പാ​ലൊ​ഴി​ച്ചോ അ​ല്ലാ​തെ​യോ​? ചാ​യ​യെ​ക്കു​റി​ച്ചു ത​ന്നെ

ചാ​യ​യോ കാ​പ്പി​യോ ശീ​ല​മാ​ക്കി​യ​വ​രു​ടെ ശ്ര​ദ്ധ​ക്ക്. അ​ത് എ​ത്ര, എ​പ്പോ​ൾ, എ​ങ്ങ​നെ കു​ടി​ക്ക​ണ​മെ​ന്ന് അ​റി​ഞ്ഞി​രി​ക്കു​ന്ന​ത് ആ​രോ​ഗ്യ​ത്തി​ന് ന​ല്ല​താ​ണ്. ഉ​പ​യോ​ഗം കു​റ​ക്ക​ണോ, ഭ​ക്ഷ​ണ​ത്തി​ന് മു​മ്പും ശേ​ഷ​വും പാ​ടി​ല്ലേ, പാ​ലൊ​ഴി​ച്ചോ അ​ല്ലാ​തെ​യോ ന​ല്ല​ത്... ഇ​ങ്ങ​നെ​യു​ള്ള സം​ശ​യ​ങ്ങ​ളി​ൽ ഇ​ന്ത്യ​ൻ കൗ​ൺ​സി​ൽ ഓ​ഫ് മെ​ഡി​ക്ക​ൽ റി​സ​ർ​ച്ച് (ഐ.​സി.​എം.​ആ​ർ) പ​റ​യു​ന്ന കാ​ര്യ​ങ്ങ​ൾ ശ്ര​ദ്ധി​ക്കാം.

എ​ത്ര കു​ടി​ക്കാം

ഐ.​സി.​എം.​ആ​ർ പു​റ​പ്പെ​ടു​വി​ച്ച മാ​ർ​ഗ​നി​ർ​ദേ​ശ​പ്ര​കാ​രം, ഒ​രു​ദി​വ​സം 300 മി​ല്ലി​ഗ്രാ​മി​ൽ കൂ​ടു​ത​ൽ ക​ഫീ​ൻ ഉ​പ​യോ​ഗി​ക്കാ​ൻ പാ​ടി​ല്ലെ​ന്നാ​ണ്. 150 മി​ല്ലി​ലി​റ്റ​ർ ചാ​യ​യി​ൽ 30 മു​ത​ൽ 65 മി​ല്ലി​ഗ്രാം​വ​രെ ക​ഫീ​ൻ അ​ട​ങ്ങി​യി​ട്ടു​ണ്ട്. ഇ​തേ അ​ള​വ് കാ​പ്പി​യി​ൽ 80-120 മി​ല്ലി​ഗ്രാം ക​ഫീ​ൻ ഉ​ണ്ടാ​കും.

ഇ​ത​നു​സ​രി​ച്ച് ഓ​രോ ദി​വ​സ​വും ചാ​യ കു​ടി​ക്കു​ന്ന​തി​ന്റെ അ​ള​വ് ക്ര​മ​പ്പെ​ടു​ത്താ​വു​ന്ന​താ​ണ്. ക​ഫീ​ൻ കേ​ന്ദ്ര​നാ​ഡീ​വ്യ​വ​സ്ഥ​യെ ഉ​ത്തേ​ജി​പ്പി​ക്കു​ന്ന​തി​ന് പു​റ​മെ, ചാ​യ​യോ​ടു​ള്ള ആ​സ​ക്തി വ​ർ​ധി​പ്പി​ച്ച് അ​തൊ​രു ല​ഹ​രി​യാ​യി മാ​റാ​നി​ട​യാ​ക്കും. അ​തു​കൊ​ണ്ട് അ​മി​ത​മാ​യി ചാ​യ​/​കാ​പ്പി കു​ടി​ക്കു​ന്ന​വ​ർ ജാ​ഗ്ര​തൈ.

എ​പ്പോ​ൾ കു​ടി​ക്ക​ണം

ഭ​ക്ഷ​ണ​ത്തി​ന് ഒ​രു മ​ണി​ക്കൂ​ർ മു​മ്പും ശേ​ഷ​വും ചാ​യ​യോ കാ​പ്പി​യോ കു​ടി​ക്ക​രു​തെ​ന്നാ​ണ് ഐ.​സി.​എം.​ആ​ർ നി​ർ​ദേ​ശം. ഇ​ല്ലെ​ങ്കി​ൽ, ചാ​യ​യി​ലും കാ​പ്പി​യി​ലും അ​ട​ങ്ങി​യി​രി​ക്കു​ന്ന ടാ​നി​ൻ ശ​രീ​ര​ത്തി​ൽ ഇ​രു​മ്പി​നെ ആ​​ഗി​ര​ണം ചെ​യ്യു​ന്ന​തി​നെ ത​ട​സ്സ​പ്പെ​ടു​ത്തും.

