ബോളിവുഡ്​ താരം ദീപിക പദുക്കോണിന്​ കോവിഡ്​

മുംബൈ: കുടുംബാംഗങ്ങൾക്ക്​ പിന്നാലെ ബോളിവുഡ്​ താരം ദീപിക പദുക്കോണിനും കോവിഡ്​ സ്​ഥിരീകരിച്ചു. ഇന്‍റർനാഷനൽ ഇന്ത്യൻ ഫിലിം അക്കാദമി അവാർഡ്​സിന്‍റെ ഔദ്യോഗിക ട്വിറ്റർ പേജിലൂടെ അറിയിച്ചതാണ്​ ഇക്കാര്യം.

കഴിഞ്ഞദിവസം ദീപികയുടെ പിതാവും ബാഡ്​മിന്‍റൺ കളിക്കാരനുമായ പ്രകാശ്​ പദുക്കോണിനും മാതാവ്​ ഉജ്ജല പദുക്കോണിനും സഹോദരി അനീഷ പദുക്കോണിനും കോവിഡ്​ പോസിറ്റീവായിരുന്നു. ഏപ്രിൽ അവസാനം ദീപികയും ഭർത്താവും നടനുമായ രൺവീർ സിങ്ങും ബംഗളൂരുവിൽ കുടുംബത്തെ കാണാൻ എത്തിയിരുന്നതായാണ്​ വിവരം.

പ്രകാശ്​ പദുക്കോണിന്‍റെ ആരോഗ്യ നില തൃപ്​തികരമ​ാണെന്നും രണ്ടാുദിവസത്തിനകം ആശുപത്രി വിടുമെന്നും അടുത്ത വൃത്തങ്ങൾ അറിയിച്ചു. മാതാവും സഹോദരിയും വീട്ടിൽ നിരീക്ഷണങ്ങൾ കഴിയുകയാണ്​.