ആർ.എസ്​.എസ്​ ആസ്​ഥാനം ആക്രമിക്കാൻ പദ്ധതിയിട്ടെന്ന കേസിൽ രണ്ടു​പേരെ വെറുതെവിട്ടു

മുംബൈ: ആർ.എസ്​.എസി‍​െൻറ നാഗ്​പൂർ ആസ്​ഥാനം ആക്രമിക്കാൻ പദ്ധതിയിട്ടെന്ന 2006ലെ കേസിൽ രണ്ട്​ മുൻ സിമി പ്രവർത്തകരെ ബോംെബ ഹൈകോടതി കുറ്റമുക്തരാക്കി. ആസിഫ്​ ഖാൻ, പർവേസ്​ റിയാസുദ്ദീൻ ഖാൻ എന്നിവരെയാണ്​ ഹൈകോടതി ഒൗറംഗാബാദ്​ ബെഞ്ച്​ കുറ്റമുക്ത​രാക്കിയത്​. 2017ൽ ജൽഗാവിലെ അഡീഷനൽ സെഷൻസ്​ കോടതി വിധിച്ച ശിക്ഷയും പിഴയും റദ്ദാക്കിയാണ്​ ജസ്​റ്റിസ്​ ആർ.ജി. അവചതി​​െൻറ തീർപ്പ്​. 

വിധി അനുകൂലമായെങ്കിലും 2006ലെ മുംബെ ട്രെയിൻ സ്​ഫോടന പരമ്പര കേസിൽ ജീവപര്യന്തം തടവിൽ കഴിയുന്ന ആസിഫിന്​ ജയിൽ മോചിതനാകാൻ കഴിയില്ല. െട്രയിൻ സ്​ഫോടന കേസിൽ അറസ്​റ്റിലായി മഹാരാഷ്​ട്ര എ.ടി.എസി‍​െൻറ കസ്​റ്റഡിയിൽ കഴിയുമ്പോഴാണ്​ ജൽഗാവ്​ പൊലീസ്​ ആസിഫിനെ ആർ.എസ്​.എസ്​ ആസ്​ഥാനം ആക്രമിക്കാൻ പദ്ധതിയിട്ടെന്ന കേസിൽ പ്രതിചേർക്കുന്നത്​. 

2006ലെ ആദ്യ മാലേഗാവ്​ സ്​ഫോടന കേസിലും ആസിഫ്​ പ്രതിയായിരുന്നു. സംഘ്​പരിവാർ സംഘടനകളാണ്​ സ്​ഫോടനത്തിന്​ പിന്നിലെന്ന സ്വാമി അസിമാനന്ദയുടെ വെളിപ്പെടുത്തലിനെ തുടർന്ന്​ ആസിഫ്​ ഉൾപ്പെടെ മാലേഗാവ്​ കേസിലെ പ്രതികളെ കോടതി കുറ്റമുക്തരാക്കുകയായിരുന്നു.