ഗോ​പാ​ലേ​ട്ട‍െൻറ ക​ട​യി​ലെ റോ​ബ​സ്റ്റ പ​ഴം

വ​റു​തി​യു​ടെ കാ​ലം. നോ​മ്പി​നു​വേ​ണ്ടി സ​ഹി​ച്ച വി​ശ​പ്പും ദാ​ഹ​വും നോ​മ്പ​ല്ലാ​തി​രു​ന്ന മാ​സ​ങ്ങ​ളി​ൽ അ​നു​ഭ​വി​ച്ചി​രു​ന്ന കാ​ലം. അ​തു​കൊ​ണ്ടു​ത​ന്നെ റ​മ​ദാ​ൻ എ​ല്ലാം കൊ​ണ്ടും അ​നു​ഗൃ​ഹീ​ത​മാ​യി​രു​ന്നു. നോ​മ്പ് മു​റി​ക്കു​ന്ന സ​മ​യ​ത്തെ കു​ട്ടി നോ​മ്പു​കാ​ര​ൻ എ​ന്ന പ​രി​ഗ​ണ​ന എ​ല്ലാ​വ​രി​ൽ നി​ന്നും ല​ഭി​ച്ചി​രു​ന്നു. ഇ​ഫ്താ​ർ മു​ത​ൽ ഇ​ട​യ​ത്താ​ഴം വ​രെ വ​യ​റു​നി​റ​യെ ഭ​ക്ഷ​ണം.

രാ​വി​ലെ​യാ​യാ​ൽ കൂ​ട്ടു​കാ​രോ​ട് ചോ​ദ്യ​മാ​ണ്; നീ ​എ​ത്ര നോ​മ്പെ​ടു​ത്തു? അ​ന്ന് നോ​മ്പെ​ടു​ക്കാ​ൻ മ​ത്സ​ര​മാ​യി​രു​ന്നു. തൈ​ക്കാ​വി​ലെ മൈ​ക്കി​ലൂ​ടെ ഖു​ർ​ആ​ൻ ഓ​താ​നും ബാ​ങ്ക് വി​ളി​ക്കു​വാ​നും പ​ര​സ്പ​രം മ​ത്സ​ര​മാ​യി​രു​ന്നു. ഉ​സ്താ​ദ് പ​റ​യു​ന്ന ആ​ളി​നേ മൈ​ക്കി​ലൂ​ടെ ബാ​ങ്ക് വി​ളി​ക്കാ​ൻ പ​റ്റു​മാ​യി​രു​ന്നു​ള്ളൂ. ഉ​സ്താ​ദി​‍െൻറ ശ്ര​ദ്ധ പി​ടി​ച്ച്പ​റ്റി​യി​രു​ന്ന സ​മ​യ​ങ്ങ​ളി​ൽ എ​നി​ക്കും അ​തി​ന​വ​സ​രം ല​ഭി​ച്ചി​ട്ടു​ണ്ടാ​യി​രു​ന്നു.

