നി​റ​ങ്ങ​ളി​ൽ നീ​രാ​ടി ഇ​ന്ത്യ​ൻ സ​മൂ​ഹം

ദു​ബൈ: വ​ർ​ണ​ങ്ങ​ൾ വാ​രി​വി​ത​റി​യും മ​ധു​രം വി​ത​ര​ണം ചെ​യ്തും ഹോ​ളി ആ​ഘോ​ഷി​ച്ച്​ ഇ​ന്ത്യ​ൻ സ​മൂ​ഹം. ദു​ബൈ എ​ക്സ്​​പോ സി​റ്റി​യി​ലാ​ണ്​ ഇ​ന്ത്യ​ൻ കോ​ൺ​സു​ലേ​റ്റി​ന്‍റെ നേ​തൃ​ത്വ​ത്തി​ൽ ഹോ​ളി ആ​ഘോ​ഷം സം​ഘ​ടി​പ്പി​ച്ച​ത്. ഉ​ത്ത​രേ​ന്ത്യ​യി​ൽ ബു​ധ​നാ​ഴ്ച​യാ​യി​രു​ന്നു ഹോ​ളി ആ​ഘോ​ഷ​മെ​ങ്കി​ലും അ​വ​ധി​ദി​നം മു​ൻ​നി​ർ​ത്തി ശ​നി​യാ​ഴ്ച​യാ​ണ്​ കോ​ൺ​സു​ലേ​റ്റ്​ ആ​ഘോ​ഷം സം​ഘ​ടി​പ്പി​ച്ച​ത്. എ​ക്സ്​​പോ സി​റ്റി​യി​ലെ ജൂ​ബി​ലി പാ​ർ​ക്കി​ൽ ന​ട​ന്ന ആ​ഘോ​ഷ​ത്തി​ൽ 2000​ത്തോ​ളം ഇ​ന്ത്യ​ക്കാ​ർ പ​​ങ്കെ​ടു​ത്തു. നി​റ​ങ്ങ​ൾ വാ​രി​വി​ത​റി​യാ​യി​രു​ന്നു ആ​ഘോ​ഷം. പൂ​ക്ക​ളോ​ടൊ​പ്പം ഹോ​ളി എ​ന്ന്​ അ​ർ​ഥം വ​രു​ന്ന ഫൂ​ലോ​ൻ കി ​ഹോ​ളി എ​ന്ന പേ​രി​ലാ​ണ്​ ഇ​ന്ത്യ​ൻ കോ​ൺ​സു​ലേ​റ്റ്​ ഹോ​ളി ആ​ഘോ​ഷി​ച്ച​ത്. പേ​രി​നെ അ​ന്വ​ർ​ഥ​മാ​ക്കും വി​ധം ജൂ​ബി​ലി പാ​ർ​ക്കി​ൽ പൂ​ക്ക​ളാ​ൽ അ​ല​ങ്ക​രി​ച്ചി​രു​ന്നു.

സം​ഗീ​ത​സ​ന്ധ്യ​യും അ​ര​ങ്ങേ​റി. കോ​ൺ​സു​ൽ ജ​ന​റ​ൽ ഡോ. ​അ​മ​ൻ​പു​രി​യും ആ​ഘോ​ഷ​ങ്ങ​ളി​ൽ പ​ങ്കാ​ളി​യാ​യി. ഹോ​ളി ആ​ഘോ​ഷ​ത്തി​ന്​ വേ​ദി​യൊ​രു​ക്കി​യ എ​ക്സ്​​പോ സി​റ്റി​ക്ക്​ ന​ന്ദി അ​റി​യി​ക്കു​ന്ന​താ​യും വി​വി​ധ സം​സ്കാ​ര​ങ്ങ​ളു​ടെ​യും മ​ത​ങ്ങ​ളു​ടെ​യും ഒ​ത്തു​ചേ​ര​ലാ​ണ്​ ഹോ​ളി​യെ​ന്നും അ​ദ്ദേ​ഹം പ​റ​ഞ്ഞു. ഇ​ന്ത്യ​യും യു.​എ.​ഇ​യും ത​മ്മി​ലെ ദീ​ർ​ഘ​കാ​ല സാം​സ്കാ​രി​ക, സാ​മ്പ​ത്തി​ക ബ​ന്ധ​ങ്ങ​ൾ ഇ​രു രാ​ജ്യ​ങ്ങ​ളും ത​മ്മി​ലെ വൈ​വി​ധ്യ​മാ​ർ​ന്ന അ​ടു​പ്പ​ത്തി​ന്​ കാ​ര​ണ​മാ​യെ​ന്നും അ​ദ്ദേ​ഹം പ​റ​ഞ്ഞു. ഹോ​ളി ആ​ഘോ​ഷ​ത്തി​ന്​ ആ​തി​ഥ്യ​മ​രു​ളാ​ൻ ക​ഴി​ഞ്ഞ​തി​ൽ സ​ന്തോ​ഷ​മു​​ണ്ടെ​ന്ന്​ എ​ക്സ്പോ സി​റ്റി ചീ​ഫ്​ എ​ൻ​ഗേ​ജ്​​മെ​ന്‍റ്​ ഓ​ഫി​സ​ർ മ​നാ​ൽ ബി​ൻ​ത്​ അ​ൽ ബ​ന​ത്​ പ​റ​ഞ്ഞു.