പൊ​ലീ​സ്​ ച​മ​ഞ്ഞ് പ​ണം ത​ട്ടാ​ൻ ശ്ര​മി​ച്ച​യാ​ൾ അ​റ​സ്റ്റി​ൽ

മാ​ള: പൊ​ലീ​സ്​ ച​മ​ഞ്ഞ്​​ ഭീ​ഷ​ണി​പ്പെ​ടു​ത്തി പ​ണം ത​ട്ടാ​ൻ ശ്ര​മി​ച്ച​യാ​ളെ മാ​ള പൊ​ലീ​സ് അ​റ​സ്റ്റ് ചെ​യ്തു. ക​ണ്ണി​കു​ള​ങ്ങ​ര ചി​ല​ങ്ക വാ​ഴ​ക്കാ​മ​ഠ​ത്തി​ൽ ജാ​സി എ​ന്ന​റി​യ​പ്പെ​ടു​ന്ന സു​ൽ​ത്താ​ൻ ക​രീം (29) ആ​ണ് അ​റ​സ്റ്റി​ലാ​യ​ത്.

ക​ഴി​ഞ്ഞ ദി​വ​സ​മാ​ണ്​ സം​ഭ​വം. ന​ട​ക്കാ​നി​റ​ങ്ങി​യ കു​ഴൂ​ർ സ്വ​ദേ​ശി സ​ഞ്ജ​യ് ര​വീ​ന്ദ്ര​ൻ, അ​വി​നാ​ശ്, അ​ർ​ജു​ൻ എ​ന്നീ വി​ദ്യാ​ർ​ഥി​ക​ളോ​ട്​ താ​ൻ മാ​ള പൊ​ലീ​സ്​ സ്റ്റേ​ഷ​നി​ൽ പു​തു​താ​യി ചു​മ​ത​ല​യേ​റ്റ എ.​എ​സ്.​ഐ ആ​ണെ​ന്നും മൂ​വ​രും ഒ​രു​മി​ച്ച്​ ബൈ​ക്കി​ൽ യാ​ത്ര ചെ​യ്യു​ന്ന​ത് ശ്ര​ദ്ധ​യി​ൽ പെ​ട്ടി​ട്ടു​ണ്ടെ​ന്നും പ​റ​ഞ്ഞു. വി​ദ്യാ​ർ​ഥി​ക​ൾ തി​രി​ച്ച​റി​യ​ൽ കാ​ർ​ഡ് ആ​വ​ശ്യ​പ്പെ​ട്ടെ​ങ്കി​ലും ഭീ​ഷ​ണി​പ്പെ​ടു​ത്തി സ്റ്റേ​ഷ​നി​ലേ​ക്ക് എ​ന്നു​പ​റ​ഞ്ഞ് ബ​ല​മാ​യി കാ​റി​ൽ ക​യ​റ്റി കൊ​ണ്ടു​പോ​യി. സ്റ്റേ​ഷ​ൻ എ​ത്തു​ന്ന​തി​നു​മു​മ്പ് വ​ണ്ടി നി​ർ​ത്തി 1000 രൂ​പ ന​ൽ​കി​യാ​ൽ വി​ട്ട​യ​ക്കാ​മെ​ന്നും അ​ടു​ത്ത ദി​വ​സം സ്റ്റേ​ഷ​നി​ൽ വ​ന്നാ​ൽ ര​സീ​ത്​ കി​ട്ടു​മെ​ന്നും പ​റ​ഞ്ഞു.

എ​ന്നാ​ൽ, ഇ​യാ​ളു​ടെ പെ​രു​മാ​റ്റ​ത്തി​ൽ സം​ശ​യം തോ​ന്നി​യ വി​ദ്യാ​ർ​ഥി​ക​ൾ സ്റ്റേ​ഷ​നി​ലെ​ത്തി പി​ഴ അ​ട​ക്കാ​മെ​ന്ന്​ പ​റ​ഞ്ഞ​തോ​ടെ ഇ​യാ​ൾ ക​ട​ന്നുകളഞ്ഞു. വി​ദ്യാ​ർ​ഥി​ക​ളു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ കാ​റി​ന്‍റെ ന​മ്പ​ർ കേന്ദ്രീകരിച്ച്​ നടത്തിയ അന്വേഷണത്തിലാണ്​ പ്രതി വലയിലായത്​. എ​സ്.​എ​ച്ച്.​ഒ വി. ​സ​ജി​ൻ ശ​ശി​യു​ടെ നേ​തൃ​ത്വ​ത്തി​ൽ എ​സ്.​ഐ ര​മ്യ കാ​ർ​ത്തി​കേ​യ​ൻ, എ.​എ​സ്.​ഐ​മാ​രാ​യ സു​മേ​ഷ്, മു​ഹ​മ്മ​ദ് ബാ​ഷി, സീ​നി​യ​ർ സി.​പി.​ഒ​മാ​രാ​യ ജി​ബി​ൻ കെ. ​ജോ​സ​ഫ്, ഷ​ഹീ​ർ അ​ഹ​മ്മ​ദ്, മാ​ർ​ട്ടി​ൻ, ഭ​ര​ത​ൻ എ​ന്നി​വ​ർ മാ​ള​യി​ൽ​നി​ന്നാണ്​ പ്ര​തി​യെ അ​റ​സ്റ്റ് ചെ​യ്തത്​. ഇ​യാ​ൾ​ക്കെ​തി​രെ വ​ഞ്ച​ന കേ​സ് നി​ല​വി​ലു​ണ്ടെ​ന്നും പൊ​ലീ​സ് അ​റി​യി​ച്ചു.