ആലിൻ താരകം
text_fieldsആലില പൊഴിയും പോൽ
പറക്കമുറ്റാതെ ആലിൻ തൻ കുഞ്ഞു മേനി
പകുത്തു നൽകി അവയവദാനത്തിൻ
മഹത്വം വിളിച്ചോതി മാതാപിതാക്കൾ കൂട്ടായി
കൂട്ടുനഷ്ടപ്പെട്ട വേദന കടിച്ചമർത്തി
സ്വന്തം ചോര നഷ്ടപ്പെടൽ മനസ്സിലൊതുക്കി
മറ്റുള്ളവരുടെ മനസ്സിലും ഹൃത്തിലും
അമൂല്യ മാതൃക പകർന്ന ആലിൻ ഓർമ
അഭംഗുരം നിലനിർത്താൻ നവസാമൂഹ്യ മാതൃക
മാനവ മനഃസാക്ഷിയെ ചേർത്തു നിർത്തി
അവയവദാനം മഹത് ദാനം ആപ്തവാക്യം
ശിരസ്സാവഹിച്ച മാതാപിതാ
കുടുംബം ഒന്നാകെ ചേക്കേറുന്നത്
മലയാളക്കരയുടെ മനതാരിൽ
മിന്നും താരകമായി ഇടം പിടിച്ചീടും
മറക്കില്ല ആലിൻ മാനുഷരുള്ള കാലം
അവയവദാനത്തിൻ മഹത്തായ മാതൃക
തീർത്ത മാതാപിതാക്കളെ
വികാരവായ്പോടെ വിവേക പൂർവം.

