ഉ​റ്റ​വ​രു​ടെ ചാ​ര​ത്ത് റാ​ഷി​ദ് അ​ന്‍വ​ര്‍ ധ​ര്‍

ഷാ​ര്‍ജ: എ​ട്ട് മാ​സം മു​മ്പ് ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​നി​ല്‍ (ഐ.​എ.​എ​സ്) ന​ട​ന്ന ഓ​പ​ണ്‍ ഹൗ​സി​ലെ​ത്തി​യ​വ​രു​ടെ മ​ന​സ്സി​ല്‍ നൊ​മ്പ​രം പ​ട​ര്‍ത്തി​യ റാ​ഷി​ദ് അ​ന്‍വ​ര്‍ ധ​ര്‍ (84) ഒ​ടു​വി​ല്‍ പി​റ​ന്ന മ​ണ്ണി​ല്‍. മ​റ​വി രോ​ഗം പി​ടി​കൂ​ടി​യ വ​യോ​ധി​ക​നാ​യ റാ​ഷി​ദ് ത​ല ചാ​യ്ക്കാ​നി​ടം ആ​വ​ശ്യ​പ്പെ​ട്ടാ​ണ് ഐ.​എ.​എ​സി​ൽ എ​ത്തി​യ​തെ​ന്ന്​ പ്ര​സി​ഡ​ന്‍റ് നി​സാ​ര്‍ ത​ള​ങ്ക​ര ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു.

പേ​ര് മാ​ത്രം ഓ​ര്‍മ​യി​ലു​ണ്ടാ​യി​രു​ന്ന ഇ​ദ്ദേ​ഹ​ത്തി​ന്‍റെ കൈ​വ​ശം പാ​സ്പോ​ര്‍ട്ട് ഉ​ള്‍പ്പെ​ടെ ഒ​രു രേ​ഖ​യും ഉ​ണ്ടാ​യി​രു​ന്നി​ല്ല. റാ​ഷി​ദ് അ​ന്‍വ​ര്‍ ധ​ര്‍ എ​ന്ന് പ​രി​ച​യ​പ്പെ​ടു​ത്തി​യ ഇ​ദ്ദേ​ഹം യു.​എ.​ഇ​യി​ല്‍ ഡോ​ക്ട​റാ​യി​രു​ന്നു​വെ​ന്ന്​ പ​റ​ഞ്ഞു. എ​ന്നാ​ല്‍, റാ​ഷി​ദ് പ​റ​ഞ്ഞ ആ​ശു​പ​ത്രി​ക​ളി​ലെ​ല്ലാം അ​ന്വേ​ഷി​ച്ചെ​ങ്കി​ലും സ്ഥി​രീ​ക​രി​ക്കാ​നാ​യി​ല്ല.

ഓ​പ​ണ്‍ ഹൗ​സി​നെ​ത്തി​യ ഇ​ന്ത്യ​ന്‍ കോ​ണ്‍സ​ല്‍ ജ​ന​റ​ല്‍ സ​തീ​ഷ് കു​മാ​ര്‍ ശി​വ​നും റാ​ഷി​ദി​ന്‍റെ ബ​ന്ധു​ക്ക​ളെ ക​ണ്ടെ​ത്താ​ൻ പ്ര​ത്യേ​ക താ​ല്‍പ​ര്യ​മെ​ടു​ത്തു. റാ​ഷി​ദി​നാ​യി അ​സോ​സി​ഷേ​നി​ല്‍ താ​മ​സ സൗ​ക​ര്യ​വും ഭ​ക്ഷ​ണ​വും ഒ​രു​ക്കി​യ ഭ​ര​ണ​സ​മി​തി​യം​ഗ​ങ്ങ​ള്‍ ഉ​റ്റ​വ​ര്‍ക്കാ​യു​ള്ള അ​ന്വേ​ഷ​ണ​വും തു​ട​ര്‍ന്നു. ഒ​ടു​വി​ൽ കോ​ണ്‍സു​ലേ​റ്റ്​ സ്വ​ദേ​ശം ക​ശ്മീ​രാ​ണെ​ന്ന് ക​ണ്ടെ​ത്തി.

ധ​ര്‍ എ​ന്ന കു​ടും​ബ പേ​ര് ഓ​ര്‍മ​യി​ലു​ണ്ടാ​യി​രു​ന്ന​താ​ണ് ഉ​റ്റ​വ​രെ ക​ണ്ടെ​ത്താ​ന്‍ തു​ണ​ച്ച​ത്. ഇ​തി​നി​ടെ ചി​കി​ല്‍സ ആ​വ​ശ്യ​മാ​യി വ​ന്ന റാ​ഷി​ദി​ന്​ ദു​ബൈ ആ​ശു​പ​ത്രി​യി​ല്‍ സൗ​ക​ര്യ​മൊ​രു​ക്കി. ആ​രോ​ഗ്യം വീ​ണ്ടെ​ടു​ത്ത ശേ​ഷ​മാ​ണ് റാ​ഷി​ദ് നാ​ട്ടി​ലേ​ക്ക് മ​ട​ങ്ങു​ന്ന​ത്. അ​സോ​സി​യേ​ഷ​ന്‍ ക​മ്മി​റ്റി​യം​ഗം പ്ര​ഭാ​ക​ര​നൊ​പ്പം ബു​ധ​നാ​ഴ്ച രാ​വി​ലെ 10.30ന് ​ദു​ബൈ​യി​ല്‍ നി​ന്ന് തി​രി​ച്ച റാ​ഷി​ദ് വൈ​കീ​ട്ട് ച​ണ്ഡി​ഗ​ഢ് വി​മാ​ന​ത്താ​വ​ള​ത്തി​ല്‍ കു​ടും​ബ​ത്തോ​ടൊ​പ്പം ചേ​ര്‍ന്ന​താ​യി ഐ.​എ.​എ​സ്​ ജ​ന​റ​ൽ സെ​ക്ര​ട്ട​റി ശ്രീ​പ്ര​കാ​ശ് പ​റ​ഞ്ഞു.