കാനഡ കരുത്തുകാട്ടി; കളിയറിഞ്ഞ്​ ഖത്തർ

ദോ​ഹ: ലോ​ക​ക​പ്പ്​ പോ​രാ​ട്ട​ത്തി​നി​റ​ങ്ങു​മ്പോ​ൾ മു​ന്നേ​റ്റം മു​ത​ൽ പ്ര​തി​രോ​ധ​കോ​ട്ട​വ​രെ ഇ​നി​യു​മേ​റെ മെ​ച്ച​പ്പെ​ടു​ത്ത​ണം എ​​ന്നോ​ർ​മി​പ്പി​ച്ച്​ സ​ന്നാ​ഹ മ​ത്സ​ര​ത്തി​ലെ ഖ​ത്ത​റി​ന്‍റെ തോ​ൽ​വി. ഓ​സ്​​ട്രി​യ​യി​ലെ വി​യ​ന്ന​യി​ൽ ന​ട​ന്ന മ​ത്സ​ര​ത്തി​ൽ ലോ​ക​ക​പ്പി​ന്​ പ​ന്തു​ത​ട്ടു​ന്ന കാ​ന​ഡ​യാ​ണ്​ മ​റു​പ​ടി​യി​ല്ലാ​ത്ത ര​ണ്ട്​ ഗോ​ളി​ന്​ വീ​ഴ്ത്തി​യ​ത്.

ക​ളി തു​ട​ങ്ങി നാ​ലാം മി​നി​റ്റി​ൽ കെ​യ്​​ൽ ലാ​റി​ന്‍റെ ഗോ​ളി​ലൂ​ടെ മു​ന്നി​ലെ​ത്തി​യ കാ​ന​ഡ തു​ട​ക്ക​ത്തി​ലെ ഖ​ത്ത​ർ പ​കു​തി​യി​ൽ ആ​ശ​ങ്ക​പ​ട​ർ​ത്തി. ക​ളി ചൂ​ടു​പി​ടി​ക്കും മു​മ്പേ പി​റ​ന്ന ഗോ​ളി​ന്‍റെ ഞെ​ട്ട​ലി​ൽ​നി​ന്ന് ഉ​ണ​രും മു​മ്പേ ര​ണ്ടാം ഗോ​ളും വീ​ണ​തോ​ടെ പ്ര​തി​രോ​ധ​ത്തി​ലാ​യി. 13ാം മി​നി​റ്റി​ൽ ജൊ​നാ​ഥ​ൻ ഡേ​വി​ഡി​ന്‍റെ വ​ക​യാ​യി​രു​ന്നു കാ​ന​ഡ ഗോ​ൾ. എ​ന്നാ​ൽ, പി​ന്നീ​ടു​ള്ള മി​നി​റ്റു​ക​ളി​ൽ പ്ര​തി​രോ​ധം ആ​യു​ധ​മാ​ക്കി ക​ളി​യി​ൽ പി​ടി​ച്ചു​നി​ൽ​ക്കു​ന്ന ലോ​ക​ക​പ്പ്​ ആ​തി​ഥേ​യ രാ​ജ്യ​ത്തെ​യാ​ണ്​ ക​ണ്ട​ത്.

വി​ങ്ങി​ലൂ​ടെ ​കു​തി​ച്ചു​പാ​ഞ്ഞ ബ​യേ​ൺ മ്യൂ​ണി​ക്​ താ​രം അ​​ൽ​ഫോ​ൺ​സോ ഡേ​വി​ഡ്, ആ​ക്ര​മ​ണ​ത്തി​ന്​ നേ​തൃ​ത്വം ന​ൽ​കി​യ ജൊ​നാ​ഥ​ൻ ഡേ​വി​ഡ്, മ​ധ്യ​നി​ര​യു​ടെ ക​ടി​ഞ്ഞാ​ൺ ഏ​റ്റെ​ടു​ത്ത റെ​ഡി​ങ്ങി​ന്‍റെ ജൂ​നി​യ​ർ ഹോ​യ്​​ല​റ്റ്​ എ​ന്നി​വ​രി​ലൂ​ടെ ഇ​ര​മ്പി​യാ​ർ​ത്ത കാ​ന​ഡ​യു​ടെ വീ​ര്യ​ത്തി​ന്​ മു​ന്നി​ൽ പ്ര​തി​രോ​ധ​മാ​യി​രു​ന്നു ഖ​ത്ത​റി​ന്‍റെ ക​രു​ത്ത്. ഇ​രു വി​ങ്ങു​ക​ളി​ലൂ​ടെ​യും പ​ന്ത്​ ക​യ​റി​യെ​ത്തി​യ​പ്പോ​ൾ ഗോ​ളി യൂ​സു​ഫ്​ ഹ​സ​ൻ ഏ​റെ ത​വ​ണ പ​രീ​ക്ഷി​ക്ക​പ്പെ​ട്ടു.

