റോഡ് നിർമാണ സാധനങ്ങൾ മോഷ്ടിച്ചയാൾ പിടിയിൽ

പഴയന്നൂർ: വാഴക്കോട്-പ്ലാഴി റോഡിന്‍റെ പ്രവൃത്തിയുടെ ഭാഗമായി കലുങ്ക് നിർമാണ സാമഗ്രികൾ മോഷ്ടിച്ചു വിറ്റ കേസിൽ യുവാവ് പിടിയിൽ. തെക്കേത്തറ കീർത്തിയിൽ വിനോദിനെ (ലുട്ടാപ്പി-42) ആണ് പഴയന്നൂർ പൊലീസ് അറസ്റ്റു ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

മൂന്ന് പ്രതികളുള്ള കേസിൽ പുത്തിരിത്തറ പന്നിക്കുഴിയിൽ രമേഷ് (46), പെരുവമ്പാറ തൃത്താലപ്പടി ജയൻ (39) എന്നിവരെ നേരത്തെ അറസ്റ്റ് ചെയ്ത് റിമാൻഡ് ചെയ്തിരുന്നു.