ബലാത്സംഗം: ഫ്രാങ്കോ മുളയ്​ക്കലിന്‍റെ വിചാരണ പൂർത്തിയായി; വിധി 14ന്

കോ​ട്ട​യം: ക​ന്യാ​സ്ത്രീ​യെ ബ​ലാ​ത്സം​ഗം ചെ​യ്ത കേ​സി​ല്‍ ബി​ഷ​പ് ഫ്രാ​ങ്കോ മു​ള​യ്​​ക്ക​ലി​ന്‍റെ വി​ചാ​ര​ണ അ​ഡീ​ഷ​ന​ല്‍ സെ​ഷ​ന്‍സ് കോ​ട​തി​യി​ൽ പൂ​ര്‍ത്തി​യാ​യി. 14ന് ​ജ​ഡ്​​ജി ജി. ​ഗോ​പ​കു​മാ​ര്‍ വി​ധി പ്ര​ഖ്യാ​പി​ക്കും. തി​ങ്ക​ളാ​ഴ്ച ഫ്രാ​ങ്കോ കോ​ട​തി​യി​ലെ​ത്തി​യി​രു​ന്നു. ര​ഹ​സ്യ​വി​ചാ​ര​ണ ആ​യ​തി​നാ​ൽ ന​ട​പ​ടി​ക​ൾ റി​പ്പോ​ർ​ട്ട് ചെ​യ്യു​ന്ന​തി​ൽ മാ​ധ്യ​മ​ങ്ങ​ൾ​ക്ക്​ വി​ല​ക്കു​ണ്ട്.

2019 ഏ​പ്രി​ല്‍ നാ​ലി​നാ​ണ്​ കു​റ്റ​പ​ത്രം സ​മ​ര്‍പ്പി​ച്ച​ത്. 2020 സെ​പ്​​റ്റം​ബ​റി​ൽ​ വി​ചാ​ര​ണ തു​ട​ങ്ങി. കേ​സി​ലെ 83 സാ​ക്ഷി​ക​ളി​ല്‍ 39 പേ​രെ വി​സ്ത​രി​ച്ചു. മേ​ജ​ര്‍ ആ​ര്‍ച് ബി​ഷ​പ് ക​ര്‍ദി​നാ​ള്‍ മാ​ര്‍ ജോ​ര്‍ജ് ആ​ല​ഞ്ചേ​രി, ര​ണ്ട് ബി​ഷ​പ്പു​മാ​ര്‍, വൈ​ദി​ക​ര്‍, ക​ന്യാ​സ്ത്രീ​ക​ള്‍ എ​ന്നി​വ​രും സാ​ക്ഷി​പ്പ​ട്ടി​ക​യി​ല്‍ ഉ​ണ്ടാ​യി​രു​ന്നു. പ്രോ​സി​ക്യൂ​ഷ​ന്‍ 122 രേ​ഖ​ക​ള്‍ കോ​ട​തി​യി​ല്‍ ഹാ​ജ​രാ​ക്കി. പ്ര​തി​ഭാ​ഗം ആ​റ്​ സാ​ക്ഷി​ക​ളെ വി​സ്ത​രി​ച്ചു.

മി​ഷ​ണ​റീ​സ് ഓ​ഫ് ജീ​സ​സി​ന്‍റെ കു​റ​വി​ല​ങ്ങാ​ട്ടെ മ​ഠ​ത്തി​ല്‍ 2014 മു​ത​ൽ 2016 വ​രെ കാ​ല​യ​ള​വി​ല്‍ ജ​ല​ന്ത​ര്‍ രൂ​പ​ത ബി​ഷ​പ് ഡോ. ​ഫ്രാ​ങ്കോ മു​ള​യ്ക്ക​ല്‍ പ​ല​ത​വ​ണ പീ​ഡി​പ്പി​ച്ചെ​ന്ന ക​ന്യാ​സ്ത്രീ​യു​ടെ പ​രാ​തി​യി​ല്‍ 2018 ജൂ​ണ്‍ 29നാ​ണ്​ പൊ​ലീ​സ് കേ​സെ​ടു​ത്ത​ത്.

