മി​ന​ർ​വ​യു​ടെ മ​ണി​മു​ത്തം

ബാ​ഴ്​​സ​ലോ​ണ​യു​ടെ​യും മാ​ഞ്ച​സ്റ്റ​ർ സി​റ്റി​യു​ടെ​യും ജൂ​നി​യ​ർ ടീ​മു​ക​ൾ ക​ളി​ക്കു​ന്ന ടൂ​ർ​ണ​മെ​ന്‍റി​ൽ ഇ​ന്ത്യ​ൻ കു​ട്ടി​ക​ൾ​ക്ക്​ എ​ന്ത്​ ചെ​യ്യാ​ൻ ക​ഴി​യും. തോ​ൽ​വി​യു​ടെ ഭാ​രം പ​ര​മാ​വ​ധി കു​റ​ക്കു​ക എ​ന്ന​ത്​ ത​ന്നെ​യാ​യി​രി​ക്കും പ്രാ​ഥ​മീ​ക ല​ക്ഷ്യം. മു​ന്‍ റ​യ​ൽ മ​ഡ്രി​ഡ്​ താ​രം മ​രി​യ സ​ൽ​ഗാ​ദോ​യേ പോ​ലു​ള്ള​വ​ർ പ​രി​ശീ​ലി​പ്പി​ക്കു​ന്ന ടീ​മി​നോ​ട്​ മു​ട്ടി നി​ൽ​ക്കാ​ൻ ഇ​ന്ത്യ​ൻ കു​ട്ടി​ക​ൾ​ക്ക്​ ക​ഴി​യു​മോ എ​ന്ന്​ ചോ​ദി​ക്കു​ന്ന​വ​ർ​ക്ക്​ ഒ​ന്നാ​ന്ത​ര​മൊ​രു ഉ​ത്ത​ര​മു​ണ്ട്​ ഇ​ങ്ങ്​ ദു​ബൈ​യി​ൽ. പ​ഞ്ചാ​ബി​ൽ നി​ന്നു​ള്ള മി​ന​ർ​വ അ​ക്കാ​ദ​മി. ക​ഴി​ഞ്ഞ ദി​വ​സം സ​മാ​പി​ച്ച പ്ര​ഥ​മ മി​ന ക​പ്പ്​ യൂ​ത്ത്​ ഫു​ട്​​ബാ​ൾ ടൂ​ർ​ണ​മെ​ന്‍റി​ന്‍റെ അ​ണ്ട​ർ 12 വി​ഭാ​ഗ​ത്തി​ൽ വ​മ്പ​ൻ​മാ​രെ മ​ല​ർ​ത്തി​യ​ടി​ച്ച്​ ക​പ്പു​മാ​യി മ​ട​ങ്ങി​യി​രി​ക്കു​ക​യാ​ണ്​ ഈ ​കു​രു​ന്നു​ക​ൾ. അ​തും ചെ​റി​യ ജ​യ​മൊ​ന്നു​മ​ല്ല. സാ​ക്ഷാ​ൽ ബാ​ഴ്​​സ​ലോ​ണ​യു​ടെ കു​ട്ടി​ക​ളെ എ​തി​രി​ല്ലാ​ത്ത നാ​ല്​ ഗോ​ളി​നാ​ണ്​ വി​ര​ട്ടി​യോ​ടി​ച്ച​ത്. ദു​ബൈ കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്ന പ്ര​മു​ഖ ക്ല​ബ്ബാ​യ ലാ ​ലീ​ഗ അ​ക്കാ​ദ​മി​യെ ഫൈ​ന​ലി​ൽ കീ​ഴ്​​പെ​ടു​ത്തി​യ​ത്​ മ​റു​പ​ടി​യി​ല്ലാ​ത്ത നാ​ല്​ ഗോ​ളി​ന്. ദു​ബൈ​യി​ലെ മ​റ്റൊ​രു വ​മ്പ​ൻ​മാ​രാ​യ ഗോ ​പ്രോ സ്​​പോ​ർ​ട്​​സ്​ അ​ക്കാ​ദ​മി​ക്കെ​തി​രെ മി​ന​ർ​വ കു​ട്ടി​ക​ൾ ആ​റാ​ടി​യ​പ്പോ​ൾ സ്​​കോ​ർ​ബോ​ർ​ഡി​ൽ തെ​ളി​ഞ്ഞ സ്​​കോ​ർ​ 6-0. രാ​ജ്യ​ത്തി​ന്​ പു​റ​ത്ത്​ ന​ട​ന്ന ആ​ദ്യ ടൂ​ർ​ണ​മെ​ന്‍റി​ൽ ത​ന്നെ ക​ണ്ണ​ഞ്ചി​പ്പി​ക്കു​ന്ന പ്ര​ക​ട​നം ന​ട​ത്തി​യു കു​ട്ടി​ക​ളെ ക​ണ്ട്​ ക​ണ്ണു​ത​ള്ളി​യി​രി​ക്കു​ക​യാ​ണ്​ മി​ന​ർ​വ മാ​നേ​ജ്​​മെ​ന്‍റും. ടൂ​ർ​ണ​മെ​ന്‍റി​ലു​ട​നീ​ളം പി​ന്തു​ണ​യു​മാ​യി കേ​ര​ള ബ്ലാ​സ്​​റ്റേ​ഴ്​​സി​ന്‍റെ ഔ​ദ്യോ​ഗി​ക ഫാ​ൻ ക്ല​ബ്ബാ​യ മ​ഞ്ഞ​പ്പ​ട​യും ഗാ​ല​റി​യി​ലു​ണ്ടാ​യി​രു​ന്നു.

