വീട് ഗ്രന്ഥശാലയാക്കി വിജയൻ

മു​ട്ടം: വാ​യ​ന മ​രി​ക്കു​ന്നു എ​ന്ന മു​റ​വി​ളി​ക്കി​ടെ വീ​ട് വി​ശാ​ല​മാ​യ ഗ്ര​ന്ഥ​ശാ​ല​യാ​ക്കി മാ​റ്റി​യി​രി​ക്കു​ക​യാ​ണ്​ തൊ​ടു​പു​ഴ മ​ണ​ക്കാ​ട് സ്വ​ദേ​ശി മു​ക്കു​റ്റി​യി​ൽ വീ​ട്ടി​ൽ എ​ൻ. വി​ജ​യ​ൻ (74). ഏ​ഴ് ല​ക്ഷം രൂ​പ വി​ല​വ​രു​ന്ന 11,000ത്തി​ല​ധി​കം പു​സ്​​ത​ക​ങ്ങ​ളാ​ണ് ക​ന​റാ ബാ​ങ്ക് മു​ൻ ഉ​ദ്യോ​ഗ​സ്ഥ​നും റി​ട്ട. അ​ധ്യാ​പ​ക​നും കൂ​ടി​യാ​യ വി​ജ​യ​െൻറ ശേ​ഖ​ര​ത്തി​ൽ. സ​മ്പാ​ദ്യ​ത്തി​െൻറ നി​ശ്ചി​ത ശ​ത​മാ​നം പു​സ്​​ത​ക​ങ്ങ​ൾ വാ​ങ്ങാ​നാ​യി വി​ജ​യ​ൻ മാ​റ്റി​വെ​ക്കു​ന്നു.

പു​സ്​​ത​ക​ങ്ങ​ൾ സൂ​ക്ഷി​ക്കാ​ൻ വീ​ടി​െൻറ ര​ണ്ടാം നി​ല​യി​ൽ ലൈ​ബ്ര​റി മാ​തൃ​ക​യി​ൽ പ്ര​ത്യേ​ക റാ​ക്കും സ​ജ്ജീ​ക​രി​ച്ചി​ട്ടു​ണ്ട്. ആ​വ​ശ്യ​ക്കാ​ർ​ക്ക് സൗ​ജ​ന്യ​മാ​യി ഇ​വ ഉ​പ​യോ​ഗി​ക്കാം. കേ​ടു​പാ​ട്​ വ​രു​ത്താ​തെ തി​രി​ച്ചേ​ൽ​പി​ക്ക​ണ​മെ​ന്ന് മാ​ത്രം. ഒ​ന്നാം ക്ലാ​സി​ൽ പ​ഠി​ക്കു​മ്പോ​ൾ മു​ത​ൽ വി​ജ​യ​ൻ പു​സ്ത​ക​ങ്ങ​ളെ സ്നേ​ഹി​ച്ചു​തു​ട​ങ്ങി​യ​താ​ണ്. ചെ​റു​പ്പ​ത്തി​ൽ ഓ​ല​മെ​ട​ഞ്ഞ് കി​ട്ടു​ന്ന കാ​ശി​നും പു​സ്ത​കം വാ​ങ്ങി​യി​ട്ടു​ണ്ടെ​ന്നും അ​ദ്ദേ​ഹം പ​റ​യു​ന്നു.

1920 കാ​ല​ഘ​ട്ടം മു​ത​ലു​ള്ള നോ​വ​ൽ, യാ​ത്രാ വി​വ​ര​ണം, ക​ഥ, ക​വി​ത, പ്ര​മു​ഖ​രു​ടെ ജീ​വ​ച​രി​ത്രം, വൈ​ജ്​​ഞാ​നി​ക ഗ്ര​ന്ഥ​ങ്ങ​ൾ തു​ട​ങ്ങി​യ പു​സ്ത​ക​ങ്ങ​ളു​ടെ വി​പു​ല​മാ​യ ശേ​ഖ​ര​മാ​ണ് ലൈ​ബ്ര​റി​യി​ൽ. പി​താ​വ്​ എം.​കെ. നാ​രാ​യ​ണ​െൻറ കാ​ല​ത്തെ കൈ​യെ​ഴു​ത്ത് പു​സ്ത​ക​വും ഇ​തി​ൽ ഉ​ൾ​പ്പെ​ടു​ന്നു. ആ​ദ്യം വീ​ടി​െൻറ താ​ഴ​ത്തെ നി​ല​യി​ലാ​യി​രു​ന്നു ലൈ​ബ്ര​റ​റി.

പി​ന്നീ​ട​ത് വി​പു​ലീ​ക​രി​ച്ച്​ ര​ണ്ടാം നി​ല​യി​ലേ​ക്ക് മാ​റ്റി. ഗ​വേ​ഷ​ണ വി​ദ്യാ​ർ​ഥി​ക​ളും ച​രി​ത്രാ​ന്വേ​ഷി​ക​ളാ​യ മ​റ്റ്​ നി​ര​വ​ധി പേ​രും എ​ത്താ​റു​ണ്ട്​. സി​വി​ൽ സ​പ്ലൈ​സ് വ​കു​പ്പി​ൽ​നി​ന്ന്​ വി​ര​മി​ച്ച ഓ​മ​ന​യാ​ണ് ഭാ​ര്യ. അ​ഞ്ച​ര​ക്ക​ണ്ടി ഗ​വ. ആ​ശു​പ​ത്രി​യി​ലെ ഡോ. ​വോ​ൾ​ഗ, ബം​ഗ​ളൂ​രു​വി​ൽ എ​ൻ​ജി​നീ​യ​റി​ങ് അ​ധ്യാ​പി​ക​യാ​യ ആ​ൽ​ഫ എ​ന്നി​വ​രാ​ണ് മ​ക്ക​ൾ.