സാ​ദ് അ​ൽ അ​ബ്ദു​ല്ല​യി​ല്‍ ക​ണ്ടെ​യ്‌​ന​റി​ന് തീ​പി​ടി​ച്ചു

കു​വൈ​ത്ത് സി​റ്റി: സാ​ദ് അ​ൽ അ​ബ്ദു​ല്ല​യി​ല്‍ ക​ണ്ടെ​യ്‌​ന​റി​ന് തീ​പി​ടി​ച്ചു. ഒ​രാ​ളു​ടെ മൃ​ത​ദേ​ഹം ക​ണ്ടെ​ത്തി. ചൊ​വ്വാ​ഴ്ച രാ​വി​ലെ​യാ​ണ് സം​ഭ​വം. നി​ർ​മാ​ണ​ത്തി​ലി​രി​ക്കു​ന്ന വീ​ടി​ന്റെ മു​ൻ​വ​ശ​ത്തു​ണ്ടാ​യി​രു​ന്ന ക​ണ്ടെ​യ്‌​ന​റി​ലാ​ണ് തീ​പി​ടി​ച്ച​തെ​ന്ന് ജ​ന​റ​ൽ ഫ​യ​ർ​ഫോ​ഴ്‌​സി​ന്റെ പ​ബ്ലി​ക് റി​ലേ​ഷ​ൻ​സ് ആ​ൻ​ഡ് മീ​ഡി​യ വി​ഭാ​ഗം അ​റി​യി​ച്ചു.

പൊ​ട്ടി​ത്തെ​റി​ക്കു​ന്ന ശ​ബ്ദം കേ​ട്ട് വീ​ട്ടു​ട​മ പൊ​ലീ​സി​ല്‍ വി​വ​ര​മ​റി​യി​ക്കു​ക​യാ​യി​രു​ന്നു. പൊ​ലീ​സെ​ത്തി പ​രി​ശോ​ധി​ച്ച​പ്പോ​ഴാ​ണ് ക​ണ്ടെ​യ്‌​ന​റി​ൽ ക​ത്തി​ക്ക​രി​ഞ്ഞ നി​ല​യി​ൽ മൃ​ത​ദേ​ഹം ക​ണ്ടെ​ത്തി​യ​ത്. സം​ഭ​വ​ത്തി​ല്‍ കൂ​ടു​ത​ല്‍ അ​ന്വേ​ഷ​ണ​ത്തി​ന് അ​ധി​കൃ​ത​ര്‍ ഉ​ത്ത​ര​വി​ട്ടു.

താ​പ​നി​ല ഉ​യ​ർ​ന്ന​തോ​ടെ രാ​ജ്യ​ത്ത് തീ​പി​ടി​ത്ത കേ​സു​ക​ൾ കൂ​ടി​യി​ട്ടു​ണ്ട്. ദി​വ​സ​വും തീ​പി​ടി​ത്ത കേ​സു​ക​ൾ റി​പ്പോ​ർ​ട്ട് ചെ​യ്യു​ന്നു​ണ്ട്. ജൂ​ലൈ മൂ​ന്നു വ​രെ 2,150 തീ​പി​ടി​ത്ത​മാ​ണ് അ​ഗ്നി​ശ​മ​ന​സേ​ന കൈ​കാ​ര്യം ചെ​യ്ത​ത്. റെ​സി​ഡ​ൻ​ഷ്യ​ൽ ഏ​രി​യ​ക​ളി​ൽ 697, മ​റ്റ് സ്ഥ​ല​ങ്ങ​ളി​ൽ 695, വാ​സ​യോ​ഗ്യ​മ​ല്ലാ​ത്ത സ്ഥ​ല​ങ്ങ​ളി​ൽ 262, ക​ര- ഗ​താ​ഗ​ത ഭാ​ഗ​ങ്ങ​ളി​ൽ 496 എ​ന്നി​ങ്ങ​നെ തീ​പി​ടി​ത്ത​ങ്ങ​ൾ ഉ​ണ്ടാ​യി.ജ​ന​ങ്ങ​ളോ​ട് ജാ​ഗ്ര​ത പാ​ലി​ക്കാ​നും പ്ര​തി​രോ​ധ സം​വി​ധാ​ന​ങ്ങ​ൾ ഉ​റ​പ്പു​വ​രു​ത്താ​നും അ​ധി​കൃ​ത​ർ ഉ​ണ​ർ​ത്തി. വെ​യി​ലി​ൽ നി​ർ​ത്തി​യി​ടു​ന്ന വാ​ഹ​ന​ങ്ങ​ളും ശ്ര​ദ്ധി​ക്ക​ണം. ഇ​വ തീ​പി​ടി​ക്കാ​ൻ സാ​ധ്യ​ത ഏ​റെ​യാ​ണ്. അ​ടു​ത്തി​ടെ ഓ​ടി​ക്കൊ​ണ്ടി​രി​ക്കു​ന്ന ക​ണ്ടെ​യ്ന​ർ ലോ​റി​ക്ക് തീ​പി​ടി​ച്ചി​രു​ന്നു. നി​ർ​ത്തി​യി​ട്ട ബ​സു​ക​ൾ അ​ട​ക്ക​മു​ള്ള​വ​ക്ക് തീ​പി​ടി​ച്ച സം​ഭ​വ​വും ഉ​ണ്ടാ​യി. അ​നി​ഷ്ട​സം​ഭ​വ​ങ്ങ​ൾ ഉ​ണ്ടാ​യാ​ൽ ഉ​ട​ൻ ഫ​യ​ർ​ഫോ​ഴ്‌​സി​നെ വി​വ​ര​മ​റി​യി​ക്ക​ണം.

അ​തി​നി​ടെ, ഈ ​മാ​സം 29 മു​ത​ൽ രാ​ജ്യ​ത്ത് മി​ർ​സാം സീ​സ​ണി​ന് തു​ട​ക്ക​മാ​കും. വേ​ന​ൽ​ക്കാ​ല​ത്തി​ന്റെ പു​തി​യ ഘ​ട്ട​മാ​ണി​ത്. ഉ​യ​ർ​ന്ന താ​പ​നി​ല​യാ​ണ് മി​ർ​സാം സീ​സ​ണി​ന്റെ സ​വി​ശേ​ഷ​ത. ഈ ​ഘ​ട്ട​ത്തി​ൽ ചൂ​ട് അ​തി​ന്റെ ഏ​റ്റ​വും തീ​വ്ര​മാ​യ ഉ​യ​ർ​ച്ച​യി​ലെ​ത്തും.