മി​ന ക​പ്പ്​ യൂ​ത്ത്​ ഫു​ട്​​ബാ​ളി​ൽ ഏ​വ​രും പ്ര​തീ​ക്ഷി​ച്ചി​രു​ന്ന​ത്​ മാ​ഞ്ച​സ്റ്റ​ർ സി​റ്റി, ബാ​ഴ്​​സ, ലാ​ലീ​ഗ അ​ക്കാ​ദ​മി, മ​റ്റ്​ യൂ​റോ​പ്യ​ൻ ക്ല​ബ്ബു​ക​ൾ എ​ന്നി​വ​യു​ടെ പ്ര​ക​ട​ന​മാ​യി​രു​ന്നു. മ​റ്റ്​ വി​ഭാ​ഗ​ങ്ങ​ളി​ൽ ഇ​വ​ർ മി​ക​ച്ച പ്ര​ക​ട​നം കാ​ഴ്ച​വെ​ച്ചെ​ങ്കി​ലും അ​ണ്ട​ർ 12ൽ ​മി​ന​ർ​വ​യു​ടെ കു​ട്ടി​ക​ൾ ഞെ​ട്ടി​ച്ചു ക​ള​ഞ്ഞു. ജ​ബ​ൽ അ​ലി സ്​​റ്റേ​ഡി​യ​ത്തി​ൽ മി​ന​ർ​വ അ​ക്കാ​ദ​മി ശ​രി​ക്കും ആ​റാ​ടു​ക​യാ​യി​രു​ന്നു. ടൂ​ർ​ണ​മെ​ന്‍റി​ലു​ട​നീ​ളം മി​ന​ർ​വ​യു​ടെ വ​ല​യി​ലേ​ക്ക്​ ഒ​രു പ​ന്തു​പോ​ലും എ​ത്തി​യി​ല്ല. ബാ​ഴ്​​സ​യും സി​റ്റി​യു​മെ​ല്ലാം ക​ളി​ക്കു​ന്ന ടൂ​ർ​ണ​മെ​ന്‍റി​ൽ ജ​യി​ക്കാ​നാ​കു​മെ​ന്ന​ത്​ ഒ​രി​ക്ക​ലും ക​രു​തി​യി​രു​ന്നി​ല്ലെ​ന്ന ഗോ​ൾ ​കീ​പ്പ​ർ യൂ​ഹെ​ൻ​ബ ക്വ​യ്​​റാ​ക്​​പ​മി​ന്‍റെ വാ​ക്കു​ക​ൾ കാ​ണാ​ന​വു​ന്ന​ത്​ അ​വി​ശ്വ​സ​നീ​യ​ത ത​ന്നെ​യാ​ണ്. രാ​ജ്യ​ത്തി​ന്​ പു​റ​ത്ത്​ ക​ളി​ക്കാ​ൻ പോ​കു​ന്ന​തി​ന്‍റെ ആ​കാം​ക്ഷ മാ​ത്ര​മാ​യി​രു​ന്നു ഇ​വി​ടേ​ക്ക്​ വ​രു​മ്പോ​ൾ ഉ​ണ്ടാ​യി​രു​ന്ന​ത്​ എ​ന്നാ​ണ്​ അ​വ​ന്‍റെ അ​ഭി​പ്രാ​യം. അ​തി​ന​പ്പു​റം ഒ​ന്നും അ​വ​ർ പ്ര​തീ​ക്ഷി​ച്ചി​ട്ടു​ണ്ടാ​യി​രു​ന്നി​ല്ല.

