വീ​ണ്ടും വൈ​കി​പ്പ​റ​ന്ന്​ എ​യ​ർ ഇ​ന്ത്യ എ​ക്സ്പ്ര​സ്

മ​സ്ക​ത്ത്​: വൈ​കി​പ്പ​റ​ക്ക​ല്‍ ആ​വ​ര്‍ത്തി​ച്ച് എ​യ​ർ ഇ​ന്ത്യ എ​ക്സ്പ്ര​സ്. മ​സ്ക​ത്തി​ല്‍നി​ന്നും വ്യാ​ഴാ​ഴ്ച രാ​വി​ലെ 7.35ന് ​ക​ണ്ണൂ​രി​ലേ​ക്ക് പോ​കേ​ണ്ട ഐ.​എ​ക്സ് 711 എ​യ​ർ ഇ​ന്ത്യ എ​ക്സ്പ്ര​സ് വി​മാ​നം ആ​റു​മ​ണി​ക്കൂ​ർ വൈ​കി​യാ​ണ്​ പു​റ​​പ്പെ​ട്ട​ത്. തി​രു​വ​ന​ന്ത​പു​ര​ത്തേ​ക്കു​ള്ള വി​മാ​ന​വും ര​ണ്ട്​ മ​ണി​ക്കൂ​ർ വൈ​കി.

എ​യ​ർ ഇ​ന്ത്യ എ​ക്സ്പ്ര​സ് ജീ​വ​ന​ക്കാ​രു​ടെ സ​മ​രം കാ​ര​ണം വി​മാ​ന​ങ്ങ​ള്‍ റ​ദ്ദാ​ക്കു​ക​യും പ​ല​രു​ടെ​യും യാ​ത്ര മു​ട​ങ്ങു​ക​യും ജോ​ലി ന​ഷ്ട​പ്പെ​ടു​ക​യു​മൊ​ക്കെ ക​ഴി​ഞ്ഞ ശേ​ഷം യാ​ത്ര സ​ര്‍വി​സു​ക​ള്‍ സാ​ധാ​ര​ണ നി​ല​യി​ലേ​ക്ക് വ​ന്നു​വെ​ന്ന് ക​രു​തി​യി​രി​ക്ക​വേ​യാ​ണ് വീ​ണ്ടും എ​ക്സ്പ്ര​സി​ന്‍റെ വൈ​കി​പ്പ​റ​ക്ക​ല്‍. നാ​ട്ടി​ല്‍നി​ന്നും എ​ത്തേ​ണ്ട വി​മാ​നം താ​മ​സി​ച്ച​തി​നാ​ലാ​ണ് മ​സ്ക​ത്തി​ല്‍നി​ന്നും പോ​കേ​ണ്ട വി​മാ​നം വൈ​കാ​നി​ട​യാ​യ​ത് എ​ന്നാ​ണ് പ​റ​യ​പ്പെ​ടു​ന്ന​ത്.

ഇ​ട​ക്കി​ടെ ഷെ​ഡ്യൂ​ളു​ക​ള്‍ വൈ​കു​ന്ന​ത് എ​ക്സ്പ്ര​സി​നോ​ടു​ള്ള അ​വ​ശേ​ഷി​ക്കു​ന്ന വി​ശ്വാ​സം പോ​ലും ഇ​ല്ലാ​താ​ക്കു​ക​യാ​ണ് ​ചെ​യ്യു​ന്ന​ത്. ബു​ധ​നാ​ഴ്ച കോ​ഴി​ക്കോ​ട്-​മ​സ്‌​ക​ത്ത് സ​ർ​വി​സും തി​രി​ച്ചു​ള്ള വി​മാ​ന​വും റ​ദ്ദാ​ക്കി​യി​രു​ന്നു.