ഭിക്ഷാടനം: മൂന്നുപേർ പിടിയിൽ

റിയാദ്: ഭിക്ഷാടനം നടത്തിയ മൂന്നുപേർ റിയാദിൽ പിടിയിൽ. റിയാദ് നഗരത്തിന്റെ വിവിധ ഭാഗങ്ങളില്‍നിന്നാണ് ഇവരെ സുരക്ഷ വകുപ്പുകള്‍ പിടികൂടിയത്. റോഡ് സിഗ്നലുകളില്‍ കുടിവെള്ള കുപ്പികള്‍ വില്‍പന നടത്തുന്ന വ്യാജേന ഭിക്ഷാടനം നടത്തിയ രണ്ടു പാകിസ്താനികളും ഒരു ബംഗ്ലാദേശ് സ്വദേശിനിയുമാണ് അറസ്റ്റിലായത്.

മൂവരും നിയമാനുസൃത ഇഖാമകളില്‍ രാജ്യത്ത് കഴിയുന്നവരാണെന്ന് പൊതുസുരക്ഷ വകുപ്പ് പറഞ്ഞു. യാചകരെ കുറിച്ച് മക്ക, റിയാദ്, കിഴക്കന്‍ പ്രവിശ്യകളില്‍ 911 എന്ന നമ്പറിലും മറ്റു പ്രവിശ്യകളില്‍ 999 എന്ന നമ്പറിലും ബന്ധപ്പെട്ട് എല്ലാവരും അറിയിക്കണം. ഭിക്ഷാടനം രാജ്യത്ത് നിയമവിരുദ്ധമാണ്.