വി​ഷു​വി​നെ വ​ര​വേ​ൽ​ക്കാൻ പ്ര​വാ​സ​ലോ​കം; ക​ണി​യൊ​രു​ക്കാ​നൊ​രു​ങ്ങി

മ​നാ​മ: ഐ​ശ്വ​ര്യ​ത്തി​ന്‍റെ​യും സ​മൃ​ദ്ധി​യു​ടേ​യും ആ​ഘോ​ഷ​മാ​യ വി​ഷു പ​ടി​വാ​തി​ൽ​ക്ക​ലെ​ത്തി​നി​ൽ​ക്കെ ആ​ഘോ​ഷ​ത്തി​നൊ​രു​ങ്ങു​ക​യാ​ണ് പ്ര​വാ​സി​ക​ളും. നാ​ട്ടി​ലേ​തു​പോ​ലെ​ത​ന്നെ ക​ണി​യൊ​രു​ക്കാ​നു​ള്ള ത​യാ​റെ​ടു​പ്പു​ക​ൾ തു​ട​ങ്ങി​ക്ക​ഴി​ഞ്ഞു. സ്വ​ര്‍ണ​വും വാ​ല്‍ക്ക​ണ്ണാ​ടി​യും ശ്രീ​കൃ​ഷ്ണ വി​ഗ്ര​ഹ​വും വെ​ക്കു​ന്ന ക​ണി​യി​ല്‍ ക​ണി​വെ​ള്ള​രി​ക്കൊ​പ്പം ക​ണി​ക്കൊ​ന്ന​യും ഉ​ണ്ടാ​കും. കാ​ര്‍ഷി​കോ​ത്സ​വ​മാ​യ​തി​നാ​ല്‍ കാ​ര്‍ഷി​ക വി​ഭ​വ​ങ്ങ​ളും ക​ണി​യി​ല്‍ വെ​ക്കും.

ക​ണി​വെ​ള്ള​രി​യു​ൾ​പ്പെ​ടെ​യു​ള്ള പ​ച്ച​ക്ക​റി​ക​ളും മ​റ്റും ധാ​രാ​ള​മാ​യി മാ​ർ​ക്ക​റ്റി​ലെ​ത്തി​ക്ക​ഴി​ഞ്ഞു. ഒ​പ്പം ച​ക്ക​യു​ൾ​പ്പെ​ടെ​യു​ള്ള നാ​ട​ൻ വി​ഭ​വ​ങ്ങ​ളും ല​ഭ്യ​മാ​ണ്. പ​ക്ഷേ, ക​ണി​യൊ​രു​ക്കാ​നു​ള്ള ക​ണി​ക്കൊ​ന്ന പൂ​വു​ക​ൾ ഇ​ത്ത​വ​ണ അ​ത്ര വ്യാ​പ​ക​മ​ല്ല. ക​ഴി​ഞ്ഞ​വ​ർ​ഷ​മൊ​ക്കെ ബ​ഹ്റൈ​നി​ൽ ക​ണി​ക്കൊ​ന്ന വ്യാ​പ​ക​മാ​യി പൂ​ത്തി​രു​ന്നു. ​മ​ഞ്ഞ​നി​റ​ത്തി​ൽ കൊ​ന്ന പൂ​ത്തു​ല​ഞ്ഞു​നി​ൽ​ക്കു​ന്ന ദൃ​ശ്യ​ങ്ങ​ൾ മ​ല​യാ​ളി​ക​ളു​ടെ മ​ന​സ്സി​നെ കു​ളി​ർ​പ്പി​ച്ചി​രു​ന്നു.

സ്വ​ദേ​ശി​ക​ളു​ടെ വീ​ടു​ക​ളി​ലും വ്യാ​പ​ക​മാ​യി കൊ​ന്ന മ​ര​ങ്ങ​ളു​ണ്ട്. എ​ന്നാ​ൽ, ഇ​ക്കു​റി വി​ഷു​വി​ന് അ​പൂ​ർ​വം കൊ​ന്ന​മ​ര​ങ്ങ​ൾ മാ​ത്ര​മേ പൂ​വി​ട്ടി​ട്ടു​ള്ളൂ. പൂ​വി​ട്ട മ​ര​ങ്ങ​ളി​ലാ​ക​ട്ടെ പൂ​വു​ക​ൾ കു​റ​വു​മാ​ണ്. ചൂ​ടു കൂ​ടാ​ത്ത​താ​ണ് കാ​ര​ണം. ഉ​ഷ്ണ​മേ​ഖ​ലാ​പ്ര​ദേ​ശ​ങ്ങ​ളി​ലാ​ണ് കൊ​ന്ന ക​ണ്ടു​വ​രു​ന്ന​ത്. അ​ന്ത​രീ​ക്ഷ​താ​പ​നി​ല 33 ഡി​ഗ്രി​യി​ൽ കൂ​ടി​യാ​ൽ മാ​ത്ര​മേ കൊ​ന്ന പൂ​വി​ടാ​റു​ള്ളൂ.

