ഹിജ്​റ പുതുവൽസരം; യു.എ.ഇയിൽ 30ന്​ അവധി

ദുബൈ: ഹിജ്​റ പുതുവൽസരാരംഭത്തിന്‍റെ ഭാഗമായി ജൂലൈ 30 ശനിയാഴ്ച യു.എ.ഇയിലെ സ്വകാര്യ മേഖലയിലെ ജീവനക്കാർക്ക്​ അവധി പ്രഖ്യാപിച്ചു. എല്ലാ മേഖലകളിലും പ്രവർത്തിക്കുന്ന ജീവനക്കാരുടെ അവധിദിവസങ്ങൾ ഏകീകരിക്കുന്നതിന്‍റെ ഭാഗമായാണ്​ സ്വകാര്യ മേഖലയിലെ ജീവനക്കാർക്കും സർക്കാർ മേഖലയിലേതിന്​ സമാനമായി അവധി നൽകുന്നതെന്ന്​ മാനവവിഭവ ശേഷി മന്ത്രാലയം പ്രസ്താവനയിൽ അറിയിച്ചു. ഇതോടെ സർക്കാർ, സ്വകാര്യ മേഖലകളിലെ സർക്കാർ ജീവനക്കാർക്ക്​ ഒരേ ദിവസം അവധി ലഭിക്കും.

ഹിജ്​റ വർഷാരഭമായ മുഹർറം ഒന്ന്​ ഇത്തവണ ജൂലൈ 30നായിരിക്കുമെന്ന്​ നേരത്തെ വിവിധ ജ്യോതിശാസ്ത്ര ഗവേഷകർ പ്രവചിച്ചിട്ടുണ്ട്​. ഈ സാചര്യത്തിലാണ്​ അവധി നിർണയിച്ചത്​. ഇതോടെ ശനിയാഴ്ച പ്രവൃത്തിദിനമായ സ്ഥാപനങ്ങളിൽ ഞായറാഴ്ചയടക്കം രണ്ടു ദിവസത്തെ അവധി ലഭിക്കുന്നതാണ്​.