പ്ര​വാ​സി​ക​ളു​ടെ ലൈ​സ​ൻസ്​ പരി​ശോ​ധ​ന തു​ട​രു​ന്നു

കു​വൈ​ത്ത് സി​റ്റി: പ്ര​വാ​സി​ക​ൾ​ക്ക് ലൈ​സ​ന്‍സ് അ​നു​വ​ദി​ച്ച​പ്പോ​ഴു​ള്ള മാ​ന​ദ​ണ്ഡം നി​ല​നി​ൽ​ക്കു​ന്നു​ണ്ടോ എ​ന്ന് ഉ​റ​പ്പാ​ക്കു​ന്ന​തി​​ന്റെ ഭാ​ഗ​മാ​യി രാ​ജ്യ​ത്ത് ക​ർ​ശ​ന പ​രി​ശോ​ധ​ന തു​ട​രു​ന്നു. ക്ര​മ​ക്കേ​ടു​ക​ൾ ക​ണ്ടെ​ത്തി​യ​തി​നെ തു​ട​ർ​ന്ന് ഇ​തി​ന​കം പ​തി​നാ​യി​ര​ത്തി​ല​ധി​കം പേ​രു​ടെ ഡ്രൈ​വി​ങ് ലൈ​സ​ൻ​സ് റ​ദ്ദാ​ക്കി. ഒ​ക്ടോ​ബ​ർ അ​വ​സാ​ന വാ​ര​ത്തി​ൽ മാ​ത്രം 18,991 ലൈ​സ​ൻ​സ് പ​രി​ശോ​ധി​ക്കു​ക​യും 69 എ​ണ്ണം റ​ദ്ദാ​ക്കു​ക​യും ചെ​യ്തു.

ഡ്രൈ​വി​ങ് ലൈ​സ​ന്‍സ് നേ​ടി​യ​ശേ​ഷം ജോ​ലി​ചെ​യ്യു​ന്ന ത​സ്‍തി​ക​ക​ളി​ല്‍ മാ​റ്റം വ​ന്ന​വ​രു​ടെ​യും ശ​മ്പ​ള​ത്തി​ല്‍ കു​റ​വു​വ​ന്ന​വ​രു​ടെ​യും ലൈ​സ​ന്‍സു​ക​ളാ​ണ് അ​ഭ്യ​ന്ത​ര മ​ന്ത്രാ​ല​യം പ​രി​ശോ​ധി​ക്കു​ന്ന​ത്. ഇ​തി​നാ​യി വ്യ​ക്തി​ക​ൾ ലൈ​സ​ൻ​സ് ട്രാ​ഫി​ക് അ​ധി​കൃ​ത​ര്‍ക്ക് കൈ​മാ​റ​ണം. ഇ​ല്ലെ​ങ്കി​ൽ മൊ​ബൈ​ൽ ഐ​ഡി, സ​ഹേ​ൽ എ​ന്നീ ആ​പ്ലി​ക്കേ​ഷ​ൻ വ​ഴി ലൈ​സ​ന്‍സു​ക​ള്‍ പി​ന്‍വ​ലി​ക്കും. ലൈ​സ​ൻ​സ് റ​ദ്ദാ​ക്കി​യി​ട്ടും വാ​ഹ​നം ഓ​ടി​ക്കു​ന്ന​താ​യി ക​ണ്ടെ​ത്തി​യാ​ൽ നാ​ടു​ക​ട​ത്തു​മെ​ന്നും മു​ന്ന​റി​യി​പ്പു​ണ്ട്.

ഡി​സം​ബ​ർ അ​വ​സാ​ന​ത്തോ​ടെ പ്ര​വാ​സി​ക​ളു​ടെ ലൈ​സ​ൻ​സു​ക​ൾ പ​രി​ശോ​ധി​ക്കു​ന്ന​ത് പൂ​ർ​ത്തി​യാ​ക്കാ​നാ​ണ് നീ​ക്കം.

കു​റ​ഞ്ഞ ശ​മ്പ​ള​ത്തി​ന് ജോ​ലി​ചെ​യ്യു​ന്ന മ​ല​യാ​ളി​ക​ൾ അ​ട​ക്ക​മു​ള്ള​വ​ർ​ക്ക് പു​തി​യ നി​ബ​ന്ധ​ന പ്ര​യാ​സം സൃ​ഷ്ടി​ക്കും.

അ​തേ​സ​മ​യം, പു​തി​യ ഡ്രൈ​വി​ങ് ലൈ​സ​ന്‍സ് അ​നു​വ​ദി​ക്കു​ന്ന​തി​ലും ക​ർ​ശ​ന നി​ബ​ന്ധ​ന​ക​ള്‍ കൊ​ണ്ടു​വ​രാ​നു​ള്ള ശ്ര​മ​ത്തി​ലാ​ണ് ആ​ഭ്യ​ന്ത​ര മ​ന്ത്രാ​ല​യം. ഗ​താ​ഗ​ത​ക്കു​രു​ക്ക് പ്ര​തി​സ​ന്ധി പ​രി​ഹ​രി​ക്ക​ലും പ്ര​ധാ​ന വി​ഷ​യ​മാ​ണ്.