അ​ബ്കി ബാ​ർ മ​ട്ട​ൻ​ക​റി ചാ​ർ!

തെ​ര​ഞ്ഞെ​ടു​പ്പി​ൽ വി​ക​സ​ന​വി​ഷ​യ​ങ്ങ​ൾ ച​ർ​ച്ച ചെ​യ്യു​ന്ന, വി​ക​സ​ന​സ്വ​പ്ന​ങ്ങ​ൾ ഉ​യ​ർ​ത്തി​പ്പി​ടി​ക്കു​ന്ന ഒ​രു പാ​ർ​ട്ടി ഉ​ണ്ടെ​ങ്കി​ൽ അ​ത് ഭാ​ര​തീ​യ ജ​ന​ത പാ​ർ​ട്ടി മാ​ത്ര​മാ​ണ്. മ​റ്റ് പാ​ർ​ട്ടി​ക​ളൊ​ക്കെ തെ​ര​ഞ്ഞെ​ടു​പ്പ് അ​ടു​ത്ത​പ്പോ​ൾ അ​വ​രു​ടെ ത​നി​നി​റം കാ​ട്ടി​ത്തു​ട​ങ്ങി​യി​ട്ടു​ണ്ട്. മ​തം, വി​ശ്വാ​സം, ഭ​ക്ഷ​ണം എ​ന്നു​വേ​ണ്ട സ​ക​ല ന​മ്പ​റു​ക​ളും അ​വ​ർ ഇ​റ​ക്കി​ത്തു​ട​ങ്ങി​.

ഏ​റ്റ​വും ഒ​ടു​വി​ൽ സി.​പി.​എം സെ​ക്ര​ട്ട​റി സീ​താ​റാം യെ​ച്ചൂ​രി ന​രേ​ന്ദ്ര മോ​ദി​യെ ക​ണ്ണൂ​രി​ലെ മാ​ടാ​യി​ക്കാ​വി​ലേ​ക്ക് ക്ഷ​ണി​ച്ചി​രി​ക്കു​ക​യാ​ണ്. അ​വി​ടെ പ്ര​സാ​ദ​മാ​യി ന​ൽ​കു​ന്ന​ത് കോ​ഴി​യി​റ​ച്ചി​യാ​ണ​ത്രെ. അ​തി​ന് മോ​ദി​ജി​യെ​ന്ത് വേ​ണം? മാ​ടാ​യി​പ്പാ​റ വ​ഴി ര​ണ്ടു റൗ​ണ്ട് ഓ​ട​ണോ? വി​ക​സ​ന​ത്തെ​ക്കു​റി​ച്ച് ച​ർ​ച്ച ചെ​യ്യൂ, യെ​ച്ചൂ​രി സാ​ർ.

ശ​രി​യാ​ണ്, രാ​ഹു​ൽ ഗാ​ന്ധി ക​ഴി​ഞ്ഞ​വ​ർ​ഷം ലാ​ലു​പ്ര​സാ​ദ് യാ​ദ​വി​ന്റെ വീ​ട്ടി​ൽ വെ​ച്ച് മ​ട്ട​ൻ​ക​റി ക​ഴി​ച്ച​തി​നെ മോ​ദി​ജി വി​മ​ർ​ശി​ച്ചി​ട്ടു​ണ്ട്. അ​തി​നെ​പ്പോ​ലും വ​ർ​ഗീ​യ​ത​യു​ടെ ക​ണ്ണി​ലൂ​ടെ​യാ​ണ് പ്ര​തി​പ​ക്ഷം നോ​ക്കി​ക്ക​ണ്ട​ത്. മ​ട്ട​ൻ​ക​റി ക​ഴി​ച്ചാ​ൽ ആ​രു​ടേ​യും ആ​രോ​ഗ്യം ഒ​ന്ന് ന​ന്നാ​വും.

പ​ണ്ടാ​രോ പ​റ​ഞ്ഞ​പോ​ലെ രാ​ഹു​ൽ ഗാ​ന്ധി ന​ന്നാ​യാ​ൽ അ​ദ്ദേ​ഹ​ത്തി​ന്റെ കു​ടും​ബം ന​ന്നാ​വും. കു​ടും​ബം ന​ന്നാ​യാ​ൽ നാ​ട് ന​ന്നാ​വും. നാ​ട് ന​ന്നാ​യാ​ൽ രാ​ജ്യം ന​ന്നാ​വും. രാ​ജ്യം ന​ന്നാ​യാ​ൽ ലോ​കം ന​ന്നാ​വും. അ​ങ്ങ​നെ ന​ന്നാ​യ ലോ​ക​ത്തി​ൽ ആ ​പാ​കി​സ്താ​നും പെ​ടി​ല്ലേ? അങ്ങനെ രാഹുൽ മട്ടൻകറി കഴിച്ചിട്ട് പാകിസ്താൻ നന്നാവണ്ട എന്നേ മോദിജി കരുതിയുള്ളൂ. അതൊരു തെറ്റാ?