സെ​പ്റ്റം​ബ​ര്‍ 21ന്​ ​അ​റ​സ്റ്റ് ചെ​യ്ത്​ പാ​ലാ സ​ബ്ജ​യി​ലി​ലേ​ക്ക്​ മാ​റ്റി. ജാ​മ്യ​ത്തി​ല്‍ പു​റ​ത്തി​റ​ങ്ങി​യ ഫ്രാ​ങ്കോ, കേ​സി​ല്‍നി​ന്ന് ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട്​ സു​പ്രീം​കോ​ട​തി​യെ സ​മീ​പി​ച്ചെ​ങ്കി​ലും അം​ഗീ​ക​രി​ച്ചി​ല്ല.

ഒ​രു വ​ര്‍ഷം ക​ഠി​ന​ത​ട​വും പി​ഴ​യും ശി​ക്ഷ​യും വ​രു​ന്ന അ​ന്യാ​യ​മാ​യി ത​ട​ഞ്ഞു​വെ​ക്ക​ല്‍ (342), അ​ഞ്ചു മു​ത​ല്‍ 10 വ​ര്‍ഷം വ​രെ ക​ഠി​ന​ത​ട​വ്​ വ​രു​ന്ന അ​ധി​കാ​ര ദു​ര്‍വി​നി​യോ​ഗം ന​ട​ത്തി ലൈം​ഗി​ക ദു​രു​പ​യോ​ഗം (376(സി)(​എ), 10 വ​ര്‍ഷ​ത്തി​ല്‍ കു​റ​യാ​ത്ത ത​ട​വും ജീ​വ​പ​ര്യ​ന്തം വ​രെ ത​ട​വും പി​ഴ​യും വ​രു​ന്ന പ്ര​കൃ​തി​വി​രു​ദ്ധ ലൈം​ഗി​ക പീ​ഡ​നം (377), ഏ​ഴു​വ​ര്‍ഷം ക​ഠി​ന​ത​ട​വ്​ ല​ഭി​ക്കാ​വു​ന്ന ഭീ​ഷ​ണി​പ്പെ​ടു​ത്ത​ല്‍ (506(1)), 10​ വ​ര്‍ഷ​ത്തി​ല്‍ കു​റ​യാ​ത്ത ത​ട​വും ജീ​വി​താ​വ​സാ​നം വ​രെ ജീ​വ​പ​ര്യ​ന്തം ക​ഠി​ന ത​ട​വും പി​ഴ​യും ശി​ക്ഷ വ​രാ​വു​ന്ന, മേ​ല​ധി​കാ​രം ഉ​പ​യോ​ഗി​ച്ച്​ ത​ന്‍റെ നി​യ​ന്ത്ര​ണ​ത്തി​ലു​ള്ള സ്ത്രീ​യെ ലൈം​ഗി​ക​മാ​യി ദു​രു​പ​യോ​ഗം ചെ​യ്യ​ല്‍ (376)(2)(കെ), 10 ​വ​ര്‍ഷ​ത്തി​ല്‍ കു​റ​യാ​ത്ത ത​ട​വു​മു​ത​ല്‍ ജീ​വി​താ​വ​സാ​നം വ​രെ ജീ​വ​പ​ര്യ​ന്തം ത​ട​വും പി​ഴ​യും ശി​ക്ഷ വ​രു​ന്ന ഒ​രേ സ്ത്രീ​യെ സ്വാ​ധീ​നം ഉ​പ​യോ​ഗി​ച്ച്​ തു​ട​ര്‍ച്ച​യാ​യി ബ​ലാ​ത്സം​ഗം ചെ​യ്യ​ല്‍ (376(2)(എ​ന്‍) തു​ട​ങ്ങി​യ വ​കു​പ്പു​ക​ള്‍ പ്ര​കാ​ര​മാ​ണ് ബി​ഷ​പ്പി​നെ വി​ചാ​ര​ണ ചെ​യ്ത​ത്.

സ്​​പെ​ഷ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ ജി​തേ​ഷ് ജെ. ​ബാ​ബു, സു​ബി​ന്‍ കെ. ​വ​ര്‍ഗീ​സ് എ​ന്നി​വ​ര്‍ പ്രോ​സി​ക്യൂ​ഷ​നു​വേ​ണ്ടി​യും ബി. ​രാ​മ​ന്‍പി​ള്ള, സി.​എ​സ്. അ​ജ​യ​ന്‍ എ​ന്നി​വ​ര്‍ പ്ര​തി​ഭാ​ഗ​ത്തി​നു​വേ​ണ്ടി​യും കോ​ട​തി​യി​ല്‍ ഹാ​ജ​രാ​യി.