സി.കെ.ജി കൂട്ടം ഈദ് മീറ്റ്

ദോഹ: കോഴിക്കോട് തിക്കോടിയിലെ ചിങ്ങപുരം സി.കെ.ജി.എം എച്ച്.എസ്.എസ് പൂർവവിദ്യാർഥി കൂട്ടായ്മ ഖത്തർ ചാപ്റ്ററിന്റെ ഈദ് മീറ്റ് സംഘടിപ്പിച്ചു. ദോഹയിലെ ഗാർഡൻ വില്ലേജ് റെറ്റാറന്‍റിൽ നടന്ന പരിപാടിയിൽ പൂർവവിദ്യാർഥികളും കുടുംബാംഗങ്ങളും പങ്കെടുത്തു.

പൂർവവിദ്യാർഥികൾക്കൊപ്പം ദോഹയിലെ കലാകാരന്മാരും വിവിധ പരിപാടികളും അവതരിപ്പിച്ചു. ഖത്തറിലെ വിവിധ സംഘടനാപ്രതിനിധികളും പങ്കെടുത്തു.

മജീദ് കുണ്ടെന്റവിട അധ്യക്ഷനായി. ഐ.ബി.പി.സി വൈസ് പ്രസിഡന്‍റ് കെ.പി. അഷ്റഫ് ഉദ്ഘാടനം ചെയ്തു. അസീസ് തയ്യുള്ളതിൽ, ഹംസ കുന്നുമ്മൽ, ഷിഹാസ് ബാബു, വിനോദ് തിക്കോടി, ഒ.എ. കരീം, റഫീഖ് ഇയ്യത്ത് കുനി, സിറാജ് പാലൂർ എന്നിവർ സംസാരിച്ചു. നാസർ വീരവഞ്ചേരി സ്വാഗതവും റാസിഖ് നന്ദിയും പറഞ്ഞു. സെപ്റ്റംബർ നാലിന് നാട്ടിൽ നടക്കുന്ന പൂർവവിദ്യാർഥി മഹാസംഗമത്തിന്റെ ഭാഗമായാണ് ഖത്തറിൽ ഈദ് മീറ്റ് സംഘടിപ്പിച്ചത്.