മെ​ട്രോ റെ​യി​ൽ പ​രി​ശോ​ധ​ന​ക്ക്​ ഓ​ട്ടോ​മാ​റ്റി​ക്​ സം​വി​ധാ​നം

ദു​ബൈ: ന​ഗ​ര​ത്തി​ലെ മെ​ട്രോ റെ​യി​ൽ​പാ​ത​യു​ടെ കാ​ര്യ​ക്ഷ​മ​ത പ​രി​ശോ​ധി​ക്കു​ന്ന​തി​ന്​ ഓ​ട്ടോ​മാ​റ്റി​ക്​ സം​വി​ധാ​നം ഏ​ർ​പ്പെ​ടു​ത്തി ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). കി​യോ​ലി​സ് എം‌.​എ​ച്ച്‌.​ഐ, ഫ്യൂ​ച്ച​ർ മെ​യി​ന്റ​ന​ൻ​സ് ടെ​ക്നോ​ള​ജീ​സ്(​എ​ഫ്‌.​എം‌.​ടി) എ​ന്നി​വ​യു​മാ​യി സ​ഹ​ക​രി​ച്ചാ​ണ്​ ആ​ർ.‌​ടി.‌​എ ഓ​ട്ടോ​മേ​റ്റ​ഡ് റെ​യി​ൽ ഇ​ൻ​ഫ്രാ​സ്ട്ര​ക്ച​ർ ഇ​ൻ​സ്പെ​ക്ഷ​ൻ സി​സ്റ്റം (എ‌.​ആ​ർ.‌​ഐ‌.​എ​സ്) എ​ന്ന നൂ​ത​ന​മാ​യ സം​വി​ധാ​നം രൂ​പ​പ്പെ​ടു​ത്തി​യ​ത്.

നി​ർ​മി​ത​ബു​ദ്ധി അ​ട​ക്ക​മു​ള്ള സാ​​ങ്കേ​തി​ക​വി​ദ്യ​ക​ൾ സം​യോ​ജി​പ്പി​ച്ച​താ​ണ്​ നൂ​ത​ന സം​വി​ധാ​നം. നി​ർ​മി​ത​ബു​ദ്ധി, സു​സ്ഥി​ര അ​ടി​സ്ഥാ​ന​സൗ​ക​ര്യം എ​ന്നി​വ​യി​ൽ ആ​ഗോ​ള​ത​ല​ത്തി​ൽ ഏ​റ്റ​വും മു​ന്നി​ലെ​ത്താ​നു​ള്ള ദു​ബൈ​യു​ടെ കാ​ഴ്ച​പ്പാ​ടു​മാ​യി പൊ​രു​ത്ത​പ്പെ​ടു​ന്ന ഈ ​നൂ​ത​ന സാ​ങ്കേ​തി​ക​വി​ദ്യ ദു​ബൈ മെ​ട്രോ​യു​ടെ പ്ര​വ​ർ​ത്ത​ന​രം​ഗ​ത്ത്​ സു​പ്ര​ധാ​ന പു​രോ​ഗ​തി​യാ​ണെ​ന്ന്​ അ​ധി​കൃ​ത​ർ പ​ത്ര​ക്കു​റി​പ്പി​ൽ പ​റ​ഞ്ഞു.

അ​ത്യാ​ധു​നി​ക ലി​ഡാ​ർ സെ​ൻ​സ​റു​ക​ൾ, ലേ​സ​റു​ക​ൾ, 3ഡി ​കാ​മ​റ​ക​ൾ എ​ന്നി​വ സ​ജ്ജീ​ക​രി​ച്ച റോ​ബോ​ട്ടി​ക് സം​വി​ധാ​നം മെ​ട്രോ പ്ര​വ​ർ​ത്ത​ന​ങ്ങ​ൾ ത​ട​സ്സ​പ്പെ​ടു​ത്താ​തെ റെ​യി​ൽ ട്രാ​ക്കു​ക​ളും നി​ർ​ണാ​യ​ക അ​ടി​സ്ഥാ​ന സൗ​ക​ര്യ​ങ്ങ​ളും പ​രി​ശോ​ധി​ക്കും. ആ​ഗോ​ള​ത​ല​ത്തി​ൽ ഏ​റ്റ​വും വി​ക​സി​ത​വും സു​ര​ക്ഷി​ത​വു​മാ​യ പൊ​തു​ഗ​താ​ഗ​ത ശൃം​ഖ​ല​യാ​യി ദു​ബൈ മെ​ട്രോ​യെ നി​ല​നി​ർ​ത്താ​നു​ള്ള യാ​ത്ര​യി​ലെ മ​റ്റൊ​രു സു​പ്ര​ധാ​ന കു​തി​ച്ചു​ചാ​ട്ട​ത്തെ​യാ​ണ് പു​തി​യ സം​വി​ധാ​നം പ്ര​തി​നി​ധീ​ക​രി​ക്കു​ന്ന​തെ​ന്ന്​ ആ​ർ.‌​ടി.‌​എ​യു​ടെ റെ​യി​ൽ ഏ​ജ​ൻ​സി സി.​ഇ.​ഒ അ​ബ്ദു​ൽ മു​ഹ്‌​സി​ൻ ക​ൽ​ബ​ത്ത് പ​റ​ഞ്ഞു.

പു​തി​യ സം​വി​ധാ​ന​ത്തി​ലൂ​ടെ സാ​ധാ​ര​ണ നേ​രി​ട്ടു​ള്ള പ​രി​ശോ​ധ​ന 70 ശ​ത​മാ​നം വ​രെ കു​റ​ക്കാ​ൻ സാ​ധി​ക്കും. അ​തോ​ടൊ​പ്പം അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​വ​സ്ഥ കൂ​ടു​ത​ൽ ഫ​ല​പ്ര​ദ​മാ​യി വി​ല​യി​രു​ത്താ​നും ക​ഴി​യും. പ​രി​ശോ​ധ​ന​യു​ടെ സ​മ​യം ഏ​ക​ദേ​ശം 75 ശ​ത​മാ​നം കു​റ​യു​ക​യും ചെ​യ്യും. എ‌.​ആ​ർ.‌​ഐ‌.​എ​സ് ഉ​പ​യോ​ഗി​ച്ച് 2,400 മ​നു​ഷ്യ മ​ണി​ക്കൂ​റു​ക​ൾ വെ​റും 700 മ​നു​ഷ്യ മ​ണി​ക്കൂ​റു​ക​ളാ​യി കു​റ​ക്കാ​ൻ ക​ഴി​യു​മെ​ന്നും അ​ധി​കൃ​ത​ർ വി​ശ​ദീ​ക​രി​ച്ചു. അ​റ്റ​കു​റ്റ​പ്പ​ണി മു​ൻ​കൂ​റാ​യി തി​രി​ച്ച​റി​യ​പ്പെ​ടു​ന്ന​തി​ലൂ​ടെ അ​ടി​സ്ഥാ​ന സൗ​ക​ര്യ​ങ്ങ​ളു​ടെ ആ​യു​സ്സ് വ​ർ​ധി​പ്പി​ക്കാ​നും പ​രി​പാ​ല​ന ചെ​ല​വ് 25 ശ​ത​മാ​നം​വ​രെ കു​റ​ക്കാ​നും ക​ഴി​യു​മെ​ന്നും വി​ല​യി​രു​ത്ത​പ്പെ​ടു​ന്നു.