അറേബ്യൻ പുള്ളിപ്പുലി ദിനം ആചരിച്ചു

ജിദ്ദ: അൽഉല റോയൽ കമീഷൻ അറേബ്യൻ പുള്ളിപ്പുലി ദിനം ആചരിച്ചു. എല്ലാ വർഷവും ഫെബ്രുവരി 10 ന്​ അറേബ്യൻ പുള്ളിപ്പുലി ദിനമായി നിശ്ചയിച്ച സൗദി മന്ത്രിസഭാ തീരുമാനമനുസരിച്ചാണ് അൽ ഉലയിൽ റോയൽ കമീഷൻ അറേബ്യൻ പുള്ളിപ്പുലി ദിനം ആഘോഷിച്ചത്​. അറേബ്യൻ പുള്ളിപ്പുലിയെ വംശനാശത്തിൽ നിന്ന് സംരക്ഷിക്കുന്നതിനുള്ള അവബോധം പ്രചരിപ്പിക്കുന്നതിനും ‘അറേബ്യൻ പുള്ളിപ്പുലി ഫണ്ടി’​െൻറ ലക്ഷ്യങ്ങൾ ആളുകൾക്ക്​ വിശദീകരിക്കുന്നതിനും വേണ്ടിയാണ്​ ദിനാചരണം.

വാദി അഷാ​റിൽ അറേബ്യൻ കടുവകൾക്കായി പ്രദർശനം, ശറആൻ നേച്വർ റിസർവിലെ അറേബ്യൻ പുള്ളിപ്പുലികളുടെ ജീവിതം, അറേബ്യൻ കടുവയുമായി ബന്ധപ്പെട്ട മറ്റ്​ ചില പ്രവർത്തനങ്ങൾ എന്നിവ പരിചയപ്പെടുത്തൽ പരിപാടികളിലുൾപ്പെടും.

ലോകത്തിലെ വംശനാശ ഭീഷണി നേരിടുന്ന മൃഗങ്ങളിൽ ഒന്നാണ് അറേബ്യൻ പുള്ളിപ്പുലി. മുൻ വർഷങ്ങളിൽ സ്വാഭാവിക ആവാസവ്യവസ്ഥ നഷ്​ടപ്പെട്ടതിനാലും വേട്ടയാടലും കാരണം നിലവിൽ അവയുടെ എണ്ണം 200 ൽ കൂടുന്നില്ല. അറേബ്യൻ പുള്ളിപ്പുലിയെ സംരക്ഷിക്കാനും വംശനാശത്തിൽനിന്ന് സംരക്ഷിക്കാനും ലക്ഷ്യമിട്ട്​ ബ്രിഡിങ്​ ​വർധിപ്പിക്കുന്നതിനുള്ള പദ്ധതിയടക്കം അൽഉല റോയൽ കമീഷൻ വിവിധ പദ്ധതികളാണ്​ നടപ്പാക്കുന്നത്​.

ഇതിനായി ‘അറേബ്യൻ ടൈഗർ ഫണ്ട്’ സ്ഥാപിക്കുകയും അതിലേക്ക്​ റോയൽ കമീഷൻ 2.5 കോടി ഡോളർ അനുവദിക്കുകയും ചെയ്​തിട്ടുണ്ട്. നിരവധി അന്താരാഷ്​ട്ര സ്ഥാപനങ്ങളുമായി പങ്കാളിത്ത കരാറുകളിൽ ഒപ്പുവെക്കുകയും ചെയ്​തിട്ടുണ്ട്​. സൗദി ഗ്രീൻ സംരംഭം ഉൾപ്പെടെയുള്ള ദേശീയ ലക്ഷ്യങ്ങൾക്ക് അനുസൃതമായി പരിസ്ഥിതിയെ പുനരുജ്ജീവിപ്പിക്കലും ലക്ഷ്യമിടുന്നു.