ഉറി ആക്രമണം: പിന്നിൽ പ്രവർത്തിച്ചവരെ വെറുതെവിടില്ല- മോദി

ന്യൂഡൽഹി: ഉറിയിൽ കരസേനയുടെ ബേസ് ക്യാമ്പിലുണ്ടായ ഭീകരാക്രമണത്തിൽ പ്രധാനമന്ത്രി നരേന്ദ്രമോദി അനുശോചനം രേഖപ്പെടുത്തി. ഈ ഭീരുത്വം നിറഞ്ഞ പ്രവർത്തിക്കു പിന്നിൽ പ്രവർത്തിച്ചവരെ രാജ്യം ശിക്ഷിക്കാതിരിക്കില്ലെന്ന് മോദി ഉറപ്പുനൽകി. ആക്രമണത്തിൽ രക്തസാക്ഷികളായ സൈനികരെ അഭിവാദ്യം ചെയ്ത  മോദി രാഷ്ട്രം അവരുടെ സേവനത്തെ എല്ലായ്പ്പോഴും ഓർക്കുമെന്നും വ്യക്തമാക്കി.

We strongly condemn the cowardly terror attack in Uri. I assure the nation that those behind this despicable attack will not go unpunished.

— Narendra Modi (@narendramodi) September 18, 2016

ഭീകരാക്രമണത്തിൻെറ പശ്ചാത്തലത്തിൽ കശ്മീരിലെ സാഹചര്യം സംബന്ധിച്ച് ആഭ്യന്തരമന്ത്രി രാജ്നാഥ് സിംഗ്, പ്രതിരോധമന്ത്രി മനോഹർ പരീക്കർ എന്നിവരുമായി സംസാരിച്ചതായും മോദി വ്യക്തമാക്കി.