തൊ​ട്ട​ടു​ത്ത തൈ​ക്കാ​വി​ൽ (പ​ള്ളി) ബാ​ങ്ക് കൊ​ടു​ക്കു​ന്ന​തി​നാ​യി മു​അ​ദ്ദി​ൻ മൈ​ക്ക് ടെ​സ്റ്റ് ചെ​യ്യു​ന്ന സൗ​ണ്ട് കേ​ൾ​ക്കു​മ്പോ​ൾ ബാ​ങ്ക് വി​ളി​യെ​ന്ന് തെ​റ്റി​ദ്ധ​രി​ച്ച്​ നോ​മ്പ് തു​റ​ന്നി​രു​ന്ന കാ​ലം. രാ​ത്രി​യി​ൽ വാ​പ്പ​യു​ടെ കൈ ​പി​ടി​ച്ച് തൊ​ട്ട​ടു​ത്ത തൈ​കാ​പ്പ​ള്ളി​യി​ൽ ഇ​ഷാ​യും ത​റാ​വീ​ഹും ന​മ​സ്ക​രി​ക്കു​വാ​ൻ പോ​കു​മ്പോ​ൾ വാ​പ്പ​യു​ടെ ഉ​പ​ദേ​ശം; 'മോ​ൻ എ​ല്ലാം റ​ക​ഹ​ത്തും ന​മ​സ്ക​രി​ക്ക​ണം കേ​ട്ടോ'. സ​മ്മ​തി​ച്ചു​കൊ​ണ്ട്​ ത​ല​യാ​ട്ടി ന​ട​ക്കു​മ്പോ​ൾ മ​ന​സ്സി​ൽ മു​ഴു​വ​നും മൗ​ലൂ​ദി​നു​ശേ​ഷ​മു​ള്ള ഒ​ജീ​ന​ത്തെ (ഭ​ക്ഷ​ണം) കു​റി​ച്ചു​ള്ള ചി​ന്ത​യാ​യി​രു​ന്നു. അ​ന്നൊ​ക്കെ രാ​ത്രി പ​ന്ത്ര​ണ്ടു മ​ണി​വ​രെ നീ​ളു​ന്ന ത​റാ​വീ​ഹ് ന​മ​സ്കാ​ര​വും അ​തി​നു ശേ​ഷം മൗ​ലൂ​ദു​മാ​യി​രു​ന്നു പ​തി​വ്. മൗ​ലൂ​ദി‍െൻറ സ​മ​യ​മാ​കു​മ്പോ​ഴ​ക്കും പ​ള്ളി ഞ​ങ്ങ​ൾ കു​ട്ടി​ക​ളെ​ക്കൊ​ണ്ട് നി​റ​യു​മാ​യി​രു​ന്നു. പ​ള്ളി​ക്ക​ക​ത്തു ന​മ​സ്കാ​രം ന​ട​ക്കു​മ്പോ​ൾ ഞ​ങ്ങ​ൾ തൊ​ട്ട​ടു​ത്ത മ​ദ്​​റ​സാ​ഹാ​ളി​ലാ​ണ്​ ഉ​ണ്ടാ​വു​ക. ഒ​രു​കൂ​ട്ട​ർ ക​ളി​ക്കു​ക​യും മ​റ്റൊ​രു കൂ​ട്ട​ർ ഉ​റ​ങ്ങു​ക​യോ ഉ​റ​ക്കം​ന​ടി​ച്ചു കി​ട​ക്കു​ക​യോ ആ​യി​രു​ന്നു.

മൗ​ലൂ​ദി​‍െൻറ ശ​ബ്ദം കേ​ട്ടാ​ൽ ഞ​ങ്ങ​ൾ പ​ള്ളി​ക്ക​ക​ത്തു ഹാ​ജ​രാ​കും. ഒ​രു കൂ​ട്ട​ർ അ​തി​ന് മു​ന്നേ ത​ന്നെ അ​വ​സാ​ന​ത്തെ റ​ക​ഹ​ത് വി​ത്ർ ന​മ​സ്​​കാ​ര​ത്തി​ന്​ ഹാ​ജ​രാ​കും. ഇ​തെ​ല്ലാം വീ​ക്ഷി​ക്കു​ന്ന ഒ​രാ​ളു​ണ്ടാ​യി​രു​ന്നു എ​ന്ന് മ​ന​സ്സി​ലാ​ക്കി​യി​രു​ന്ന​ത് മൗ​ലൂ​ദി​നു ശേ​ഷ​മു​ള്ള ഭ​ക്ഷ​ണം വി​ള​മ്പു​മ്പോ​ഴാ​യി​രു​ന്നു. എ​ല്ലാ റ​ക​ഹ​ത്തും ന​മ​സ്ക​രി​ച്ച​വ​ർ​ക്ക് കൂ​ടു​ത​ലും അ​ല്ലാ​ത്ത​വ​ർ​ക്ക് കു​റ​വും വി​ള​മ്പും.

അ​ന്നെ​നി​ക്ക് ഒ​രു കൂ​ട്ടു​കാ​ര​നു​ണ്ടാ​യി​രു​ന്നു. ഞ​ങ്ങ​ൾ ഒ​രു​മി​ച്ചാ​യി​രു​ന്നു ഇ​ഫ്താ​റും ശേ​ഷം പ​ള്ളി​യി​ലെ​ത്തി​യാ​ലു​ള്ള വി​കൃ​തി​ക​ളും. അ​വ‍െൻറ വാ​പ്പ ദി​വ​സ​വും ത​റാ​വീ​ഹി​ന് ന​മ​സ്ക​രി​ക്കു​വാ​ൻ പോ​കാ​റു​ണ്ടാ​യി​രു​ന്ന​ത് അ​വ​രു​ടെ വീ​ടി​ന്​ തൊ​ട്ട​ടു​ത്ത പ​ള്ളി​യി​ലാ​യി​രു​ന്നു. ഞ​ങ്ങ​ൾ പോ​കു​ന്ന​ത് എ​‍െൻറ വീ​ടി​ന​ടു​ത്തു​ള്ള പ​ള്ളി​യി​ലും. ഒ​രു​ദി​വ​സം ഞ​ങ്ങ​ൾ രാ​ത്രി​യി​ൽ പ​ള്ളി​യി​ൽ ക​യ​റാ​തെ ക​റ​ങ്ങി​ന​ട​ന്നു. അ​ന്ന് തൈ​ക്കാ​വി​ലെ മൈ​ക്ക് കേ​ടാ​യി​രു​ന്ന​തു​കൊ​ണ്ട് മൗ​ലൂ​ദി‍െൻറ ശ​ബ്ദം ഞ​ങ്ങ​ൾ കേ​ട്ടി​രു​ന്നി​ല്ല. താ​മ​സി​ച്ച് എ​ത്തി​യ​തു​കൊ​ണ്ട് ഭ​ക്ഷ​ണ​വും കി​ട്ടി​യി​ല്ല.

