സുഡാൻ സംഘർഷം: ഇന്ത്യ-യു.എ.ഇ വിദേശകാര്യമന്ത്രിമാർ ചർച്ചചെയ്തു

ദു​ബൈ: സു​ഡാ​നി​ൽ സം​ഘ​ർ​ഷം രൂ​ക്ഷ​മാ​യ സാ​ഹ​ച​ര്യം സം​ബ​ന്ധി​ച്ച്​ ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി എ​സ്. ജ​യ്​​ശ​ങ്ക​റും യു.​എ.​ഇ വി​ദേ​ശ​കാ​ര്യ, അ​ന്താ​രാ​ഷ്​​ട്ര സ​ഹ​ക​ര​ണ​മ​ന്ത്രി ശൈ​ഖ്​ അ​ബ്​​ദു​ല്ല ബി​ൻ സാ​യി​ദ്​ ആ​ൽ ന​ഹ്​​യാ​നും ച​ർ​ച്ച ചെ​യ്തു. ബു​ധ​നാ​ഴ്ച ഫോ​ൺ വ​ഴി​യാ​ണ്​ നി​ല​വി​ലെ സാ​ഹ​ച​ര്യം സം​ബ​ന്ധി​ച്ച്​ ഇ​രു നേ​താ​ക്ക​ളും സം​സാ​രി​ച്ച​ത്.

ഇ​ന്ത്യ​ക്കാ​രാ​യ നി​ര​വ​ധി​പേ​ർ സു​ഡാ​നി​ൽ കു​ടു​ങ്ങി​ക്കി​ട​ക്കു​ന്ന സാ​ഹ​ച​ര്യ​ത്തി​ൽ ര​ക്ഷാ​ദൗ​ത്യം സം​ബ​ന്ധി​ച്ചും ച​ർ​ച്ച ന​ട​ന്നി​ട്ടു​ണ്ട്. കു​ടു​ങ്ങി​ക്കി​ട​ക്കു​ന്ന​വ​രെ ര​ക്ഷ​പ്പെ​ടു​ത്തു​ന്ന​തി​ന്​ ശ്ര​മ​ങ്ങ​ൾ സ​ജീ​വ​മാ​ക്കു​ന്ന​തി​ന്‍റെ ഭാ​ഗ​മാ​യി നേ​ര​ത്തെ എ​സ്. ജ​യ്​​ശ​ങ്ക​ർ സൗ​ദി വി​ദേ​ശ​കാ​ര്യ മ​ന്ത്രി ഫൈ​സ​ൽ ബി​ൻ ഫ​ർ​ഹാ​ൻ രാ​ജ​കു​മാ​ര​നു​മാ​യും ച​ർ​ച്ച ന​ട​ത്തി​യി​ട്ടു​ണ്ട്. സു​ഡാ​നി​ലെ സാ​ഹ​ച​ര്യം സം​ബ​ന്ധി​ച്ച്​ അ​ഭി​പ്രാ​യം പ​ങ്കു​​വെ​ച്ച​തി​ൽ ശൈ​ഖ്​ അ​ബ്​​ദു​ല്ല​ക്ക്​ ജ​യ്​​ശ​ങ്ക​ർ ട്വി​റ്റ​റി​ൽ ന​ന്ദി അ​റി​യി​ച്ചു.

അ​തി​നി​ടെ, ലോ​ക​ത്തി​ന്‍റെ വി​വി​ധ രാ​ജ്യ​ങ്ങ​ളി​ൽ നി​ന്ന്​ ദു​ബൈ വ​ഴി സു​ഡാ​നി​ലേ​ക്ക്​ പു​റ​പ്പെ​ട്ട യാ​ത്ര​ക്കാ​ർ​ക്ക്​ താ​മ​സ സൗ​ക​ര്യ​മൊ​രു​ക്കു​മെ​ന്ന്​ ദു​ബൈ വി​മാ​ന​ത്താ​വ​ളം അ​ധി​കൃ​ത​ർ അ​റി​യി​ച്ചു. സു​ഡാ​നി​ൽ സം​ഘ​ർ​ഷം രൂ​ക്ഷ​മാ​യ സാ​ഹ​ച​ര്യ​ത്തി​ൽ വി​മാ​ന സ​ർ​വി​സു​ക​ൾ നി​ർ​ത്തി​വെ​ച്ച സാ​ഹ​ച​ര്യ​ത്തി​ലാ​ണ്​ ന​ട​പ​ടി സ്വീ​ക​രി​ച്ചി​ട്ടു​ള്ള​ത്.

സു​ഡാ​ൻ ത​ല​സ്ഥാ​ന​മാ​യ ഖാ​ർ​ത്തൂ​മി​ലേ​ക്ക്​ വി​മാ​ന സ​ർ​വി​സ്​ പു​ന​രാ​രം​ഭി​ക്കു​ന്ന​ത്​ വ​രെ​യോ മ​​റ്റേ​തെ​ങ്കി​ലും രാ​ജ്യ​ത്തേ​ക്ക്​ മ​ട​ങ്ങു​ന്ന​ത്​ വ​രെ​യോ താ​മ​സം ഒ​രു​ക്കും. യാ​ത്ര​ക്കാ​രു​ടെ സു​ര​ക്ഷ​ക്ക്​ ഏ​റ്റ​വും കൂ​ടു​ത​ൽ പ​രി​ഗ​ണ​ന ന​ൽ​കു​മെ​ന്ന്​ അ​ധി​കൃ​ത​ർ കൂ​ട്ടി​ച്ചേ​ർ​ത്തു.