പ്ര​തി​രോ​ധ​ത്തി​ൽ മ​തി​ൽ തീ​ർ​ത്ത ബ​സാം അ​ൽ റാ​വി​ക്കും മു​ഹ​മ്മ​ദ്​ വാ​ദി​നും താ​രി​ക്​ സ​ൽ​മാ​നും കൂ​ട്ടാ​യി മ​ധ്യ​നി​ര​യി​ൽ​നി​ന്നും അ​ബ്​​ദു​ൽ അ​സി​സ്​ ഹാ​തി​മും ക​രിം ബൗ​ദി​യാ​ഫും അ​ബ്​​ദു​ൽ ക​രിം ഹ​സ​നും ഉ​ൾ​പ്പെ​ടെ​യു​ള്ള​വ​രും ഇ​റ​ങ്ങി​ക്ക​ളി​ക്കേ​ണ്ടി​വ​ന്നു. ഡി ​സ​ർ​ക്കി​ളി​ന് മു​ന്നി​ൽ വ​ള​ഞ്ഞി​ട്ട്​ പ്ര​തി​രോ​ധം തീ​ർ​ത്ത​തോ​ടെ​യാ​ണ്​ തോ​ൽ​വി​യു​ടെ ആ​ഘാ​തം കു​റ​ക്കാ​നും കാ​ന​ഡ മു​ന്നേ​റ്റ​ത്തി​ന്​ ത​ട​യി​ടാ​നും ക​ഴി​ഞ്ഞ​ത്.

അ​തേ​സ​മ​യം, വീ​ണു​കി​ട്ടി​യ നി​മി​ഷ​ങ്ങ​ളി​ൽ അ​ക്രം അ​ഫി​ഫും അ​ൽ മു​ഈ​സ്​ അ​ലി​യും ര​ണ്ടാം പ​കു​തി​യി​ൽ ക​ള​ത്തി​ലി​റ​ങ്ങി​യ ഹ​സ​ൻ അ​ൽ ഹൈ​ദ്രോ​സു​മെ​ല്ലാം ശ്ര​ദ്ധേ​യ മു​ന്നേ​റ്റ​ങ്ങ​ൾ ന​ട​ത്തി​യ​ത്​ നേ​രി​യ ആ​ശ്വാ​സ​മാ​യി.

എ​ങ്കി​ലും, ലോ​ക​ക​പ്പി​ലെ നി​ർ​ണാ​യ​ക പോ​രാ​ട്ട​ങ്ങ​ളി​ലേ​ക്ക്​ ര​ണ്ടു​മാ​സ​ത്തി​ൽ താ​ഴെ മാ​ത്രം ദി​വ​സ​ങ്ങ​ൾ ശേ​ഷി​ക്കെ കോ​ച്ച്​ ഫെ​ലി​ക്സ്​ സാ​ഞ്ച​സി​ന്​ മു​ന്നി​ലെ ദൗ​ത്യം വ​ലു​താ​ണ്. പി​ഴ​വു​ക​ൾ തി​രു​ത്തി ആ​ക്ര​മ​ണ​വും പ്ര​തി​രോ​ധ​വും ശ​ക്​​ത​മാ​ക്കു​ക​യെ​ന്ന വെ​ല്ലു​വി​ളി.

ചൊ​വ്വാ​ഴ്ച മ​റ്റൊ​രു ക​രു​ത്ത​രാ​യ ചി​ലി​യെ​യും ഖ​ത്ത​ർ സ​ന്നാ​ഹ​മ​ത്സ​ര​ത്തി​ൽ നേ​രി​ടു​ന്നു​ണ്ട്. തു​ട​ർ​ന്ന്​ ​നാ​ട്ടി​ൽ തി​രി​കെ​യെ​ത്തു​ന്ന ദേ​ശീ​യ ടീം ​അം​ഗ​ങ്ങ​ൾ ഏ​താ​നും ദി​വ​സ​ത്തെ വി​ശ്ര​മ​ത്തി​നു​ശേ​ഷം വീ​ണ്ടും ഒ​ന്നി​ക്കും. ര​ണ്ടാം തീ​യ​തി ഓ​പ​ൺ പ​രി​ശീ​ല​ന സെ​ഷ​നും ക​ഴി​ഞ്ഞ്, ലോ​ക​ക​പ്പ്​ അ​വ​സാ​ന​വ​ട്ട പ​രി​ശീ​ല​ന​ങ്ങ​ൾ​ക്കാ​യി സ്​​പെ​യി​നി​ലേ​ക്ക്​ മ​ട​ങ്ങും.