അന്തർ സംസ്ഥാന തൊഴിലാളികളു​ടെ പണം കവർന്ന മൂന്നംഗ സംഘം പിടിയിൽ

കോ​ഴി​ക്കോ​ട്: അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളു​ടെ പ​ണം അ​പ​ഹ​രി​ച്ച സം​ഘ​ത്തി​ലെ മൂ​ന്നു​പേ​രെ ക​സ​ബ പൊ​ലീ​സ് പി​ടി​കൂ​ടി. ഒ​രാ​ൾ ഓ​ടി ര​ക്ഷ​പ്പെ​ട്ടു. ത​ല​ക്കു​ള​ത്തൂ​ർ ചെ​ങ്ങോ​ട്ടു​മ​ല കോ​ള​നി ച​ട്ടാ​യി വീ​ട്ടി​ൽ മു​ഹ​മ്മ​ദ് ഫ​സ​ൽ (30), പ​ന്നി​യ​ങ്ക​ര അ​ർ​ഷാ​ദ് മ​ൻ​സി​ലി​ൽ അ​ക്ബ​ർ അ​ലി (25), അ​ര​ക്കി​ണ​ർ പി.​കെ. ഹൗ​സി​ൽ അ​ബ്ദു​ൽ റാ​ഷി​ദ് (25) എ​ന്നി​വ​രാ​ണ് പി​ടി​യി​ലാ​യ​ത്. ര​ക്ഷ​പ്പെ​ട്ട​യാ​ൾ​ക്കാ​യി അ​ന്വേ​ഷ​ണം ശ​ക്തി​പ്പെ​ടു​ത്തി​യി​ട്ടു​ണ്ട്. പ​ണം ക​വ​ർ​ച്ച ചെ​യ്ത സം​ഘ​ത്തി​ലൊ​രാ​ൾ അ​ത് ഒ​ളി​പ്പി​ച്ച​ത് മ​ല​ദ്വാ​ര​ത്തി​ലായിരുന്നു.

തൊ​ണ്ടി​മു​ത​ൽ ക​ണ്ടെ​ത്താ​ൻ ശാ​സ്ത്രീ​യ വ​ഴി​ക​ൾ തേ​ടി വ​ട്ടം​ക​റ​ങ്ങി​യ പൊ​ലീ​സ് ​പ്ര​തി​യു​മാ​യി ആ​ശു​പ​ത്രി​ക​ൾ ക​യ​റി​യി​റ​ങ്ങി ഒ​ടു​വി​ൽ ഡോ​ക്ട​ർ​മാ​രു​ടെ സ​ഹാ​യ​ത്തോ​ടെ അ​പ​ഹ​രി​ച്ച മു​ത​ലി​ൽ ഒ​രു​ഭാ​ഗം ക​ണ്ടെ​ത്തി. പ്ര​തി​ക​ൾ പൊ​ലീ​സി​ന്റെ ചോ​ദ്യം ചെ​യ്യ​ലി​നോ​ട് സ​ഹ​ക​രി​ക്കാ​തെ ഭീ​ക​രാ​ന്ത​രീ​ക്ഷം സൃ​ഷ്ടി​ക്കാ​നാ​ണ് ശ്ര​മി​ച്ച​ത്. തു​ട​ർ​ന്ന് ഫ​റോ​ക്ക് എ​സ്.​ഐ ബാ​ല​ച​ന്ദ്ര​ന്റെ നേ​തൃ​ത്വ​ത്തി​ൽ ന​ട​ത്തി​യ ശാ​സ്ത്രീ​യ​മാ​യ ചോ​ദ്യം ചെ​യ്യ​ലി​ലാ​ണ് പ്ര​തി​ക​ളി​ലൊ​രാ​ൾ പ​ണം മ​ല​ദ്വാ​ര​ത്തി​ൽ ഒ​ളി​പ്പി​ച്ച​താ​യി ക​ണ്ടെ​ത്തി​യ​ത്. അ​തോ​ടെ പ്ര​തി​യു​മാ​യി പൊ​ലീ​സ് കോ​ഴി​ക്കോ​ട് ജ​ന​റ​ൽ ആ​ശു​പ​ത്രി​യി​ൽ എ​ത്തി​യെ​ങ്കി​ലും പ​ണം ക​ണ്ടെ​ത്താ​ൻ കൂ​ടു​ത​ൽ ശാ​സ്​​ത്രീ​യ പ​രി​ശോ​ധ​ന വേ​ണ​മെ​ന്നും അ​തി​നു​ള്ള സൗ​ക​ര്യം ഇ​വി​ടെ​യി​ല്ലെ​ന്നും ഡ്യൂ​ട്ടി ഡോ​ക്ട​ർ അ​റി​യി​ക്കു​ക​യാ​യി​രു​ന്നു. കൂ​ടു​ത​ൽ സാ​ങ്കേ​തി​ക വൈ​ദ്യ​സ​ഹാ​യ​ത്തി​നാ​യി ക​സ​ബ പൊ​ലീ​സ് പ്ര​തി​യെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ചു.

സ​ർ​ജ​റി വി​ഭാ​ഗ​ത്തി​ന്റെ വി​ദ​ഗ്ധ സ​ഹാ​യ​ത്തോ​ടെയാണ് ക​വ​ർ​ച്ച ന​ട​ത്തി​യ പ​ണ​ത്തി​ന്റെ ഒ​രു​ഭാ​ഗം പൊ​ലീ​സ് ക​ണ്ടെ​ടു​ത്തത്. സ​ബ് ഇ​ൻ​സ്പെ​ക്ട​ർ വി.​പി. ആ​ൻ​റ​ണി, എ.​എ​സ്.​ഐ ജ​യ​ന്ത്, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ സ​തീ​ശ​ൻ, വി​ഷ്ണു​പ്ര​ഭ, ഹോം ​ഗാ​ർ​ഡ് ദി​നേ​ശ് കു​മാ​ർ എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്.