തെരഞ്ഞെടുപ്പ് അരികെ; വീണ്ടും ഏക സിവിൽ കോഡ്​

ന്യൂ​ഡ​ൽ​ഹി: ലോ​ക്സ​ഭ തെ​ര​ഞ്ഞെ​ടു​പ്പി​​ന്​ രാ​ജ്യം ഒ​രു​ങ്ങു​ന്ന​തി​നി​ടെ, ബി.​ജെ.​പി​യു​ടെ വി​വാ​ദ അ​ജ​ണ്ട​ക​ളി​ലൊ​ന്നാ​യ ഏ​ക സി​വി​ൽ കോ​ഡ്​ നി​യ​മ ക​മീ​ഷ​ൻ വീ​ണ്ടും ച​ർ​ച്ച​ക്കു​ വെ​ച്ചു. രാ​ജ്യ​ത്ത്​ ഏ​ക സി​വി​ൽ കോ​ഡ്​ ന​ട​പ്പാ​ക്കു​ന്ന​തി​നെ​ക്കു​റി​ച്ച്​ ഒ​രു മാ​സ​ത്തി​ന​കം അ​ഭി​പ്രാ​യം അ​റി​യി​ക്കാ​ൻ ബ​ന്ധ​പ്പെ​ട്ട വ്യ​ക്തി​ക​ളോ​ടും അം​ഗീ​കൃ​ത സ​മു​ദാ​യ സം​ഘ​ട​ന​ക​ളോ​ടും ക​മീ​ഷ​ൻ നി​ർ​ദേ​ശി​ച്ചു.

വി​വി​ധ വ്യ​ക്തി​നി​യ​മ​ങ്ങ​ൾ പ്രാ​ബ​ല്യ​ത്തി​ലു​ള്ള ബ​ഹു​സ്വ​ര രാ​ജ്യ​ത്ത്​ ഒ​റ്റ സി​വി​ൽ കോ​ഡ്​ പ്രാ​യോ​ഗി​ക​മ​ല്ലെ​ന്ന വാ​ദ​ം ത​ള്ളി നി​യ​മ​നി​ർ​മാ​ണ​ത്തി​ന്​ മോ​ദി​സ​ർ​ക്കാ​ർ ഒ​രു​ക്കം ന​ട​ത്തു​ന്നു​വെ​ന്ന സൂ​ച​ന​ക​ൾ​ക്കി​ട​യി​ലാ​ണ്​ നി​യ​മ ക​മീ​ഷ​ന്‍റെ പു​തി​യ നീ​ക്കം.

നി​യ​മ ക​മീ​ഷ​നി​ൽ​നി​ന്ന്​ റി​പ്പോ​ർ​ട്ട്​ വാ​ങ്ങി ഏ​ക സി​വി​ൽ കോ​ഡ്​ ബി​ൽ വ​രു​ന്ന ശീ​ത​കാ​ല സ​മ്മേ​ള​ന​ത്തി​ൽ പാ​ർ​ല​മെ​ന്‍റി​ൽ കൊ​ണ്ടു​വ​ന്നേ​ക്കു​മെ​ന്നാ​ണ്​ സൂ​ച​ന​ക​ൾ. പാ​ർ​ല​മെ​ന്‍റ്​ പാ​സാ​ക്കി​യാ​ലും ഇ​ല്ലെ​ങ്കി​ലും ഏ​ക സി​വി​ൽ കോ​ഡ്​ വ​രും​മാ​സ​ങ്ങ​ളി​ൽ ന​​ട​ക്കേ​ണ്ട നി​യ​മ​സ​ഭ തെ​ര​ഞ്ഞെ​ടു​പ്പു​ക​ളു​ടെ​യും ലോ​ക്സ​ഭ തെ​ര​ഞ്ഞെ​ടു​പ്പി​ന്‍റെ​യും ച​ർ​ച്ചാ​ഗ​തി തി​രി​ക്കാ​ൻ പ​ര്യാ​പ്ത​മാ​ണ്​. നേരത്തെ ഗു​ജ​റാ​ത്ത്, ഉ​ത്ത​രാ​ഖ​ണ്ഡ്, അ​സം, മ​ധ്യ​പ്ര​ദേ​ശ്​ തു​ട​ങ്ങി ബി.​​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ൾ ഏ​ക സി​വി​ൽ ​കോ​ഡി​ന്‍റെ പ്രാ​രം​ഭ ന​ട​പ​ടി​ക​ളി​ലേ​ക്കു​ ക​ട​ന്നി​രു​ന്നു.

