അൽ റാഖിബ് മസ്ജിദ് തുറന്നു
text_fields
അൽ റാഖിബ് മസ്ജിദ്
അജ്മാന്‍: സുപ്രീം കൗൺസിൽ അംഗവും അജ്മാൻ ഭരണാധികാരിയുമായ ശൈഖ് ഹുമൈദ് ബിന്‍ റാശിദ് അല്‍ നുഐമി അജ്മാനിലെ അൽ റാഖിബ് ഏരിയയിലെ മസ്ജിദ് ഉദ്ഘാടനം ചെയ്തു. ആധുനിക ഇസ്‌ലാമിക ശൈലിയിൽ നിർമിച്ച ഈ മസ്ജിദിൽ 1350 പേര്‍ക്ക് നമസ്കരിക്കാന്‍ സൗകര്യമുണ്ട്.
വിശാലമായ പൂന്തോട്ടം, പാർക്കിങ് സ്ഥലങ്ങൾ എന്നിവക്ക് പുറമെ മനോഹരമായ വാസ്തുവിദ്യയും അൽ റാഖിബ് മസ്ജിദിനെ വ്യത്യസ്തമാക്കുന്നുണ്ട്. ഉദ്ഘാടനത്തോടനുബന്ധിച്ച് ശൈഖ് ഹുമൈദ് ബിന്‍ റാശിദ് അല്‍ നുഐമി പള്ളിയില്‍ മസ്ജിദിൽ നമസ്കാരം നിർവഹിച്ചു. അജ്മാന്‍ കിരീടാവകാശി ശൈഖ് അമ്മാര്‍ ബിന്‍ ഹുമൈദ് അല്‍ നുഐമി, നഗരസഭ ചെയര്‍മാന്‍ ശൈഖ് റാഷിദ് ബിന്‍ ഹുമൈദ് അല്‍ നുഐമി തുടങ്ങി നിരവധി പ്രമുഖര്‍ ഉദ്ഘാടന ചടങ്ങില്‍ സന്നിഹിതരായിരുന്നു