ലോ​ക​ക​പ്പ് യോ​ഗ്യ​ത: കു​വൈ​ത്തി​ന് നി​രാ​ശ; ഫ​ല​സ്തീ​ന് പ്ര​തീ​ക്ഷ

കു​വൈ​ത്ത് സി​റ്റി: 2026 ലോ​ക​ക​പ്പ് ഫു​ട്ബാ​ൾ യോ​ഗ്യ​ത പ്ര​തീ​ക്ഷ പൂ​ർ​ണ​മാ​യും അ​സ്ത​മി​ച്ച് കു​വൈ​ത്ത്. നി​ർ​ണാ​യ​ക മ​ത്സ​ര​ത്തി​ൽ ക​ഴി​ഞ്ഞ ദി​വ​സം ഫ​ല​സ്തീ​നോ​ട് ​തോ​ൽ​വി രു​ചി​ച്ച​തോ​ടെ ഗ്രൂ​പ്പി​ൽ ആ​റാം സ​ഥാ​ന​ത്താ​ണ് കു​വൈ​ത്ത്. കു​വൈ​ത്ത് ജാ​ബി​ർ സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ സ്വ​ന്തം കാ​ണി​ക​ളു​ടെ വ​ലി​യ പി​ന്തു​ണ ഉ​ണ്ടാ​യി​ട്ടും വി​ജ​യം നേ​ടാ​ൻ കു​വൈ​ത്തി​നാ​യി​ല്ല. 32ാം മി​നി​റ്റി​ൽ ടാ​മ​ർ സെ​യ്മും 88ാം മി​നി​റ്റി​ൽ വി​സാം അ​ബു അ​ലി​യും നേ​ടി​യ ഗോ​ളു​ക​ളി​ലൂ​ടെ ഫ​ല​സ്തീ​ൻ ഏ​ക​പ​ക്ഷീ​യ ജ​യം നേ​ടി.

ഇ​തോ​ടെ ഏ​ഷ്യ​ൻ പ്ലേ ​ഓ​ഫി​ലേ​ക്ക് യോ​ഗ്യ​ത നേ​ടാ​നു​ള്ള അ​വ​സ​ര​വും കു​വൈ​ത്തി​ന് ന​ഷ്ട​പ്പെ​ട്ടു. ഒ​മ്പ​തു മ​ത്സ​ര​ങ്ങ​ളി​ൽ അ​ഞ്ചു​സ​മ​നി​ല​യും നാ​ലു​തോ​ൽ​വി​യു​മാ​യി അ​ഞ്ചു​പോ​യി​ന്റോ​ടെ ആ​റാം സ്ഥാ​ന​ത്താ​ണ് കു​വൈ​ത്ത്. അ​തേ​സ​മ​യം നാ​ലാം റൗ​ണ്ടി​ലേ​ക്ക് പ്ര​വേ​ശി​ക്കാ​മെ​ന്ന ഫ​ല​സ്തീ​ന് പ്ര​തീ​ക്ഷ വ​ർ​ധി​ച്ചു.

ദ​ക്ഷി​ണ കൊ​റി​യ, ജോ​ർ​ഡ​ർ, ഇ​റാ​ഖ്, ഒ​മാ​ൻ, ഫ​ല​സ്തീ​ൻ, കു​വൈ​ത്ത് എ​ന്നി​വ അ​ട​ങ്ങി​യ ഗ്രൂ​പ്പ് ബി ​യി​ൽ 19 പോ​യൻ​റു​മാ​യി ഒ​ന്നാം സ്ഥാ​നം നേ​ടി​യ ദ​ക്ഷി​ണ കൊ​റി​യ​യും 16 പോ​യന്റു​മാ​യി ജോ​ർ​ഡ​നും ലോ​ക​ക​പ്പ് ഫു​ട്ബാ​ൾ യോ​ഗ്യ​ത നേ​ടി. 12 പോ​യന്റു​മാ​യി ഇ​റാ​ഖ് ഏ​ഷ്യ​ൻ പ്ലേ ​ഓ​ഫി​ലേ​ക്ക് യോ​ഗ്യ​ത നേ​ടി. ഏ​ഷ്യ​ൻ പ്ലേ ​ഓ​ഫി​ലേ​ക്കു​ള്ള ര​ണ്ടാം ടീ​മി​നെ ഫ​ല​സ്തീ​ൻ ഒ​മാ​ൻ മ​ത്സ​രം നി​ശ്ച​യി​ക്കും.

ഗ്രൂ​പ്പി​ൽ 10 പോ​യി​ന്റു​ള്ള ഒ​മാ​ൻ നാ​ലാം സ്ഥാ​ന​ത്തും ഒ​മ്പ​ത് പോ​യന്റു​മാ​യി ഫ​ല​സ്തീ​ൻ അ​ഞ്ചാം സ്ഥാ​ന​ത്തു​മാ​ണ്. ഈ ​മാ​സം 10ന് ​ദ​ക്ഷി​ണ കൊ​റി​യ​ക്കെ​തി​രെ​യാ​ണ് കു​വൈ​ത്തി​ന്റെ അ​ടു​ത്ത മ​ൽ​സ​രം. ഇ​തോ​ടെ മൂ​ന്നാം റൗ​ണ്ട് മ​ൽ​സ​ര​ങ്ങ​ൾ അ​വ​സാ​നി​ക്കും.