വൺ ബില്യൺ മീൽസ്​; തലബാത്ത്​ വഴിയും സംഭാവന നൽകാം

ദുബൈ: ലോകത്തിന്‍റെ വിവിധ ഭാഗങ്ങളിൽ പട്ടിണി കിടക്കുന്നവർക്ക്​ അന്നമെത്തിക്കാനുള്ള യു.എ.ഇയുടെ വൺ ബില്യൺ മീൽസ്​ പദ്ധതിയിലേക്ക് യു.എ.ഇയിലെ ഭക്ഷ്യ ഡെലിവറി പ്ലാറ്റ്​ഫോമായ​ തലബാത് വഴിയും സംഭാവന നൽകാം. 10, 50, 100, 300, 500 ദിർഹമാണ്​ സംഭാവനയായി നൽകാൻ തലബാത്​ പ്ലാറ്റ്​ഫോം അവസരമൊരുക്കുന്നത്​. തലബാത് ആപ്പിലെ ‘ഗിവ്​ ബാക്ക്​’ എന്ന ഭാഗത്ത്​ ക്ലിക്ക്​ ചെയ്താണ്​ സംഭാവന സമർപ്പിക്കേണ്ടത്​.

വൺ ബില്യൺ മീൽസിന്‍റെ വെബ്​സൈറ്റ്​ വഴിയും നേരിട്ട്​ സംഭാവന നൽകാൻകഴിയും. 1billionmeals.ae എന്ന വെബ്​സൈറ്റ്​ വഴിയാണ്​ തുക കൈമാറേണ്ടത്​. അല്ലെങ്കിൽ എമിറേറ്റ്​സ്​ എൻ.ബി.ഡിയുടെ പ്രത്യേക ബാങ്ക്​ അക്കൗണ്ടിലേക്ക്​ പണം അയച്ചും സംഭാവന ചെയ്യാം. മൊബൈൽ ഫോണിലെ ബാലൻസിൽ നിന്ന്​ തുക അടക്കാനുള്ള സൗകര്യവും ഏർപെടുത്തിയിട്ടുണ്ട്​. ഇതിനായി ഇത്തിസാലാത്ത്​, ഡു ഉപഭോക്​താക്കൾ Meal എന്ന്​ ടൈപ്പ്​ ​ചെയ്ത ശേഷം മെസേജ്​ അയച്ചാൽ മതി. 10ദിർഹം 1034 എന്ന നമ്പറിലേക്കും 50ദിർഹമാണെങ്കിൽ 1035ലേക്കും 100ദിർഹമാണെങ്കിൽ 1036ലേക്കും 500ആണെങ്കിൽ 1038 എന്ന നമ്പറിലേക്കും എസ്​.എം.എസ്​ അയച്ചാൽ മതി. മാസത്തിൽ സംഭാവന ​​ചെയ്യാനുള്ള ഒപ്​ഷനിൽ കുറഞ്ഞ തുക 30ദിർഹമാണ്​​.