ദുർഗാപൂർ വിമാനപകടം; റൺവേ 34​ എന്ന സിനിമയിലേതിന് സമാനമെന്ന് അപകടത്തിൽ പെട്ടവർ

ദുർഗാപൂർ/ കൊൽക്കത്ത: മുംബൈയിൽ നിന്നും പശ്ചിമ ബംഗാളിലെ ദുർഗാപൂരി​ലെക്ക് പോയ വിമാനം അപകടത്തിൽപ്പെട്ട് രക്ഷപ്പെട്ടെങ്കിലും അതിന്‍റെ ആഘാതത്തിലാണ് ഇപ്പോഴും യാത്രാക്കാർ. കഴിഞ്ഞ ദിവസം പുറത്തിറങ്ങിയ റൺവേ 34​ എന്ന സിനിമയിലെ രംഗങ്ങൾക്ക് സമാനമായിരുന്നു അപകടമെന്നാണ് യാത്രാക്കാർ നൽകുന്ന വിവരം.

ഏപ്രിൽ 29നാണ് വിമാനാപകടത്തിന്റെ കഥ പ്രമേയമാക്കിയ ഈ അജയ് ദേവ്ഗൺ ചിത്രം പുറത്തിറങ്ങിയത്, മോശം കാലാവസ്ഥയെത്തുടർന്ന് വിമാനം അപകടത്തിൽപ്പെടുന്നതും പിന്നീട് സുരക്ഷിതമായി താഴെയിറക്കുന്നതുമാണ് ചിത്രത്തി​ലെ കഥ.

ഇക്കഴിഞ്ഞ ഞായറാഴ്ചയാണ് സ്പൈസ് ജെറ്റ് കമ്പനിയുടെ ബോയിങ് ബി 737 എസ്.ജി 945 എന്ന വിമാനം ലാന്റിംഗിന് ഒരുങ്ങന്നതിനിടയിൽ അപകടത്തിൽപ്പെട്ടത്. അപകടത്തിൽ 11 യാത്രക്കാർക്ക് ഗുരുതര പരിക്കേറ്റിരുന്നു.