നോ​ർ​ത്ത്​ ഈ​സ്റ്റി​ൽ നി​ന്നു​ള്ള കു​ട്ടി​ക​ളാ​ണ്​ അ​ക്കാ​ദ​മി​യി​ൽ ഏ​റെ​യും. 30,000 ഡോ​ള​റാ​ണ്​ ടൂ​ർ​ണ​​മെ​ന്‍റി​ൽ പ​​ങ്കെ​ടു​ത്ത​തി​ന്​ അ​ക്കാ​ദ​മി​ക്ക്​ ചി​ല​വാ​യ​ത്. ഇ​തി​ൽ 1000 ഡോ​ള​ർ ക്രൗ​ഡ്​ ഫ​ണ്ടി​ങ്ങി​ലൂ​ടെ ല​ഭി​ച്ചു. ബാ​ക്കി പൂ​ർ​ണ​മാ​യും ത​ങ്ങ​ളാ​ണ്​ എ​ടു​ത്ത​തെ​ന്ന്​ അ​ക്കാ​ദ​മ​യു​ടെ ഉ​ട​മ ര​ഞ്ജി​ത്​ ബ​ജാ​ജ്​ പ​റ​യു​ന്നു. 100 ശ​ത​മാ​നം സ്​​കോ​ള​ർ​ഷി​പ്പോ​ടെ​യാ​ണ്​ കു​ട്ടി​ക​ൾ​ക്ക്​ പ​രി​ശീ​ല​നം ന​ൽ​കു​ന്ന​ത്. ഒ​രു രൂ​പ പോ​ലും കു​ട്ടി​ക​ളു​ടെ കൈ​യി​ൽ നി​ന്ന്​ വാ​ങ്ങി​ക്കു​ക​യോ അ​വ​ർ​ക്ക്​ ചെ​ല​വാ​ക്കേ​ണ്ടി വ​രു​ക​യോ ചെ​യ്തി​ട്ടി​ല്ല. മി​ന ക​പ്പി​ൽ ക​ളി​ക്കാ​നെ​ത്തി​യ മ​റ്റ്​ ടീ​മു​ക​ളും മി​ന​ർ​വ അ​ക്കാ​ദ​മി​യും ത​മ്മി​ലു​ള്ള പ്ര​ധാ​ന വ്യ​ത്യാ​സം ഇ​താ​യി​രു​ന്നു​വെ​ന്നും അ​ദ്ദേ​ഹം പ​റ​യു​ന്നു. ഒ​രു​പ​ക്ഷെ, ഭാ​വി​യി​ൽ ഈ ​ടീ​മി​ൽ നി​ന്ന്​ ഒ​രു മു​ഹ​മ്മ​ദ്​ സ​ലാ​യോ അ​തു​പോ​ലു​ള്ള താ​ര​ങ്ങ​ളോ ഉ​ണ്ടാ​യേ​ക്കാം. 2034ൽ ​ഇ​ന്ത്യ​യെ ലോ​ക​ക​പ്പ്​ ക​ളി​പ്പി​ക്കു​ക എ​ന്ന ല​ക്ഷ്യ​വും ത​ന്‍റെ അ​ക്കാ​ദ​മി​ക്കു​ണ്ടെ​ന്ന്​ ബ​ജാ​ജ്​ വ്യ​ക്​​ത​മാ​ക്കു​ന്നു.

പ​ഞ്ചാ​ബി​ലെ 25 ഏ​ക്ക​ർ കാ​മ്പ​സി​ലാ​ണ്​ മി​ന​ർ​വ അ​ക്കാ​ദ​മി സ്ഥി​തി ചെ​യ്യു​ന്ന​ത്. മൂ​ന്ന്​ ഫു​ൾ സൈ​സ്​ ഫു​ട്​​ബാ​ൾ ഗ്രൗ​ണ്ട്​ ഇ​വി​ടെ​യു​ണ്ട്. ഏ​ഴ്​ സെ​വ​ൻ​സ്​ ഗ്രൗ​ണ്ടും ജിം​നേ​ഷ്യ​വും ഫി​സി​യോ​തെ​റാ​പ്പി വി​ഭാ​ഗ​വു​മു​ണ്ട്.