സ​ർ​ക്കാ​റി​ന്‍റെ താ​ൽ​പ​ര്യ​ത്തി​നൊ​ത്ത്​ ഏ​ക സി​വി​ൽ കോ​ഡ്​ വി​ഷ​യം പൊ​ടി​ത​ട്ടി​യെ​ടു​ക്കു​ക​യാ​ണ്​ 22ാം നി​യ​മ ക​മീ​ഷ​ൻ. ഏ​ക സി​വി​ൽ കോ​ഡി​നോ​ട്​ യോ​ജി​ക്കാ​ത്ത നി​ല​പാ​ടാ​യി​രു​ന്നു 21ാം നി​യ​മ ക​മീ​ഷ​ന്‍റേ​ത്. ഏ​ക സി​വി​ൽ കോ​ഡി​ൽ വീണ്ടും അ​ഭി​പ്രാ​യം തേ​ടു​ന്ന​തി​നെ​ക്കു​റി​ച്ച്​ ബു​ധ​നാ​ഴ്ച നി​യ​മ ക​മീ​ഷ​ൻ പു​റ​ത്തി​റ​ക്കി​യ അ​റി​യി​പ്പ്​ വി​ശ​ദീ​ക​രി​ക്കു​ന്ന​ത്​ ഇ​ങ്ങ​നെ: ‘‘2016 ജൂ​ൺ 17ന്​ ​നി​യ​മ മ​ന്ത്രാ​ല​യം നി​ർ​ദേ​ശി​ച്ച​പ്ര​കാ​രം ഏ​ക സി​വി​ൽ കോ​ഡ്​ വി​ഷ​യം 22ാം നി​യ​മ ക​മീ​ഷ​ൻ പ​രി​ശോ​ധി​ച്ചു​വ​രു​ക​യാ​ണ്. 21ാം നി​യ​മ ക​മീ​ഷ​ൻ വി​ഷ​യം പ​രി​ഗ​ണി​ച്ചി​രു​ന്നു. ചോ​ദ്യാ​വ​ലി ത​യാ​റാ​ക്കി 2016ൽ​ ബ​ന്ധ​പ്പെ​ട്ട​വ​രി​ൽ​നി​ന്ന്​ അ​ഭി​പ്രാ​യം തേ​ടി. തു​ട​ർ​ന്ന്​ 2018ലും അ​ഭി​പ്രാ​യം തേ​ടി നോ​ട്ടീ​സ്​ ഇ​റ​ക്കി​. ‘കു​ടും​ബ നി​യ​മ​ങ്ങ​ളു​ടെ പ​രി​ഷ്ക​ര​ണ’​ത്തെ​ക്കു​റി​ച്ച കൂ​ടി​യാ​ലോ​ച​ന രേ​ഖ​യും 21ാം നി​യ​മ ക​മീ​ഷ​ൻ പു​റ​ത്തി​റ​ക്കി​യി​രു​ന്നു.

ഇ​ത്ത​ര​മൊ​രു രേ​ഖ ത​യാ​റാ​ക്കി​ മൂ​ന്നു വ​ർ​ഷം ക​ഴി​ഞ്ഞ​തി​നാ​ൽ വി​ഷ​യ​ത്തി​ന്‍റെ പ്ര​സ​ക്തി ക​ണ​ക്കി​ലെ​ടു​ത്ത്​ പു​തു​താ​യി ച​ർ​ച്ച​ക്കു​ വെ​ക്കു​ക​യാ​ണ്. പൊ​തു​ജ​ന​ങ്ങ​ൾ​ക്കും അം​ഗീ​കൃ​ത സ​മു​ദാ​യ സം​ഘ​ട​ന​ക​ൾ​ക്കും 30 ദി​വ​സ​ത്തി​ന​കം കാ​ഴ്ച​പ്പാ​ട്​ അ​റി​യി​ക്കാം. നി​യ​മ ക​മീ​ഷ​ൻ വെ​ബ്​​സൈ​റ്റി​ലും [email protected] എ​ന്ന ഇ-​മെ​യി​ൽ വി​ലാ​സ​ത്തി​ലും മെം​ബ​ർ സെ​ക്ര​ട്ട​റി, ലോ ​ക​മീ​ഷ​ൻ ഓ​ഫ്​ ഇ​ന്ത്യ, ലോ​ക്​ നാ​യ​ക്​ ഭ​വ​ൻ, ഖാ​ൻ മാ​ർ​ക്ക​റ്റ്, ന്യൂ​ഡ​ൽ​ഹി -110 003 എ​ന്ന വി​ലാ​സ​ത്തി​ൽ ത​പാ​ലി​ലും കാ​ഴ്ച​പ്പാ​ട്​ അ​റി​യി​ക്കാം. ആ​വ​ശ്യ​മെ​ങ്കി​ൽ ബ​ന്ധ​പ്പെ​ട്ട വ്യ​ക്തി​യെ​യോ സ്ഥാ​പ​ന​ത്തെ​യോ നേ​രി​ട്ട്​ ​കേ​ൾ​ക്കും.’’