയകൃഷ്ണൻ, മുഹമ്മദ് അഷറഫ്, സീനിയർ സി.പിഒമാരായ ഇ.എസ്. ജീവൻ, സോണി സേവ്യർ, സി.പി.ഒ മാരായ ശബരി കൃഷ്ണൻ, കെ.എസ്. ഉമേഷ്, എം.വി. മാനുവൽ ഷറഫുദ്ദീൻ എന്നിവരാണ് പൊലീസ് സംഘത്തിൽ ഉണ്ടായിരുന്നത്.

38 ക്രിമിനൽ കേസുകളിലെ പ്രതി

ഇ​രി​ങ്ങാ​ല​ക്കു​ട: നി​ര​ന്ത​രം കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ടു​ന്ന​യാ​ളാ​ണ്​ ക​ഴി​ഞ്ഞ ദി​വ​സം റൂ​റ​ൽ ജി​ല്ല പൊ​ലീ​സ്​ മും​ബൈ​യി​ൽ​നി​ന്നും അ​റ​സ്റ്റ്​ ചെ​യ്ത കാ​ട്ടൂ​ർ സ്വ​ദേ​ശി ഹ​രീ​ഷെ​ന്ന്​ പൊ​ലീ​സ്​ പ​റ​ഞ്ഞു. നാ​ട്ടി​ൽ എ​പ്പോ​ഴും ആ​യു​ധ​വു​മാ​യി ന​ട​ക്കു​ന്ന ഇ​യാ​ൾ ഒ​രു കാ​ര​ണ​വു​മി​ല്ലാ​തെ കാ​ണു​ന്ന​വ​രെ​യെ​ല്ലാം ഉ​പ​ദ്ര​വി​ക്കും. ബാ​റു​ക​ളി​ൽ ആ​യു​ധ​വു​മാ​യെ​ത്തി ഭീ​ഷ​ണി​പ്പെ​ടു​ത്തി മ​ദ്യ​വും പ​ണ​വും വാ​ങ്ങു​ന്ന​ത്​ പ​തി​വാ​ണ്. പ​രാ​തി​പ്പെ​ടാ​ൻ പ​ല​ര്‍ക്കും ഭ​യ​മാ​ണ്‌. ഫോ​ൺ ഉ​പ​യോ​ഗി​ക്കാ​ത്ത പ്ര​തി കേ​സി​ൽ​പ്പെ​ട്ട സ്ഥ​ല​ത്ത് പി​ന്നീ​ട്​ ത​ങ്ങാ​റി​ല്ല. ഏ​റ്റ​വും അ​ടു​പ്പ​മു​ള്ള​വ​രെ ര​ഹ​സ്യ​മാ​യി ക​ണ്ട്​ ഉ​ട​ൻ മ​ട​ങ്ങും. ഓ​രോ ത​വ​ണ​യും ജാ​മ്യ​ത്തി​ലി​റ​ങ്ങി അ​ടു​ത്ത കേ​സു​ണ്ടാ​ക്കും.

ക​ഴി​ഞ്ഞ വ​ർ​ഷം കേ​സു​ക​ളി​ൽ​പ്പെ​ട്ട്​ ഒ​ളി​വി​ൽ പോ​യ ഇ​യാ​ളെ ക​ർ​ണാ​ട​ക​യി​ലെ കോ​ലാ​റി​ൽ​നി​ന്ന് ശ്ര​മ​ക​ര​മാ​യാ​ണ് പൊ​ലീ​സ് പി​ടി​കൂ​ടി​യ​ത്. ജാ​മ്യ​ത്തി​ൽ ഇ​റ​ങ്ങി​യ ശേ​ഷ​മാ​ണ്​ എ​റ​ണാ​കു​ളം പാ​ലാ​രി​വ​ട്ട​ത്ത് ബ​ധി​ര​നാ​യ ആ​ളെ ദേ​ഹോ​പ​ദ്ര​വം ഏ​ൽ​പ്പി​ച്ച​ത്. ദി​വ​സ​ങ്ങ​ൾ​ക്ക്​ മു​മ്പ്​ പൊ​ലീ​സ് ക​ര്‍ണാ​ട​ക​യി​ലും ത​മി​ഴ് നാ​ട്ടി​ലും ഇ​യാ​ൾ​ക്കാ​യി തെ​ര​ച്ചി​ൽ ന​ട​ത്തി​യി​രു​ന്നു. മും​ബൈ വാ​ഷി​യി​ലെ നി​ർ​മാ​ണ മേ​ഖ​ല​യി​ലെ ഒ​ളി​ത്താ​വ​ളം ക​ണ്ടെ​ത്തി പി​ടി​കൂ​ടാ​നാ​യ​ത്​ റൂ​റ​ൽ പൊ​ലീ​സി​ന് നേ​ട്ട​മാ​യി.