പു​ഷ്പി​ക്ക​ലി​നെ സ​ഹാ​യി​ക്കു​ന്ന ഹോ​ർ​മോ​ണു​ക​ൾ ഉ​ണ്ടാ​ക​ണ​മെ​ങ്കി​ൽ ഈ ​താ​പ​നി​ല​യു​ണ്ടാ​ക​ണം. കേ​ര​ള​ത്തി​ലും കാ​ലാ​വ​സ്ഥ വ്യ​തി​യാ​നം മൂ​ലം കൊ​ന്ന​യു​ൾ​പ്പെ​ടെ മ​ര​ങ്ങ​ൾ വി​ഷു​ക്കാ​ല​ത്ത് പൂ​വി​ടാ​തെ​യി​രി​ക്കാ​റു​ണ്ട്. ഇ​ത്ത​വ​ണ പ​ക്ഷേ നാ​ട്ടി​ൽ വി​ഷു​ക്കാ​ല​ത്ത് കൊ​ന്ന​പ്പൂ​വു​ക​ൾ വ്യാ​പ​ക​മാ​ണ്. വി​ഷു​വി​ന്റെ അ​ടു​ത്ത​ദി​വ​സ​ങ്ങ​ളി​ൽ കേ​ര​ള​ത്തി​ൽ​നി​ന്ന് കൊ​ന്ന​പ്പൂ​വ് മാ​ർ​ക്ക​റ്റി​ലെ​ത്തു​മെ​ന്ന വി​ശ്വാ​സ​ത്തി​ലാ​ണ് പ്ര​വാ​സി​ക​ൾ. വി​ഷു​സ​ദ്യ പാ​ക്കേ​ജു​ക​ളു​മാ​യി നി​ര​വ​ധി ഹോ​ട്ട​ലു​ക​ൾ രം​ഗ​ത്തു​ണ്ട്.

ഓ​ർ​ഡ​ർ ചെ​യ്യു​ന്ന​വ​ർ​ക്ക് വീ​ടു​ക​ളി​ലെ​ത്തി​ച്ചു​കൊ​ടു​ക്കാ​നും ക്ര​മീ​ക​ര​ണ​മു​ണ്ട്. ഇ​ത്ത​വ​ണ വി​ഷു വാ​രാ​ന്ത അ​വ​ധി​ദി​വ​സ​മാ​യ ശ​നി​യാ​ഴ്ച ആ​യ​തി​നാ​ൽ ആ​ഘോ​ഷം പൊ​ടി​പൊ​ടി​ക്കാ​നു​ള്ള ഒ​രു​ക്ക​ത്തി​ലാ​ണ് വി​ശ്വാ​സി​ക​ൾ.

വി​ഷു​വി​നോ​ട​നു​ബ​ന്ധി​ച്ച് ബ​ഹ്റൈ​നി​ലെ ക്ഷേ​ത്ര​ങ്ങ​ളി​ൽ പ്ര​​​ത്യേ​ക പൂ​ജ​ക​ൾ ന​ട​ക്കും. സെ​ഗ​യ കൊ​ച്ചു ഗു​രു​വാ​യൂ​ര​പ്പ​ൻ ക്ഷേ​ത്ര​ത്തി​ൽ ശ​നി​യാ​ഴ്ച വെ​ളു​പ്പി​ന് നാ​ലി​ന് വി​ഷു​ക്ക​ണി​യൊ​രു​ക്കും. തു​ട​ർ​ന്ന് പ​തി​വു​പൂ​ജ​ക​ളും ഉ​ണ്ടാ​കു​മെ​ന്ന് ക്ഷേ​ത്ര​ഭാ​ര​വാ​ഹി​ക​ൾ അ​റി​യി​ച്ചു.

അ​റാ​ദ് അ​യ്യ​പ്പ​ക്ഷേ​ത്രം, കാ​നൂ ഗാ​ർ​ഡ​ൻ അ​യ്യ​പ്പ​ക്ഷേ​ത്രം, സ​നാ​ബി​സ് ഗു​രു​വാ​യൂ​ര​പ്പ​ൻ ക്ഷേ​ത്രം എ​ന്നി​വി​ട​ങ്ങ​ളി​ലും പ്ര​ത്യേ​ക വി​ഷു​പൂ​ജ ന​ട​ക്കും.

ശ്രീ ​നാ​രാ​യ​ണ ക​ൾ​ച്ച​റ​ൽ സൊ​സൈ​റ്റി​യു​ടെ ആ​ഭി​മു​ഖ്യ​ത്തി​ൽ വി​ഷു​ദി​ന​ത്തി​ൽ പൂ​ജ​ക​ൾ ന​ട​ക്കും. രാ​വി​ലെ 4.30ന് ​ന​ട തു​റ​ക്കും. 5.15ന് ​വി​ഷു​ക്ക​ണി ദ​ർ​ശ​നം ന​ട​ക്കും. 21നും 22​നും വി​വി​ധ ക​ലാ​പ​രി​പാ​ടി​ക​ളും ന​ട​ക്കും.