അ​താ​യ​ത് ഭ​ക്ഷ​ണ​ത്തി​ലൂ​ടെ ല​ഭി​ക്കു​ന്ന ഇ​രു​മ്പി​ന്റെ അ​ള​വി​നെ ആ​​ഗി​ര​ണം ചെ​യ്യു​ന്ന​ത് ത​ട​യാ​ൻ ടാ​നി​ന് ക​ഴി​യും. ഇ​ങ്ങ​നെ ശ​രീ​ര​ത്തി​ല്‍ ഇ​രു​മ്പി​ന്റെ അ​ള​വ് കു​റ​യാ​നും അ​തു​വ​ഴി കോ​ശ​ങ്ങ​ളു​ടെ പ്ര​വ​ർ​ത്ത​ന​ത്തെ സാ​ര​മാ​യി ബാ​ധി​ക്കുകയും അ​നീ​മി​യ​പോ​ലു​ള്ള അ​വ​സ്ഥ​ക​ൾ​ക്കും കാ​ര​ണ​മാ​കു​ക​യും ചെ​യ്യും.

എ​ങ്ങ​നെ കു​ടി​ക്ക​ണം

മി​ക്ക​വ​രും പാ​ലും പ​ഞ്ച​സാ​ര​യും ക​ടു​പ്പ​വും ഒ​ത്തു​ചേ​ർ​ന്ന ചാ​യ​യോ കാ​പ്പി​യോ കു​ടി​ക്കാ​ൻ ഇ​ഷ്ട​പ്പെ​ടു​ന്ന​വ​രാ​ണ്. അ​പ്പോ​ൾ പാ​ലി​ല്ലാ​തെ എ​ന്തു ചാ​യ എ​ന്നാ​ണ് നി​ങ്ങ​ളു​ടെ വി​ചാ​ര​മെ​ങ്കി​ൽ, അ​ത് അ​ത്ര ന​ല്ല​​ത​ല്ലെ​ന്ന് ഐ.​സി.​എം.​ആ​റി​ലെ വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു. പാ​ൽ ചേ​ർ​ക്കാ​ത്ത ചാ​യ ര​ക്ത​ചം​ക്ര​മ​ണം വ​ർ​ധി​പ്പി​ക്കു​ക​യും വ​യ​റി​ലെ അ​ർ​ബു​ദം പോ​ലു​ള്ള രോ​ഗ​ങ്ങ​ളെ പ്ര​തി​രോ​ധി​ക്കു​ക​യും ചെ​യ്യു​മെ​ന്നാ​ണ് പ​റ​യു​ന്ന​ത്.

..............................................................

സാം​ക്ര​മി​കേ​ത​ര രോ​​ഗ​ങ്ങ​ളെ​യും ജീ​വി​ത​ശൈ​ലീ രോ​​ഗ​ങ്ങ​ളെ​യു​മൊ​ക്കെ പ്ര​തി​രോ​ധി​ക്കാ​ൻ ഭ​ക്ഷ​ണ​രീ​തി​യി​ലും ജീ​വി​ത​ശൈ​ലി​യി​ലും വ​രു​ത്തേ​ണ്ട പ്ര​ധാ​ന മാ​റ്റ​ങ്ങ​ളെ​ക്കു​റി​ച്ചും ഐ.​സി.​എം.​ആ​ർ മാ​ർ​​ഗ​നി​ർ​ദേ​ശ​ങ്ങ​ളി​ൽ പ​റ​യു​ണ്ട്. ഉ​പ്പും മ​ധു​ര​വും കൊ​ഴു​പ്പും കു​റ​ക്കുക, പോ​ഷ​ക​സ​മ്പ​ന്ന​മാ​യ ഭ​ക്ഷ​ണ​ങ്ങ​ൾ ക​ഴി​ക്കു​ക, പ്രോ​ട്ടീ​ൻ പൗ​ഡ​ർ ഉ​പ​യോ​​ഗം ഒ​ഴി​വാ​ക്കു​ക തു​ട​ങ്ങി 17 കാ​ര്യ​ങ്ങ​ളാ​ണ് പ്ര​തി​പാ​ദി​ക്കു​ന്ന​ത്.