വി​ദ്യാ​ർ​ഥി​നി​ക്കു​നേ​രെ ലൈം​ഗി​കാ​തി​ക്ര​മം; കേ​സി​ൽ കു​റ്റ​പ​ത്രം സ​മ​ർ​പ്പി​ച്ചു

ബം​ഗ​ളൂ​രു: ബൈ​ക്കി​ൽ കൊ​ണ്ടു​പോ​യി വി​ദ്യാ​ർ​ഥി​നി​ക്കു​നേ​രെ ലൈം​ഗി​കാ​തി​ക്ര​മം ന​ട​ത്തി​യ കേ​സി​ൽ പ്ര​തി​ക്കെ​തി​രെ ബം​ഗ​ളൂ​രു 39ാം അ​ഡീ. ചീ​ഫ് ജു​ഡീ​ഷ്യ​ൽ മ​ജി​സ്‌​ട്രേ​റ്റ് കോ​ട​തി​യി​ൽ പൊ​ലീ​സ് കു​റ്റ​പ​ത്രം സ​മ​ർ​പ്പി​ച്ചു. ബം​ഗ​ളൂ​രു ആ​ടു​ഗോ​ഡി എ​സ്.​ആ​ർ. ന​ഗ​ർ സ്വ​ദേ​ശി മു​കേ​ശ്വ​ര​ന്റെ (24) പേ​രി​ലാ​ണ് 555 പേ​ജു​ള്ള കു​റ്റ​പ​ത്രം സ​മ​ർ​പ്പി​ച്ച​ത്. 86 സാ​ക്ഷി​ക​ളെ കു​റ്റ​പ​ത്ര​ത്തി​ൽ ഉ​ൾ​പ്പെ​ടു​ത്തി. ഇ​തി​ൽ നാ​ലു​പേ​ർ മ​ജി​സ്ട്രേ​റ്റ് മു​മ്പാ​കെ മൊ​ഴി ന​ൽ​കി. സം​ഭ​വം ന​ട​ന്ന് 40 ദി​വ​സ​ത്തി​ൽ അ​ന്വേ​ഷ​ണം പൂ​ർ​ത്തി​യാ​ക്കാ​നാ​യെ​ന്ന് ബം​ഗ​ളൂ​രു എ​ച്ച്.​എ​സ്.​ആ​ർ ലേ ​ഔ​ട്ട് പൊ​ലീ​സ് അ​റി​യി​ച്ചു.

ആ​ഗ​സ്റ്റ് 19ന് ​പു​ല​ർ​ച്ചെ​യാ​ണ് ബം​ഗ​ളൂ​രു കോ​ള​ജി​ലെ അ​വ​സാ​ന​വ​ർ​ഷ ബി​രു​ദ വി​ദ്യാ​ർ​ഥി​നി​യാ​യ 21കാ​രി ലൈം​ഗി​കാ​തി​ക്ര​മ​ത്തി​നി​ര​യാ​യ​ത്. കോ​റ​മം​ഗ​ല​യി​ൽ ഒ​രു പാ​ർ​ട്ടി ക​ഴി​ഞ്ഞ് ആ​നേ​ക്ക​ൽ ച​ന്ദാ​പു​ര​യി​ലെ താ​മ​സ​സ്ഥ​ല​ത്തേ​ക്ക് മ​ട​ങ്ങു​മ്പോ​ഴാ​യി​രു​ന്നു സം​ഭ​വം. യു​വ​തി സു​ഹൃ​ത്തി​നൊ​പ്പം വ​ന്ന കാ​ർ ഓ​ട്ടോ​റി​ക്ഷ​യി​ൽ ത​ട്ടി അ​പ​ക​ട​മു​ണ്ടാ​യി. ചു​റ്റും കൂ​ടി​യ റി​ക്ഷ ഡ്രൈ​വ​ർ​മാ​രോ​ട് സു​ഹൃ​ത്ത് സം​സാ​രി​ച്ചു​നി​ൽ​ക്കെ, യു​വ​തി കാ​റി​ൽ​നി​ന്നി​റ​ങ്ങി മു​ന്നോ​ട്ടു​ന​ട​ന്നു. ഈ ​സ​മ​യം പ്ര​തി ബൈ​ക്കി​ൽ ലി​ഫ്റ്റ് ന​ൽ​കി കൂ​ട്ടി​ക്കൊ​ണ്ടു​പോ​കു​ക​യും ഗോ​ഡൗ​ണി​ന​ടു​ത്തെ​ത്തി​ച്ച് ലൈം​ഗി​കാ​തി​ക്ര​മ​ത്തി​നി​ര​യാ​ക്കു​ക​യു​മാ​യി​രു​ന്നെ​ന്നാ​ണ് കേ​സ്. അ​ടു​ത്ത ദി​വ​സം പ്ര​തി​യെ പൊ​ലീ​സ് പി​ടി​കൂ​ടി.