ദുബൈ മാരത്തൺ: റൂട്ടുകൾ നിശ്ചയിച്ചു

ദു​ബൈ: രാ​ജ്യ​ത്തി​ന​ക​ത്തും​ പു​റ​ത്തു​മു​ള്ള കാ​യി​ക​പ്രേ​മി​ക​ളും വി​നോ​ദ​സ​ഞ്ചാ​രി​ക​ളും ഏ​റെ ആ​കാം​ക്ഷ​യോ​ടെ കാ​ത്തി​രി​ക്കു​ന്ന ദു​ബൈ മാ​ര​ത്ത​ണി​ന്‍റെ റൂ​ട്ടു​ക​ൾ പ്ര​ഖ്യാ​പി​ച്ചു. അ​ടു​ത്ത വ​ർ​ഷം ജ​നു​വ​രി ഏ​ഴി​ന്​ ന​ട​ക്കു​ന്ന 23ാമ​ത്​ ദു​ബൈ മാ​ര​ത്ത​ൺ ഉ​മ്മു സു​ഖൈം റോ​ഡി​ൽ​നി​ന്ന്​ ആ​രം​ഭി​ക്കും. ഫി​നി​ഷി​ങ്​ പോ​യ​ന്‍റും ഉ​മ്മു സു​ഖൈം ത​ന്നെ​യാ​ണ്.

നാ​ല് കി​ലോ​മീ​റ്റ​ർ ഫ​ൺ ആ​ൻ​ഡ്​ റ​ൺ, 10 കി​ലോ​മീ​റ്റ​ർ ഓ​ട്ടം, 42.195 കി​ലോ​മീ​റ്റ​ർ മാ​ര​ത്ത​ൺ എ​ന്നി​ങ്ങ​നെ മൂ​ന്ന്​ വി​ഭാ​ഗ​ങ്ങ​ളി​ലാ​യാ​ണ്​ പ​രി​പാ​ടി സം​ഘ​ടി​പ്പി​ക്കു​ന്ന​ത്. എ​ല്ലാ പ്രാ​യ​ത്തി​ലു​മു​ള്ള​വ​ർ​ക്കും പ​​ങ്കെ​ടു​ക്കാ​മെ​ന്ന​താ​ണ്​ പ്ര​ത്യേ​ക​ത. ദു​ബൈ സ്​​പോ​ർ​ട്​​സ്​ കൗ​ൺ​സി​ൽ, ദു​ബൈ പൊ​ലീ​സ്, ദു​ബൈ ആ​ർ.​ടി.​എ എ​ന്നി​വ​രാ​ണ്​ സം​ഘാ​ട​ക​ർ.

മൂ​ന്ന് വ​കു​പ്പു​ക​ൾ ത​മ്മി​ൽ ന​ട​ന്ന ച​ർ​ച്ച​ക​ൾ​ക്ക്​ ശേ​ഷ​മാ​ണ്​ സ്റ്റാ​ർ​ട്ടി​ങ്​ പോ​യ​ന്‍റ്​ നി​ശ്ച​യി​ച്ച​തെ​ന്ന്​ ദു​ബൈ സ്​​പോ​ർ​ട്​​സ്​ കൗ​ൺ​സി​ൽ സെ​ക്ര​ട്ട​റി സ​ഈ​ദ്​ ഹ​റി​ബ്​ പ​റ​ഞ്ഞു.

മൂ​ന്ന് വി​ഭാ​ഗ​ങ്ങ​ളി​ലാ​യി പ​​ങ്കെ​ടു​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്ക്​ dubaimarathon.org വ​ഴി ഓ​ൺ​ലൈ​നാ​യി ര​ജി​സ്റ്റ​ർ ചെ​യ്യാം. ദു​ബൈ പൊ​ലീ​സ്​ അ​ക്കാ​ദ​മി​ക്ക​ടു​ത്ത ഉ​മ്മു സു​ഖൈം റോ​ഡി​ൽ​നി​ന്ന്​ ആ​രം​ഭി​ക്കു​ന്ന മാ​ര​ത്ത​ൺ ജു​മൈ​റ ബീ​ച്ച്​ റോ​ഡി​ലൂ​ടെ 42.195 കി​ലോ​മീ​റ്റ​ർ സ​ഞ്ച​രി​ച്ച്​​ ഉ​മ്മു സു​ഖൈം റോ​ഡി​ൽ തി​രി​കെ​യെ​ത്തു​ന്ന രീ​തി​യി​ലാ​ണ്​ ക്ര​മീ​ക​ര​ണം. ​

ദു​ബൈ സ്​​പോ​ർ​ട്​​സ്​ കൗ​ൺ​സി​ൽ, ദു​ബൈ പൊ​ലീ​സ്​, ആ​ർ.​ടി.​എ, ദു​ബൈ മു​നി​സി​പ്പാ​ലി​റ്റി എ​ന്നി​വ​യു​മാ​യി ചേ​ർ​ന്ന്​ മാ​ര​ത്ത​ണി​നു​ള്ള ഒ​രു​ക്ക​ങ്ങ​ൾ​ക്കാ​യു​ള്ള പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​താ​യി ഇ​വ​ന്‍റ്​ ഡ​യ​റ​ക്ട​ർ പീ​റ്റ​ർ കൊ​ന​ർ​ട്ട​ൻ പ​റ​ഞ്ഞു.