റൂവിയിൽ കടകൾ ഇനി വാരാന്ത്യങ്ങളിലും തുറക്കും

മസ്​കത്ത്​: റൂവിയിലെ കടകൾ ഇനി വാരാന്ത്യങ്ങളിലും പ്രവർത്തിക്കും. റൂവി മാർക്കറ്റിലെ എല്ലാത്തരം വാണിജ്യ സ്​ഥാപനങ്ങൾക്കും വാരാന്ത്യങ്ങളിലും പ്രവർത്തിക്കാമെന്ന്​ മസ്​കത്ത്​ നഗരസഭ ബുധനാഴ്​ച അറിയിച്ചു. ഇൗ വെള്ളിയാഴ്​ച മുതൽ തീരുമാനം പ്രാബല്ല്യത്തിൽ വരും. സുപ്രീം കമ്മിറ്റി നിർദേശപ്രകാരമുള്ള സമയക്രമമായ രാവിലെ ഏഴു മുതൽ വൈകുന്നേരം ആറുവരെ മാത്രമാണ്​ കടകൾ പ്രവർത്തിക്കാൻ പാടുള്ളൂ. ആരോഗ്യ മാർഗ നിർദേശങ്ങൾ പാലിക്കുകയും വേണമെന്ന്​ മസ്​കത്ത്​ നഗരസഭ അറിയിച്ചു. ജൂണിൽ മത്ര വിലായത്തിലെ ​െഎസോലേഷൻ അവസാനിച്ച ശേഷം വിവിധ വിഭാഗങ്ങളിലായുള്ള വ്യാപാര സ്​ഥാപനങ്ങൾക്ക്​ റൂവിയിൽ പ്രവർത്തനാനുമതി നൽകിയിരുന്നെങ്കിലും വാരാന്ത്യങ്ങളിൽ അടച്ചിടണമെന്ന നിബന്ധന ഏർപ്പെടുത്തിയിരുന്നു.