യുവാവിനെ തട്ടിക്കൊണ്ടുപോയി കൊലപ്പെടുത്താൻ ശ്രമം; പ്രതികൾ അറസ്റ്റിൽ

കരുനാഗപ്പള്ളി : യുവാവിനെ തട്ടിക്കൊണ്ടുപോയി കൊലപ്പെടുത്താൻ ശ്രമിച്ച കേസിൽ ഒളിവിലായിരുന്ന രണ്ടു പ്രതികളെ കരുനാഗപ്പള്ളി പൊലീസ് അറസ്റ്റ് ചെയ്തു. തഴവ കടത്തൂർ കുരുടന്‍റയ്യത്ത് നിസ്സാർ ( 50), മകൻ നൗഫൽ (27) എന്നിവരാണ് പിടിയിലായത്. ഇരുവരെയും കോടതിയിൽ ഹാജരാക്കി കോടതി റിമാൻഡ്​ ചെയ്തു.

2020 മേയിൽ തഴവ സ്വദേശി നവാസിനെ തട്ടിക്കൊണ്ടുപോകുകയായിരുന്നു. നേരത്തെ മൂന്ന് പ്രതി ക ൾ അറസ്റ്റിലായിരുന്നു. അന്ന് അറസ്റ്റിലായ ഒരാളുടെ സഹോദരിയെ കാണാതായ സംഭവുമായി ബന്ധപ്പെട്ട് ചവറ പൊലീസ് സ്റ്റേഷനിൽ പരാതി നൽകിയിരുന്നു. ഇതുമായി ബന്ധമുണ്ടെന്ന കാരണത്താലാണ്​ നവാസിന് നേരെയുണ്ടായ ആക്രമണം.

ചവറ പൊലീസ് രജിസ്റ്റർ ചെയ്ത കേസിൽ കരുനാഗപ്പള്ളി പൊലീസ് ഇൻസ്പെക്ടറാണ് കേസ് അന്വേഷിച്ചിരുന്നത്. കരുനാഗപ്പള്ളി എച്ച്.എസ്.ഒ ജി. ഗോപകുമാറിന്‍റെ നേതൃത്വത്തിൽ എസ്.ഐമാരായ അലോഷ്യസ്, രാജേന്ദ്രൻ, എ.എസ്.ഐ ശ്രീകുമാർ, സി.പി.ഒ രാജീവ് എന്നിവരാണ് പ്രതികളെ പിടികൂടിയത്.