കന്നഡ നടൻ സത്യജിത് അന്തരിച്ചു

ബംഗളൂരു: പ്രശസ്ത കന്നഡ നടൻ സത്യജിത് അന്തരിച്ചു. 72 വയസായിരുന്നു. ഞായറാഴ്ച പുലർച്ചെ രണ്ട് മണിയോടെയായിരുന്നു അന്ത്യം. വാർധക്യസഹജമായ അസുഖങ്ങളെ തുടർന്ന്​ സമീപകാലത്തായി ചികിത്സയിലായിരുന്നു.

ആരോഗ്യനില വഷളായതിനെ തുടർന്നാണ് നഗരത്തിലെ ബൗറിങ് ആശുപത്രിയിൽ പ്രവേശിപ്പിച്ചത്. മുൻനിര നായകൻമാരോടൊപ്പം 650 ലേറെ ചിത്രങ്ങളിൽ വേഷമിട്ടാണ് സാൻഡൽവുഡിൽ അദ്ദേഹം ഇരിപ്പുറപ്പിച്ചത്​​. പ്രിയങ്ക ഉപേന്ദ്രയുടെ സെക്കൻഡ് ഹാഫ്​ (2018) ആണ്​ അവസാനം അഭിനയിച്ച ചിത്രം.

വില്ലൻ വേഷങ്ങളിലൂടെയാണ് ശ്രദ്ധിക്കപ്പെട്ടത്. സിനിമയിലെത്തുന്നതിന് മുമ്പ് കെ.എസ്.ആർ.ടി.സി യിൽ ഡ്രൈവർ ആയിരുന്നു. ബോളിവുഡിൽ നാനാ പടേക്കറി​െൻറ ആങ്കുഷിൽ വില്ലൻ വേഷം ചെയ്തിട്ടുണ്ട്. പുത്നാൻജ, ശിവ മെച്ചി ഡ കണ്ണപ്പ, ചൈത്രഡ പ്രേമാഞ്ജലി, ആപത് മിത്ര എന്നീ സൂപ്പർ ഹിറ്റ് ചിത്രങ്ങളിൽ അഭിനയിച്ചു.

സാമ്പത്തികമായ വിഷയങ്ങളുമായി ബന്ധപ്പെട് സത്യജിത്തിനെതിരെ സ്വന്തം മകൾ തന്നെ രംഗത്ത് വന്നത് വലിയ വിവാദമായിരുന്നു.