പാ​രി​സ് ഒ​ളി​മ്പി​ക്സ്; ഖ​ത്ത​ർ തീ​വ്ര ത​യാ​റെ​ടു​പ്പി​ൽ

ദോ​ഹ: പാ​രി​സ് ഒ​ളി​മ്പി​ക്സി​ന് ദി​വ​സ​ങ്ങ​ൾ അ​ടു​ത്തു​വ​രു​ന്ന​തി​നി​ടെ ഖ​ത്ത​ർ ത​യാ​റെ​ടു​പ്പ് ഊ​ർ​ജി​ത​മാ​ക്കി. ക​ഴി​ഞ്ഞ ഒ​ളി​മ്പി​ക്സി​ൽ ഹൈ​ജം​പി​ൽ സ്വ​ർ​ണ​മെ​ഡ​ൽ നേ​ടി​യ മു​അ്ത​സ് ബ​ർ​ഷിം ത​ന്നെ​യാ​ണ് ഇ​ത്ത​വ​ണ​യും മെ​ഡ​ൽ പ്ര​തീ​ക്ഷ​യി​ൽ മു​ന്നി​ൽ. 32കാ​ര​നാ​യ ബ​ർ​ഷി​മി​ന് 2028ലെ ​ഒ​ളി​മ്പി​ക്സി​ൽ വി​ജ​യ പ്ര​തീ​ക്ഷ​യോ​ടെ ഇ​റ​ങ്ങാ​ൻ പ്രാ​യം അ​നു​വ​ദി​ക്കു​മെ​ന്ന് തോ​ന്നു​ന്നി​ല്ല. അ​തു​കൊ​ണ്ടു​ത​ന്നെ ഇ​ത്ത​വ​ണ സ്വ​ർ​ണ​ത്തി​ൽ കു​റ​ഞ്ഞ​തൊ​ന്നും അ​ദ്ദേ​ഹ​വും രാ​ജ്യ​വും ല​ക്ഷ്യം വെ​ക്കു​ന്നി​ല്ല. ല​ണ്ട​നി​ലും റി​യോ​യി​ലും​ വെ​ള്ളി നേ​ടി​യ ബ​ർ​ഷിം ക​ഴി​ഞ്ഞ ഒ​ളി​മ്പി​ക്സി​ൽ ഇ​റ്റാ​ലി​യ​ൻ താ​രം ജി​യാ​ൻ​മാ​ർ​കോ ടാം​ബെ​റി​യു​മാ​യി സ്വ​ർ​ണം പ​ങ്കി​ട്ടു. അ​വ​സാ​ന റൗ​ണ്ടി​ൽ ജി​യാ​ൻ​മാ​ർ​കോ ടാം​ബെ​റി പ​രി​ക്കേ​റ്റ് പി​ന്മാ​റി​യ​പ്പോ​ൾ ഒ​റ്റ​ക്ക് സ്വ​ർ​ണം നേ​ടാ​ൻ അ​വ​സ​ര​മു​ണ്ടാ​യി​ട്ടും പി​ന്മാ​റി സ്വ​ർ​ണം പ​ങ്കി​ടാ​ൻ സ​ന്ന​ദ്ധ​മാ​യ​ത് ഉ​ന്ന​ത​മാ​യ മൂ​ല്യ​ത്തി​ന്റെ​യും സ്​​പോ​ർ​ട്സ്മാ​ൻ സ്പി​രി​റ്റി​ന്റെ​യും പേ​രി​ൽ ഏ​റെ വാ​ഴ്ത്ത​പ്പെ​ട്ടു. മൂ​ന്ന് ത​വ​ണ ലോ​ക ചാ​മ്പ്യ​നാ​യ ബ​ർ​ഷി​മി​ൽ രാ​ജ്യ​ത്തി​ന് ഏ​റെ പ്ര​തീ​ക്ഷ​യു​ണ്ട്.

അ​ദ്ദേ​ഹം മി​ക​ച്ച ഫോ​മി​ലു​മാ​ണ്. 400 മീ​റ്റ​ർ ഹ​ർ​ഡി​ൽ​സി​ൽ മ​ത്സ​രി​ക്കു​ന്ന 2019ലെ ​ലോ​ക ചാ​മ്പ്യ​ൻ​ഷി​പ് വെ​ങ്ക​ല മെ​ഡ​ൽ ജേ​താ​വാ​യ അ​ബ്ദു​റ​ഹ്മാ​ൻ സാം​ബ്ര, ബാ​സിം ഹ​മീ​ദ, ദൂ​ദൈ അ​ബാ​ക​ർ എ​ന്നി​വ​രും പ്ര​തീ​ക്ഷ​യാ​ണ്. ര​ണ്ടു​ത​വ​ണ ഏ​ഷ്യ​ൻ ചാ​മ്പ്യ​നാ​യ മ​ധ്യ​ദൂ​ര ഓ​ട്ട​ക്കാ​ര​ൻ അ​ബൂ​ബ​ക്ക​ർ ഹൈ​ദ​ർ അ​ബ്ദ​ല്ല 800 മീ​റ്റ​റി​ൽ പൊ​രു​തു​ന്നു. ജൂ​ലൈ 26 മു​ത​ൽ ആ​ഗ​സ്റ്റ് 11 വ​രെ ന​ട​ക്കു​ന്ന ഒ​ളി​മ്പി​ക്‌​സി​ലെ അ​ത്‍ല​റ്റി​ക്സ് മ​ത്സ​ര​ങ്ങ​ൾ ആ​രം​ഭി​ക്കു​ന്ന​ത് ആ​ഗ​സ്റ്റ് ഒ​ന്നി​നാ​ണ്. ഒ​ളി​മ്പി​ക്സി​ലും ലോ​ക ചാ​മ്പ്യ​ൻ​ഷി​പ്പി​ലും മ​ത്സ​രം സ്വാ​ഭാ​വി​ക​മാ​യും ക​ടു​പ്പ​മാ​കു​മെ​ന്നും താ​ര​ങ്ങ​ൾ ആ​രോ​ഗ്യ​ത്തോ​ടെ തു​ട​രു​ന്ന​തി​നാ​ണ് ആ​ദ്യ പ​രി​ഗ​ണ​ന​യെ​ന്നും മി​ക​ച്ച ഫ​ലം ത​ന്നെ​യാ​ണ് പ്ര​തീ​ക്ഷി​ക്കു​ന്ന​തെ​ന്നും ഖ​ത്ത​ർ അ​ത്‌​ല​റ്റി​ക്‌​സ് ഫെ​ഡ​റേ​ഷ​ൻ മു​ഹ​മ്മ​ദ് ഈ​സ അ​ൽ ഫ​ദാ​ല പ​റ​ഞ്ഞു.