'നാൻ പെറ്റ മകനേ'; നൊമ്പരക്കാഴ്​ചയായി കണ്ണമ്മ

കോ​ഴി​ക്കോ​ട്​: ഒ​രു വ്യാ​ഴ​വ​ട്ടം മു​മ്പ്​ വീ​ടു​വി​ട്ട മ​ക​​ൻ വെ​ടി​യേ​റ്റ്​ പി​ട​ഞ്ഞ്​ നി​ശ്ച​ല​നാ​യി കി​ട​ക്കു​ന്ന കാ​ഴ്​​ച ആ ​അ​മ്മ​​യു​ടെ നെ​ഞ്ചു ത​ക​ർ​ത്തു. പ​ടി​ഞ്ഞാ​റ​ത്ത​റ​യി​ൽ ​െപാ​ലീ​സ്​ വെ​ടി​വെ​പ്പി​ൽ മ​രി​ച്ച മാ​വോ​വാ​ദി വേ​ൽ​മു​രു​ക​െൻറ അ​മ്മ ക​ണ്ണ​മ്മ​യു​െ​ട സ​ങ്ക​ടം മോ​ർ​ച്ച​റി​യു​െ​ട നി​ശ്ശ​ബ്​​ദ​ത​യി​ൽ അ​ല​യ​ടി​ച്ചു. മ​റ്റൊ​രു മ​ക​നാ​യ അ​ഡ്വ. എ. ​മു​രു​ക​നൊ​പ്പം മോ​ർ​ച്ച​റി​യി​ൽ 15 മി​നി​റ്റോ​ളം വേ​ൽ​മു​രു​ക​െൻറ മു​ഖം നോ​ക്കി​നി​ന്ന ശേ​ഷം വ​നി​ത ​െപാ​ലീ​സി​െൻറ കൈ​പി​ടി​ച്ച്​ ക​ണ്ണ​മ്മ പു​റ​ത്തേ​ക്കി​റ​ങ്ങി. മോ​ർ​ച്ച​റി​ക്ക്​ മു​ന്നി​ലി​രു​ന്നും അ​വ​ർ വി​ങ്ങി​പ്പൊ​ട്ടി. ക​ണ്ണു തു​റ​ന്ന്​ എ​ഴു​ന്നേ​റ്റ്​ വ​രൂ ​​മോ​നേ എ​ന്ന്​ വി​ളി​ച്ചു​പ​റ​ഞ്ഞു. സ്​​ഥ​ല​ത്തു​ണ്ടാ​യി​രു​ന്ന എ. ​വാ​സു ഉ​ൾ​പ്പെ​ടെ​യു​ള്ള​വ​ർ ആ​ശ്വ​സി​പ്പി​ച്ച​​പ്പോ​ഴും ക​ണ്ണ​മ്മ ക​ര​ച്ചി​ൽ നി​ർ​ത്തി​യി​ല്ല. ​പി​ന്നീ​ട്​ വാ​ഹ​ന​ത്തി​ന​ടു​ത്തേ​ക്ക്​ പോ​യ ക​ണ്ണ​മ്മ അ​വി​ടെ വി​ശ്ര​മി​ച്ചു.