ക​ഴി​ഞ്ഞ​വ​ർ​ഷം രാ​ഹു​ൽ ഗാ​ന്ധി ഭ​ക്ഷ​ണം ക​ഴി​ച്ച​തി​നെ​പ്പ​റ്റി ഇ​പ്പോ​ൾ പ​റ​യ​ണോ എ​ന്നാ​ണ് ചി​ല വി​വ​ര​ദോ​ഷി​ക​ൾ ചോ​ദി​ക്കു​ന്ന​ത്. രാ​ജ്യ​ത്ത് ആ​രെ​ങ്കി​ലും ഭ​ക്ഷ​ണം ക​ഴി​ക്കു​മ്പോ​ൾ നോ​ക്കി​നി​ൽ​ക്കു​ന്ന ശീ​ലം മോ​ദി​ജി​ക്കി​ല്ല. നി​ങ്ങ​ൾ ക​ഴി​ച്ചു​പോ​ലും ക​ഴി​ച്ചി​ല്ല​പോ​ലും, അ​തൊ​ക്കെ നി​ങ്ങ​ടെ സ്വാ​ത​ന്ത്ര്യം.

നോ​ക്കൂ, 2022ൽ ​ആ​ഗോ​ള വി​ശ​പ്പ് സൂ​ചി​ക​യി​ൽ ഭാ​ര​തം നൂ​റ്റി​യേ​ഴാം സ്ഥാ​ന​ത്താ​യി​രു​ന്നു. എ​ന്നാ​ൽ അ​തി​ൽ​നി​ന്നും വി​ക​സി​ക്ക​ണ​മെ​ന്നേ മോ​ദി​ജി ആ​ഗ്ര​ഹി​ച്ചു​ള്ളൂ. മാ​ത്ര​മ​ല്ല ന​മു​ക്കൊ​രു ഫാ​ൻ​സി ന​മ്പ​ർ ത​ന്നെ വേ​ണ​മെ​ന്നു​മു​ള്ള മോ​ദി​ജി​യു​ടെ ദാ​ഹം കൊ​ണ്ടു​കൂ​ടി​യാ​ണ് 2023ൽ ​വി​ശ​പ്പ് സൂ​ചി​ക​യി​ൽ നാം ​നൂ​റ്റി​പ​തി​നൊ​ന്നാം സ്ഥാ​ന​ത്ത് എ​ത്തി​യ​ത്.

പെ​ട്രോ​ൾ മേ​ഖ​ല, ഡീ​സ​ൽ മേ​ഖ​ല, പാ​ച​ക​വാ​ത​ക മേ​ഖ​ല, വി​ദ്വേ​ഷ-​വ്യാ​ജ പ്ര​ചാ​ര​ണ മേ​ഖ​ല, അ​ങ്ങ​നെ സ​ർ​വ​മേ​ഖ​ല​ക​ളി​ലു​മു​ള്ള വി​ക​സ​നം മാ​ത്ര​മാ​ണ് ല​ക്ഷ്യം. ക​ഴി​ഞ്ഞ പ​ത്തു​വ​ർ​ഷം ക​ണ്ട​ത് ട്രെ​യി​ല​ർ മാ​ത്ര​മാ​ണെ​ന്ന് മോ​ദി​ജി പ​റ​ഞ്ഞു​ക​ഴി​ഞ്ഞു. ആ​ദ്യ​ത്തെ അ​ഞ്ചു​വ​ർ​ഷം ഭ്ര​മ​യു​ഗം.

പി​ന്ന​ത്തെ അ​ഞ്ചു​വ​ർ​ഷം ആ​ടു​ജീ​വി​തം. യ​ഥാ​ർ​ഥ വി​ക​സ​ന​ത്തി​ന്റെ കു​തി​പ്പ് അ​ടു​ത്ത വ​ർ​ഷ​ങ്ങ​ളി​ൽ കാ​ണാ​നി​രി​ക്കു​ന്ന​തേ​യു​ള്ളൂ. ന​ല്ലൊ​രു അ​ഭി​നേ​താ​വാ​യ​തി​നാ​ൽ അ​ദ്ദേ​ഹം സി​നി​മ​യു​ടെ ഭാ​ഷ​യി​ൽ പ​റ​ഞ്ഞെ​ന്ന് മാ​ത്രം. കാ​ര്യം ഇ​ത്ര​യേ​യു​ള്ളൂ, അ​ടി തു​ട​ങ്ങി​യി​ട്ടി​ല്ല, വ​ടി വെ​ട്ടാ​ൻ പോ​യി​ട്ടേ​യു​ള്ളൂ.