യു.പിയിൽ ഭൂചലനം; റിക്ടർസ്കെയിലിൽ 5.2 തീവ്രത

ലഖ്നോ: യു.പി തലസ്ഥാനമായ ലഖ്നോവിൽ ഭൂചലനം. ശനിയാഴ്ച പുലർച്ചെയാണ് പ്രകമ്പനം അനുഭവപ്പെട്ടത്. നാഷണൽ സീസ്മോളജി സെന്ററിന്റെ റിപ്പോർട്ട് പ്രകാരം ശനിയാഴ്ച പുലർച്ചെ 1.12നാണ് ഭൂചലനം അനുഭവപ്പെട്ടത്. 82 കിലോമീറ്റർ ആഴത്തിലാണ് ഭൂകമ്പത്തിന്റെ പ്രഭവകേന്ദ്രമെന്ന് സീസ്മോളജി സെന്റർ വ്യക്തമാക്കി.

നഗരത്തിന്റെ വടക്കൻ പ്രദേശങ്ങളിലും വടക്ക്-കിഴക്ക് പ്രദേശത്തും ഇതിന്റെ പ്രകമ്പനമുണ്ടായി. ഭൂകമ്പത്തിൻ മരണമോ മറ്റ് നാശനഷ്ടങ്ങളോ റിപ്പോർട്ട് ചെയ്തിട്ടില്ല. നേരത്തെ ഉത്തരാഖണ്ഡിലെ പിത്തഗ്രോഹിൽ ഭൂചലനം റിപ്പോർട്ട് ചെയ്തിരുന്നു.

റിക്ടർ സ്കെയിലിൽ 3.6 തീവ്രത രേഖപ്പെടുത്തിയ ഭൂചലനമാണ് ഉത്തരാഖണ്ഡിലുണ്ടായത്. ജമ്മുകശ്മീരിലും റിക്ടർ സ്കെയിലിൽ 3.1 തീവ്രത രേഖപ്പെടുത്തിയ ഭൂചലനമുണ്ടായിരുന്നു.