അക്രമങ്ങൾ തുടർക്കഥ: 1000ത്തിലേറെ ഗുണ്ടകളുടെ ജാമ്യം റദ്ധാക്കാൻ നീക്കം

ഗുണ്ടകളെ നിയന്ത്രിക്കാനായി ആവിഷ്കരിച്ച പദ്ധതികളെല്ലാം പാളുന്ന സാഹചര്യത്തിൽ കൂടുതൽ കടുത്ത നടപടികളിലേക്ക് നീങ്ങാനാണ് അധികൃതരുടെ നീക്കം. ഗുണ്ടാ അക്രമങ്ങൾ സർക്കാറിനെ തന്നെ പ്രതിക്കൂട്ടിൽ നിർത്തുന്ന സാഹചര്യമാണുള്ളത്. ഇതുകണക്കിലെടുത്ത് സംസ്ഥാനത്തെ ആയിരത്തിലേറെ ഗ​ുണ്ടകളുടെ ജാമ്യം റദ്ധാക്കാൻ നീക്കം തുടങ്ങി. ജാമ്യം റദ്ധാക്കാൻ പ്രോസിക്യൂഷൻ കോടതികളിൽ അപേക്ഷ നൽകിയിരിക്കുകയാണ്.

1400 പേരുടെ ജാമ്യം റദ്ധാക്കാനാണ് തീരുമാനം. ഇതിൽ 64 പേരുടെ ജാമ്യം റദ്ധാക്കി കഴിഞ്ഞു. ഒാപ്പറേഷൻ കാവൽ തുടങ്ങി നാല് മാസം പിന്നിട്ടിട്ടും ഗുണ്ടാ​ അക്രമങ്ങൾ കുറയാത്ത സാഹചര്യത്തിലാണ് ജാമ്യം റദ്ധാക്കാൻ തീരുമാനം എടു​ത്തത്. സാമൂഹിക വിരുദ്ധരും ഗുണ്ടകളുമായി 7953 പേർ കേരളത്തിലുള്ളതായാണ് പൊലീസിന്റെ കണക്ക്. ഇവരിൽ വലിയൊരു വിഭാഗം പൊലീസിന്റെ നിരീക്ഷണത്തിലാണ്. ജില്ല തിരിച്ചുള്ള കണക്കുകളിങ്ങനെ: കോട്ടയം (1255), തിരുവനന്തപുരം (1007), കോട്ടയം (178), പത്തനംതിട്ട(177), തിരുവനന്തപുരം(241).

കഴിഞ്ഞ നാലുമാസത്തിനിടെ 122പേരെ കാപ്പ നിയമപ്രകാരം ആറുമാസത്തെ കരുതൽ തടങ്കലിൽ വയ്ക്കാൻ കലക്ടർമാർക്ക് നിർദേശം നൽകിയിരിക്കുകയാണ്. തടങ്കലിൽ വയ്ക്കാൻ നിർദേശത്തിൽപ്പെട്ടവർ അക്രമത്തിലേർപ്പെടുന്ന സംഭവങ്ങൾ ഏറെയാണെന്ന് പറയുന്നു.