രാ​ജ്യം ക​ട​ന്നു​പോ​കു​ന്ന​ത് അ​ടി​യ​ന്ത​രാ​വ​സ്ഥ​ക്ക് തു​ല്യ​മാ​യ അ​വ​സ്ഥ​യി​ലൂ​ടെ -മ​ന്ത്രി കെ. ​കൃ​ഷ്ണ​ൻ​കു​ട്ടി

ഷാ​ർ​ജ: മു​ൻ പ്ര​ധാ​ന​മ​ന്ത്രി ഇ​ന്ദി​ര​ഗാ​ന്ധി ഇ​ന്ത്യ​യി​ൽ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ച് 48 വ​ർ​ഷ​ങ്ങ​ൾ പി​ന്നി​ടു​മ്പോ​ഴും രാ​ജ്യ​ത്തെ ജ​നാ​ധി​പ​ത്യ​ത്തെ പൂ​ർ​ണ​മാ​യി വീ​ണ്ടെ​ടു​ക്കാ​ൻ ഇ​പ്പോ​ഴും ക​ഴി​ഞ്ഞി​ട്ടി​ല്ലെ​ന്ന്​ കേ​ര​ള വൈ​ദ്യു​തി​മ​ന്ത്രി കെ. ​കൃ​ഷ്ണ​ൻ​കു​ട്ടി. 2014ന് ​ശേ​ഷം ഇ​ന്ത്യ അ​യ​ൽ രാ​ജ്യ​ങ്ങ​ളെ​ക്കാ​ൾ പ​ല കാ​ര്യ​ത്തി​ലും പി​ന്നി​ലാ​ണ്. ജ​നാ​ധി​പ​ത്യ​ത്തി​ന്‍റെ കാ​ര്യ​ത്തി​ലും പോ​ഷ​കാ​ഹാ​ര ക്കു​റ​വി​ലും ഗ​ർ​ഭാ​വ​സ്ഥ​യി​ലു​ള്ള കു​ട്ടി​ക​ളു​ടെ മ​ര​ണ​ത്തി​ലും രാ​ജ്യം പി​ന്നോ​ട്ട് പോ​യി. പ്ര​ഖ്യാ​പി​ത അ​ടി​യ​ന്ത​രാ​വ​സ്ഥ​യും അ​പ്ര​ഖ്യാ​പി​ത അ​ടി​യ​ന്ത​രാ​വ​സ്ഥ​യും ഒ​രു​പോ​ലെ ഇ​ന്ത്യ​ൻ ജ​ന​ത​യെ ബാ​ധി​ച്ചു ക​ഴി​ഞ്ഞു.

ഇ​തി​നെ​തി​രെ​യു​ള്ള പ്ര​തി​രോ​ധം കൂ​ടി​യാ​യി​രി​ക്ക​ണം 2024ലെ ​തെ​ര​ഞ്ഞെ​ടു​പ്പെ​ന്ന്​ മ​ന്ത്രി അ​ഭി​പ്രാ​യ​പ്പെ​ട്ടു. ജ​ന​ത ക​ൾ​ച്ച​റ​ൽ സെ​ന്‍റ​ർ യു.​എ.​ഇ ക​മ്മി​റ്റി സം​ഘ​ടി​പ്പി​ച്ച അ​ടി​യ​ന്ത​രാ​വ​സ്ഥ​യു​ടെ 48 വ​ർ​ഷ​ങ്ങ​ൾ എ​ന്ന വി​ഷ​യ​ത്തി​ലെ വെ​ബി​നാ​ർ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. അ​ടി​യ​ന്ത​രാ​വ​സ്ഥ​യി​ൽ കൊ​ടി​യ പീ​ഡ​നം ഏ​റ്റു​വാ​ങ്ങി​യ സോ​ഷ്യ​ലി​സ്റ്റ് നേ​താ​വ് എ​ബ്ര​ഹാം മാ​നു​വ​ൽ അ​നു​ഭ​വ​ങ്ങ​ൾ പ​ങ്കു​വെ​ച്ചു. ടി.​ജെ. ബാ​ബു അ​ധ്യ​ക്ഷ​ത വ​ഹി​ച്ചു. വി. ​കു​ഞ്ഞാ​ലി, പി.​ജി. രാ​ജേ​ന്ദ്ര​ൻ, ഇ.​കെ. ദി​നേ​ശ​ൻ, എ​ൻ.​എം. നാ​യ​ർ, യൂ​ജി​ൻ മൊ​റേ​ലി, സ​ബാ​ഹ് പു​ൽ​പ്പ​റ്റ എ​ന്നി​വ​ർ സം​സാ​രി​ച്ചു. ടെ​ന്നി​സ​ൻ ചേ​ന്ന​പ്പ​ള്ളി സ്വാ​ഗ​ത​വും സു​നി​ൽ പാ​റേ​മ്മ​ൽ ന​ന്ദി​യും പ​റ​ഞ്ഞു.