അ​ന്ന് അ​വ​‍െൻറ വീ​ട്ടി​ലാ​യി​രു​ന്നു ഞാ​ൻ ഉ​റ​ങ്ങാ​ൻ പോ​യി​രു​ന്ന​ത്. ഭ​ക്ഷ​ണം ഇ​ല്ലാ​തെ വീ​ട്ടി​ൽ എ​ങ്ങ​നെ ചെ​ല്ലും. ഞ​ങ്ങ​ൾ പ​ര​സ്പ​രം ചോ​ദി​ച്ചു. അ​വ​സാ​നം ഒ​രു വ​ഴി ക​ണ്ടെ​ത്തി. അ​ടു​ത്തു​ള്ള ഗോ​പാ​ലേ​ട്ട‍െൻറ ക​ട​യി​ൽ നി​ന്നും ഈ​ര​ണ്ട് റോ​ബ​സ്റ്റ പ​ഴം വാ​ങ്ങി അ​വ​‍െൻറ വീ​ട്ടി​ലെ​ത്തി. അ​വ​‍െൻറ വാ​പ്പ പ​ള്ളി​യി​ൽ​നി​ന്ന്​ ന​മ​സ്കാ​ര​വും മൗ​ലൂ​ദും ക​ഴി​ഞ്ഞ് വ​ന്നി​ട്ട് രാ​ത്രി​യി​ലെ ഭ​ക്ഷ​ണം ക​ഴി​ച്ചു​കൊ​ണ്ടി​രി​ക്കു​ക​യാ​യി​രു​ന്നു.

ഞ​ങ്ങ​ൾ പ​ഴം അ​വ​‍െൻറ ഉ​മ്മ​യെ ഏ​ൽ​പി​ച്ചു. അ​പ്പോ​ൾ വാ​പ്പ​യു​ടെ ചോ​ദ്യം; 'ഈ ​പ​ഴം നി​ങ്ങ​ൾ​ക്ക് എ​വി​ടു​ന്ന് കി​ട്ടി?' ഞ​ങ്ങ​ൾ പ​റ​ഞ്ഞു; എ‍െൻറ വീ​ടി​ന​ത്തു​ള്ള പ​ള്ളി​യി​ൽ നി​ന്നാ​ണെ​ന്ന്. അ​വ​‍െൻറ വാ​പ്പ പ​തി​വി​ന് വി​പ​രീ​ത​മാ​യി അ​ന്ന് എ​ന്‍റ​ടു​ത്തു​ള്ള പ​ള്ളി​യി​ലാ​ണ്​ ന​മ​സ്ക​രി​ക്കാ​ൻ പോ​യി​രു​ന്ന​തെ​ന്ന്​ ഞ​ങ്ങ​ൾ അ​റി​ഞ്ഞി​രു​ന്നി​ല്ല. അ​ന്ന​വി​ടെ അ​വ​ൽ ന​ന​ച്ച​താ​യി​രു​ന്നു ഒ​ജീ​നം. ക​ള്ളം ക​ണ്ടു പി​ടി​ച്ച​തി​ലു​ള്ള ച​മ്മ​ലോ​ടെ​യാ​ണ്​ അ​ന്ന് ഉ​റ​ങ്ങാ​ൻ കി​ട​ന്ന​ത്.

വാ​യ​ന​ക്കാ​ർ​ക്ക്​ എ​ഴു​താം
 'റ​മ​ദാ​ൻ നൊ​സ്റ്റാ​ൾ​ജി​യ'​യി​ലേ​ക്ക്​ വാ​യ​ന​ക്കാ​ർ​ക്കും എ​ഴു​താം. റ​മ​ദാ​ൻ ഓ​ർ​മ്മ​ക​ളും അ​നു​ഭ​വ​ങ്ങ​ളും [email protected] എ​ന്ന   ഇ-​മെ​യി​ൽ വി​ലാ​സ​ത്തി​ൽ അ​യ​ക്ക​ണം.