മ​ജി​സ്​​റ്റീ​രി​യ​ൽ അ​േ​ന്വ​ഷ​ണ​ത്തി​നെ​ത്തി​യ മാ​ന​ന്ത​വാ​ടി ഫ​സ്​​റ്റ്​​ക്ലാ​സ്​ മ​ജി​സ്​​ട്രേ​റ്റ്​ പി​ന്നീ​ട്​ മൊ​ഴി​യെ​ടു​ക്കു​േ​മ്പാ​ഴും സ​ങ്ക​ട​ക്ക​ണ്ണീ​ർ തോ​ർ​ന്നി​രു​ന്നി​ല്ല. രാ​ത്രി 7.15ന്​ ​ഡി.​എ​ൻ.​എ പ​രി​ശോ​ധ​ന​ക്കാ​യി ക​ണ്ണ​മ്മ​യു​ടെ​യും അ​ഡ്വ. മു​രു​ക​െൻറ​യും ര​ക്ത​സാ​മ്പി​ൾ മെ​ഡി​ക്ക​ൽ കോ​ള​ജി​ലെ അ​ത്യാ​ഹി​ത വി​ഭാ​ഗ​ത്തി​ൽ​നി​ന്ന്​ അ​ധി​കൃ​ത​ർ ശേ​ഖ​രി​ച്ചി​രു​ന്നു. ബു​ധ​നാ​ഴ്ച രാ​വി​ലെ ആ​റു​മ​ണി​ക്കാ​ണ്​ ത​മി​ഴ്​​നാ​ട്ടി​ലെ തേ​നി ജി​ല്ല​യി​ലെ പെ​രി​യ​കു​ളം പു​തു​ക്കോൈ​ട്ട​യി​ൽ​നി​ന്ന്​ ക​ണ്ണ​മ്മ​യും അ​ഡ്വ. മു​രു​ക​നു​മു​ൾ​പ്പെ​ടെ​യു​ള്ള​വ​ർ വേ​ൽ​മു​രു​ക​െൻറ മൃ​ത​ദേ​ഹം കാ​ണാ​നെ​ത്തി​യ​ത്. ബു​ധ​നാ​ഴ്​​ച വൈ​കീ​ട്ട്​ 3.45നാ​ണ്​ ഇ​വ​ർ മോ​ർ​ച്ച​റി പ​രി​സ​ര​ത്തെ​ത്തി​യ​ത്. ആ​ദ്യം മു​രു​ക​നെ​യും അ​മ്മ​യെ​യും അ​ക​ത്തേ​ക്ക്​ ക​യ​റ്റി വേ​ൽ​മു​രു​ക​െൻറ മു​ഖം മാ​ത്രം കാ​ണി​ക്കു​ക​യാ​യി​രു​ന്നു. പി​ന്നീ​ട്​ ദേ​ഹം മു​ഴു​വ​ൻ കാ​ണി​ക്ക​ണ​മെ​ന്ന്​ സ​ഹോ​ദ​ര​ൻ ശ​ക്ത​മാ​യി ആ​വ​ശ്യ​പ്പെ​ട്ട​പ്പോ​ഴാ​ണ്​ ​െപാ​ലീ​സ്​ സ​മ്മ​തി​ച്ച​ത്.

ബ​ന്ധു കു​മാ​ർ, അ​ഭി​ഭാ​ഷ​ക​രാ​യ കേ​ശ​വ​ൻ, രാ​ജ, ജ്യോ​തി എ​ന്നി​വ​രാ​ണ് ഒ​പ്പ​മു​ണ്ടാ​യി​രു​ന്ന​ത്. 12 വ​ർ​ഷ​മാ​യി വേ​ൽ​മു​രു​ക​ന് കു​ടും​ബ​വു​മാ​യി ബ​ന്ധ​മി​ല്ലെ​ന്ന് ബ​ന്ധു​ക്ക​ൾ പ​റ​ഞ്ഞു. മോ​ര്‍ച്ച​റി​ക്ക്​ മു​ന്നി​ല്‍ 75 പൊ​ലീ​സു​കാ​രാ​ണ്​ സു​ര​ക്ഷ ഒ​രു​ക്കി​യ​ത്. മാ​വോ​വാ​ദി അ​നു​കൂ​ല സം​ഘ​ട​ന​ക​ളി​ലു​ള്ള​വ​രും പ്ര​വ​ര്‍ത്ത​ക​രും മോ​ര്‍ച്ച​റി​ക്ക്​ മു​ന്നി​ലെ​ത്തു​മെ​ന്നും പ്ര​തി​ഷേ​ധി​ക്കു​മെ​ന്നും ര​ഹ​സ്യാ​ന്വേ​ഷ​ണ വി​ഭാ​ഗ​വും മു​ന്ന​റി​യി​പ്പ് ന​ല്‍കി​യി​രു​ന്നു.