എക്​സ്​പോ സുരക്ഷിതമാക്കും –ശൈഖ്​ ഹംദാൻ

ദുബൈ: എക്​സ്​പോ 2020ൽ എത്തുന്ന സന്ദർശകർക്ക്​ സുരക്ഷിത സാഹചര്യമൊരുക്കണമെന്ന്​ ദുരന്തനിവാരണ ഉന്നതാധികാര സമിതിയോട്​ ദുബൈ കിരീടാവകാശിയും എക്​സിക്യൂട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം ആവശ്യപ്പെട്ടു.

ശൈഖ്​ മൻസൂർ ബിൻ മുഹമ്മദ്​ ആൽ മക്​തൂം അധ്യക്ഷനായ സമിതി അംഗങ്ങളുടെ യോഗത്തിൽ സംസാരിക്കുകയായിരുന്നു അദ്ദേഹം.എക്സ്പോയുടെ ആതിഥേയത്വം വഹിക്കുമ്പോൾ ദുബൈ ലോകത്തി​െൻറ ശ്രദ്ധാകേന്ദ്രമാകും. ഒരു ടീമായി പ്രവർത്തിച്ച്​, ലോകത്തിനു മുന്നിൽ നമ്മുടെ മികവും പുതുമയും തയാറെടുപ്പും പ്രദർശിപ്പിക്കണം. 192 രാജ്യങ്ങളിൽനിന്നുള്ള പ്രതിനിധികളും ദശലക്ഷക്കണക്കിന് സന്ദർശകരും ദുബൈയിൽ ഒത്തുചേരും.

സുരക്ഷയുടെ ഏറ്റവും ഉയർന്ന ആഗോള മാനദണ്ഡങ്ങൾ അടയാളപ്പെടുത്തിയ ഒരു അന്തരീക്ഷത്തിലാണ് പരിപാടിയെന്ന്​ ഉറപ്പാക്കാനാണ്​ പ്രവർത്തിക്കുന്നത്​ -അദ്ദേഹം വ്യക്തമാക്കി. കോവിഡി​നെ പ്രതിരോധിക്കാനുള്ള ദുരന്തനിവാരണ സമിതിയുടെ പ്രവർത്തനങ്ങൾ പ്രതിസന്ധി തടയുന്നതിലും സാമ്പത്തിക, സാമൂഹിക, ആരോഗ്യ പ്രത്യാഘാതങ്ങൾ ഇല്ലാതാക്കുന്നതിലും ദുബൈയെ ആഗോള മാതൃകയാക്കിയതായും അദ്ദേഹം കൂട്ടിച്ചേർത്തു. ഏറ്റവും വ്യത്യസ്​തമായ എക്​സ്​പോ ഒരുക്കുന്നതിന്​ ടീമംഗങ്ങൾ എല്ലാവരും മികച്ച രീതിയിൽ പ്രവർത്തിക്കുമെന്ന്​ പ്രതീക്ഷിക്കുന്നതായും അദ്ദേഹം പറഞ്ഞു.

ഒക്​ടോബർ ഒന്നുമുതൽ ആറുമാസം നീളുന്ന ദുബൈ എക്​സ്​പോ 2020ന്​​ ഒരുക്കം പുരോഗമിക്കുകയാണ്​. കോവിഡാനന്തരം ലോകത്തിന്​ പ്രതീക്ഷ പകരുന്ന ആദ്യത്തെ ആഗോള സംഗമത്തിന്​ എത്തുന്നവരുടെ ആരോഗ്യ സുരക്ഷിതത്വത്തിന്​ മുൻഗണന നൽകുന്ന രീതിയിലാണ്​ സജ്ജീകരണങ്ങൾ പുരോഗമിക്കുന്നത്​. എന്നാൽ, എക്​സ്​പോയിൽ പ്രവേശിക്കുന്നതിന്​ വാക്​സിൻ നിർബന്ധമാക്കില്ലെന്ന്​ ​അധികൃതർ നേരത്തേ അറിയിച്ചിട്ടുണ്ട്​.