ല​ഹ​രി​ക്ക​ട​ത്ത് കേ​സു​ക​ളി​ലെ പ്ര​തി​യെ കാ​പ്പ ചു​മ​ത്തി അ​റ​സ്റ്റ് ചെ​യ്തു

കാ​ളി​കാ​വ്: നി​ര​വ​ധി ല​ഹ​രി​മ​രു​ന്ന് ക​ട​ത്ത് കേ​സു​ക​ളി​ൽ പ്ര​തി​യാ​യ ചോ​ക്കാ​ട് പ​രു​ത്തി​പ്പ​റ്റ സ്വ​ദേ​ശി ചെ​റ​ള​ക്കോ​ട​ൻ അ​ഫ്സ​ൽ എ​ന്ന പു​ണ്ടാ​ലു അ​ഫ്സ​ലി​നെ (32) കാ​ളി​കാ​വ് പൊ​ലീ​സ് കാ​പ്പ ചു​മ​ത്തി അ​റ​സ്റ്റ് ചെ​യ്തു. ജി​ല്ല പൊ​ലീ​സ് മേ​ധാ​വി ന​ൽ​കി​യ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ ക​ല​ക്ട​ർ വി.​ആ​ർ. വി​നോ​ദാ​ണ് ന​ട​പ​ടി സ്വീ​ക​രി​ച്ച​ത്.

ബം​ഗ​ളൂ​രു​വി​ൽ ജോ​ലി ചെ​യ്യു​ന്ന​വ​രെ​യും വി​ദ്യാ​ർ​ഥി​ക​ളെ​യും കാ​രി​യ​റാ​ക്കി കേ​ര​ള​ത്തി​ലേ​ക്ക് എം.​ഡി.​എം.​എ പോ​ലു​ള്ള രാ​സ ല​ഹ​രി​ക​ൾ ക​ട​ത്തു​ന്ന സം​ഘ​ത്തി​ലെ പ്ര​ധാ​നി​യാ​ണ് അ​ഫ്സ​ൽ. ല​ഹ​രി ക​ട​ത്തി​യ​തി​ന് എ​ക്സൈ​സി​ലും പൊ​ലീ​സി​ലും നി​ര​വ​ധി കേ​സു​ക​ൾ നി​ല​വി​ലു​ണ്ട്.

എം.​ഡി.​എം.​എ കൈ​വ​ശം വെ​ച്ച​തി​ന് കാ​ളി​കാ​വ് പോ​ലീ​സ് അ​റ​സ്റ്റ് ചെ​യ്ത പ്ര​തി അ​ഞ്ച് മാ​സ​ത്തെ ജ​യി​ൽ​വാ​സ​ത്തി​നു ശേ​ഷം അ​ടു​ത്തി​ടെ​യാ​ണ് പു​റ​ത്തി​റ​ങ്ങി​യ​ത്. എ​സ്.​ഐ ശ​ശി​കു​മാ​റി​ന്റെ നേ​തൃ​ത്വ​ത്തി​ൽ കാ​ളി​കാ​വ് പൊ​ലീ​സും നി​ല​മ്പൂ​ർ ഡാ​ൻ​സാ​ഫും ചേ​ർ​ന്നാ​ണ് പ്ര​തി​യെ അ​റ​സ്റ്റ് ചെ​യ്ത​ത്.