താ​പ​നി​ല ഉ​യ​ർ​ന്നു, ചൂ​ട് കൂ​ടു​ന്നു...

കു​വൈ​ത്ത് സി​റ്റി: രാ​ജ്യ​ത്ത് താ​പ​നി​ല​യി​ൽ ഉ​യ​ർ​ച്ച വ​ന്നു തു​ട​ങ്ങി​യ​തോ​ടെ അ​ന്ത​രീ​ക്ഷ​ത്തി​ന് ചൂ​ടു​പി​ടി​ച്ചു തു​ട​ങ്ങി. പ​ക​ൽ ഉ​യ​ർ​ന്ന ചൂ​ടാ​ണ് നി​ല​വി​ൽ അ​നു​ഭ​വ​പ്പെ​ടു​ന്ന​ത്. അ​ടു​ത്ത ദി​വ​സ​ങ്ങ​ളി​ല്‍ ചൂ​ട് കൂ​ടി വ​രു​മെ​ന്ന് കാ​ലാ​വ​സ്ഥ വ​കു​പ്പ് വ്യ​ക്ത​മാ​ക്കി. വ​രും ദി​വ​സ​ങ്ങ​ളി​ല്‍ പ​ര​മാ​വ​ധി താ​പ​നി​ല 40 ഡി​ഗ്രി സെ​ൽ​ഷ്യ​സ് വ​രെ​യാ​കു​മെ​ന്ന് കാ​ലാ​വ​സ്ഥ ഡി​പ്പാ​ർ​ട്മെ​ന്‍റ് ഡ​യ​റ​ക്ട​ർ അ​ബ്ദു​ൽ അ​സീ​സ് അ​ൽ ഖ​രാ​വി പ​റ​ഞ്ഞു. അ​ടു​ത്ത ദി​വ​സ​ങ്ങ​ളി​ൽ പ​ക​ല്‍ ഉ​യ​ർ​ന്ന ചൂ​ട് അ​നു​ഭ​വ​പ്പെ​ടു​മെ​ങ്കി​ലും രാ​ത്രി​യി​ല്‍ മി​ത​മാ​യി​രി​ക്കും. എ​ന്നാ​ൽ, തു​ട​ർ ദി​വ​സ​ങ്ങ​ളി​ൽ താ​പ​നി​ല​യി​ൽ വീ​ണ്ടും ഉ​യ​ർ​ച്ച ഉ​ണ്ടാ​കും. മെ​യ്​ അ​വ​സാ​ന​ത്തോ​ടെ ക്ര​മേ​ണ ചൂ​ട്​ കൂ​ടി ജൂ​ണോ​ടെ ശ​ക്തി പ്രാ​പി​ക്കും. ജൂ​ൺ, ജൂ​ലൈ, ആ​ഗ​സ്റ്റ് മാ​സ​ങ്ങ​ളി​ൽ മേ​ഖ​ല​യി​ൽ ഏ​റ്റ​വും ചൂ​ട് അ​നു​ഭ​വ​പ്പെ​ടു​ന്ന രാ​ജ്യ​ങ്ങ​ളി​ൽ ഒ​ന്നാം സ്ഥാ​ന​ത്താ​ണ് കു​വൈ​ത്ത്.

ഈ ​സ​മ​യ​ത്ത് 50 ഡി​ഗ്രി സെ​ൽ​ഷ്യ​സി​ന​ടു​ത്ത് താ​പ​നി​ല ഉ​യ​രാ​റു​ണ്ട്. സെ​പ്​​റ്റം​ബ​റോ​ടെ അ​ന്ത​രീ​ക്ഷ താ​പ​നി​ല​ കു​റ​ഞ്ഞു തു​ട​ങ്ങും. ഒ​ക്​​ടോ​ബ​റി​ലും ന​വം​ബ​ർ പ​കു​തി വ​രെ​യും രാ​ജ്യ​ത്ത് മി​ത ശീ​തോ​ഷ്​​ണ കാ​ലാ​വ​സ്ഥ​യാ​യി​രി​ക്കും. ന​വം​ബ​റോ​ടെ ത​ണു​പ്പു​കാ​ലം ആ​രം​ഭി​ക്കും. ന​വം​ബ​ർ പ​കു​തി​യോ​ടെ ആ​ളു​ക​ൾ ത​ണു​പ്പ്​ പ്ര​തി​രോ​ധ വ​സ്​​ത്ര​ങ്ങ​ൾ ധ​രി​ച്ചു​തു​ട​ങ്ങും. ഡി​സം​ബ​റി​ൽ ക​ടു​ത്ത ത​ണു​പ്പി​ലേ​ക്ക് രാ​ജ്യം പ്ര​വേ​ശി​ക്കും. എ​ന്നാ​ൽ, ക​ഴി​ഞ്ഞ ഡി​സം​ബ​റി​ലും ശീ​ത​കാ​ല​ത്തും കു​വൈ​ത്തി​ൽ മു​ൻ വ​ർ​ഷ​ങ്ങ​ൾ​ക്കു സ​മാ​ന​മാ​യി ത​ണു​പ്പ് അ​നു​ഭ​വ​പ്പെ​ട്ടി​ട്ടി​ല്ല. പ​തി​വി​ന് സ​മാ​ന​മാ​യി മ​ഴ​യും ഈ ​സീ​സ​ണി​ൽ ല​ഭി​ച്ചി​ല്ല.