സ്​​മാ​ർ​ട്ട്​ മീ​റ്റ​ർ പ​ദ്ധ​തി മൂ​ന്നു വ​ർ​ഷ​ത്തി​ന​കം പൂ​ർ​ത്തി​യാ​കും

കു​വൈ​ത്ത്​ സി​റ്റി: കു​വൈ​ത്ത്​ ജ​ല വൈ​ദ്യു​തി മ​ന്ത്രാ​ല​യം ന​ട​പ്പാ​ക്കു​ന്ന സ്​​മാ​ർ​ട്ട്​ മീ​റ്റ​ർ പ​ദ്ധ​തി മൂ​ന്നു വ​ർ​ഷ​ത്തി​ന​കം പൂ​ർ​ത്തി​യാ​കും. എ​ട്ടു ല​ക്ഷം സ്​​മാ​ർ​ട്ട്​ മീ​റ്റ​റു​ക​ളാ​ണ്​ ഇ​ത്ര​യും കാ​ലം കൊ​ണ്ട്​ സ്ഥാ​പി​ക്കു​ക. ഭാ​വി​യി​ൽ വ​ർ​ധി​ച്ച ആ​വ​ശ്യം​കൂ​ടി മു​ൻ​കൂ​ട്ടി ക​ണ്ട് ആ​കെ ഒ​മ്പ​തു​ ല​ക്ഷം സ്​​മാ​ർ​ട്ട്​ മീ​റ്റ​ർ ഇ​റ​ക്കു​മ​തി ചെ​യ്യാ​നാ​ണ്​ ധാ​ര​ണ​യാ​യി​ട്ടു​ള്ള​ത്.

ര​ണ്ടു​ ല​ക്ഷം മീ​റ്റ​റു​ക​ൾ​ക്കാ​ണ്​ ഇ​തി​ന​കം ടെ​ൻ​ഡ​ർ ന​ൽ​കി​യി​ട്ടു​ള്ള​ത്. ബാ​ക്കി​യു​ള്ള​തി​െൻറ ടെ​ൻ​ഡ​ർ ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്. നി​ക്ഷേ​പ, വാ​ണി​ജ്യ മേ​ഖ​ല​യി​ലാ​ണ്​ ആ​ദ്യ​ഘ​ട്ട​ത്തി​ൽ മീ​റ്റ​ർ മാ​റ്റി സ്ഥാ​പി​ക്കു​ക. 66,000 എ​ണ്ണം ഇ​തി​ന​കം ഇ​റ​ക്കു​മ​തി ചെ​യ്​​തി​ട്ടു​ണ്ട്. ഘ​ട്ടം​ഘ​ട്ട​മാ​യി 2022 മാ​ർ​ച്ചോ​ടെ ഇ​റ​ക്കു​മ​തി പൂ​ർ​ത്തി​യാ​ക്കും.

സ്​​മാ​ർ​ട്ട്​ മീ​റ്റ​റു​ക​ളി​ലൂ​ടെ ഉ​പ​ഭോ​ക്താ​ക്ക​ൾ​ക്ക്​ ഏ​തു​ സ​മ​യ​ത്തും അ​തു​വ​രെ​യു​ള്ള ഉ​പ​ഭോ​ഗം നി​രീ​ക്ഷി​ക്കാ​ൻ ക​ഴി​യും. ഒാ​ൺ​ലൈ​നാ​യി ബി​ൽ അ​ട​ക്കാ​നും സം​വി​ധാ​ന​മു​ണ്ടാ​കും. ബി​ൽ മു​ൻ​കൂ​ട്ടി അ​ട​ക്കാ​നും ക​ഴി​യും. മീ​റ്റ​ർ ത​ക​രാ​റി​ലാ​ണെ​ങ്കി​ൽ മ​ന്ത്രാ​ല​യ ആ​സ്ഥാ​ന​ത്ത്​ ഉ​ട​ൻ സൂ​ച​ന ല​ഭി​ക്കും.